年年我都織1條頸巾的，今年想突破小小，織扭紋。(又稱扭花)
其實真係幾難織的，我織左成個月，織到又暈又想嘔
所以諗清楚先好織！
首先當然要做下research睇下有咩pattern靚啦~
我參考左今年Marc by Marc Jacobs的頸巾款(右圖)
之後就要諗顏色啦，我覺得單色太普通，所以揀左啡色和淺啡色。
當然兩隻色就再難織點點，因為要收好多線頭。
毛冷是在旺角千織店買的，其實我覺得香港毛冷店真的很少，
街邊賣的毛冷質素太差，想買好的真的很難。
這是日本冷，全羊毛的，$45一舊，一共織了五舊。(其實五舊都不太長)
要用三支針織，
首先用麻花針穿起要移動的三針
然後織後面果針先
再織返之前穿起左果三針
咁樣就會移左一個針位啦！
製成品：
男女用都很漂亮
