13/11/2017-17/11/2017
原本11月呢個假期唔諗住去旅行，喺香港休息下算。但同我同一個星期放假嘅同事都去東京，叫我去佢地酒店屈蛇。呢個星期係東京嘅紅葉季，四年前其實我已經睇過，但咁啱又比我見到平機票，咁就決定出發去東京啦。
今次嘅機票真係超抵，Hong Kong express 做緊買去送回，來回連稅$1200，不包行李。咁Zuji買HK express既package會送20kg行李，所以上去zuji睇一睇。點知發現package只係加一晚酒店就可以，total 機票加一晚hostel加20kg行李只需$900!!!仲平過單買機票！hostel我揀咗最平嗰間，因為去同事間酒店屈蛇根本唔會住hostel。
今次冇咩planning, 純粹去Hea下，所以這篇blog也是hea打的，敬請原諒。
UO848 13/11 09:20 HK -> 13/11 14:20 Tokyo Narita
UO871 17/11 16:55 Tokyo Narita -> 17/11 22:00 HK
+20kg luggage
$913hkd booked in Zuji
去程遲左15分鐘先起飛。今次我旁邊竟然有兩個空位，lucky!
14:45 landing
成田入境快左勁多！佢多左好多部入境用既機，一個staff 可以同時serve兩個人，5分鐘就完成入境手續。
另外呢，我passport仲有4個月就到期，結果成功入到日本。
我啲同事坐日航，遲我半個鐘頭落機，等埋佢一齊之後就去找WAmazing的SIM card 機，要去之前4小時前download個Apps，再登記。去到就用Apps入面既QR code, scan 一scan就可以拎到一盒免費SIM card。
可以用15日，有500Mb。我用咗5日，主要用google map, 用了400Mb左右，都算夠用，速度亦OK。
之後去買Nex來回車票，4000yen。另外再買Tokyo metro 72hrs pass, 1500yen。這張pass其實配合skyliner買會比較便宜，但我同事們坐NEX,所以就沒買skyliner的pass了。
大約五點半左右去到酒店，同事book了神田dormy inn premium 的moderate twin room, 有24sq meter呢！所以我屈蛇完全夠位。酒店頂樓有大浴場，夜晚又有免費拉麵，一晚只是$800，很抵。
酒店坐落喺四個地鐵站中間，最近的神田metro站6號出口就酒店旁邊，其他地鐵站大約行5分鐘左右，非常方便。
時間不早了我們又沒有任何plan, 就決定行去秋葉原行下。主要去激安之殿堂行下，買了新出的芒果味糖和透明奶茶。之前已經飲過透明檸檬茶，但透明奶茶的味道卻不太好。
晚餐不知吃什麼好，在酒店附近吃了天丼。（510yen)
Day 2
今日落雨，所以我哋整天的行程都是去行街。首先搭去上野站行100yen店和藥妝店
100yen既貼紙
去了大家都說很便宜的OS drug。
之後我地搭去有樂町站，諗住食森美介紹果間蟹工船。點知超級多人，reservation竟然去到10日之後都full!還好店員介紹我們去另一間分店蟹みつ。吃了4600yen的毛蟹set。一上菜的時候覺得分量很少，但最後還是吃到很飽。
吃飽後我們開始分道揚鑣，我自己去原宿和渋谷行街。在渋谷行了二手店don don down on Wednesday ,杜如風都有介紹過的。他們用水果的牌來表示價錢，一入門口會給你一張水果價錢牌。服飾款式中等，我找到了一件9成新的brook brothers外套，3000yen! 由於今日下雨，是雨之日，有九折。在LINE做會員又再有9折，所以2624yen便買到了。在官網看過，brook brothers平時的外套都要幾千蚊一件，所以真係超抵！
300yen的耳環
買了很多東西，可以先回酒店放低，再出去吃晚飯。今次係秋葉原的ローストビーフ大野。
Tabelog 3.58分。
可以選不同size的飯，我選了中量，差點吃不完。牛肉很軟很好吃，加上蛋汁亦很夾！牛肉的分量亦很多。
在便利店買了Godiva雪條吃
Day 3
早上9時半book 了hair salon整頭髮。今次book了新宿的aroma hair room。原本是打算電內卷的，用電髮+剪髪+treatment的coupon , 4500yen。去到之後，髮型師同我講，我把頭髮之前漂過，所以不能電髮，髮質會變得很差很差。最後我決定只係剪頭髮，佢又同我講，剪頭髮要3000円，但剪髮加染髮是3500yen。所以最後我都染埋髮，只是補染頭頂，哈哈。今次呢間鋪頭冇飲品和小食提供，有點失望。total 整左一個半小時，整得幾靚。
Salon後邊有一間Lawson,入去左今期期間限定的Godiva蛋糕吃, 超級好味！
之後去my lord行左陣街，同事WhatsApp我話出發去明冶神宮外苑看銀杏並木，咁我就搭車過去join再佢哋啦。4年前已經來過，今次又來hea下影下相。
影完相我又搭返過新宿，因為book咗15:00做facial 。呢間叫クリ二カルエステE/S。係OIOI本館6樓，都係喺hotpepper book。
不過建議大家日文程度有咁上下先好book做facial，因為做之前會同你做問卷，又要簽consent, 唔識日文嘅話都幾麻煩。可能我book嗰時寫咗話我係香港人，所以serve我嗰個都識少少英文，我地半英文半日文溝通無問題。 不過佢同我講我揀嗰個course要join plan先可以做，我係遊客所以唔做得。要㨂其他可以只做一次的plan。我揀左5400yen的plan。
揀好plan之後就入去換衫，上衣全部除去。
我係香港只係做過一次Facial所以都不能比較。會幫你做保濕，按摩，蒸氣蒸面，吸黑頭粉刺，敷mask咁。大約做兩小時，做緊嘅時候都有同佢吹下水，可以練習下日文。
做完之後有地方俾你化妝，化妝後看得出真的比較上妝！但粉刺黑頭還是吸得不太清。
OIOI的Lattice
之後去附近的taito station夾公仔，今次有很多布丁狗公仔夾！我花了差不多6000yen, 夾到公仔，毛巾和拖鞋！
今天mister donut出kanahei 產品，所以去買。去第一間的時候竟然全部換完！好在第二間還有！今次是買四個冬甩+kanahei杯或碟1080yen!好靚呀！
之後返酒店放低戰利品，速速去吃晚餐。今次選了神田的熟成ステーキ専門店 ステーキのB 神田店。食熟成牛鐵板餐的。但⋯肉味是ok的，肉質頗硬不推薦。
45日熟成 ステーキB 1940yen
再搭去上野站，上野11月頭開了新的TOHO cinema ，今次去試吓。前兩日去上野的時候已買了戲票。日本買戲飛有售票機的，操作很簡單，用現金就可以。
平日看戲要1800yen, 星期三是lady's day, 女仕看戲只需1100yen, 和香港差不多價錢。所以我星期三看。對自己的日文程度還未很有信心，所以今次睇凡高，英文版，日文字幕。
戲院入邊和香港差不多，椅子比較舒服。比較特別的是日本會播很多trailer, 播了差不多15分鐘！另外看完戲之後，日本人會坐到所有字幕播完後才離開。
Day 4
今日我哋去姆明公園，要去池袋搭西武電鐵去元加治站，45分鐘，470yen。去到仲要行20分鐘。個公園，其實好細，去之前有同事已經同我地講話呢度好伏。真係得幾間屋仔影下相，但我地都影左好耐。
不過最可惜嘅係佢做緊維修，會影到有啲綠色嘅圍欄。
返返池袋，我哋去東武百貨6/F的JINS 配眼鏡。
最近JINS同姆明crossover , 出左一系列眼鏡。最平的只需要5000yen, 鏡框入邊有姆明圖案，亦有姆明眼鏡袋和眼鏡布。驗眼之後等40分鐘就拎得。
等嘅時間我哋去咗食shabu shabu放題，1600yen，再加200yen飲料放題。味道普普通通。
在池袋sunshine city行陣街，
3Coins 出的木製聖誕樹，可以自己砌，超抵！
之後搭去六本木睇夜景。係1c出口行去森之美術館旁邊行過去就見到呢個view啦!
之後再慢慢行去Tokyo midtown, 去睇另一個夜景- Starlight garden。
最後返到神田站，去鳥貴族食宵夜。
Day 5
今日最後一日，帶埋個行李去行街。搭去池袋站，原本諗住去食幸せのpancake, 但10:30去到已經見到有人龍，而且要行樓梯落B1，我拉住個gip落唔到，只好放棄。上網見附近parco 8/F都有pancake食，叫ground H。
berry pancake 1080yen, 不算得上超級好食，蛋味不重，麵粉分量多，做不到很鬆化的口感。但至少不用排隊，味道又OK。
之後行多一陣街就搭NEX去成田。池袋站NEX比較疏，所以要看清楚時間表。
在上車前在車站外買了個八天堂抹茶味包上車吃
今次早左來機場，先去Doutor吃千層蛋糕，今次出左聖誕版朱古力味，好好吃！
之後行一陣免稅商店，在成田機場最好在出境前買手信，選擇比較多，亦比較少人。
Royce 聖誕特別版
沒有留言:
張貼留言