襯天氣唔太凍，決定由元朗行山去屯門。
路線：僑興路->楊家村->黃泥墩水塘->大欖涌水塘->掃管笏村 (~2hr 30mins)
交通:西鐵朗屏站 坐接駁巴士K66 到大棠總站下車。
話說落車後唔知點行，行左入黃泥墩村，入面好多狗，又唔知要行去邊，我驚到要行返出去。
返出去既中途過到個大叔，佢教我地點行，話d狗唔咬人既。
好啦咁又繼續行，但d狗好大聲好恐怖，結果我決定放棄唔行。
點知行出去又見到果個大叔，佢知我地怕狗，所以主動帶我地行一小段路。
感謝你呀！其實d全部困住曬咬唔到人～
終於見到入口啦！
山路很易行
行15分鐘左右就會見到個電塔
第一次咁近電塔，原來會聽到細細聲既“達達聲”電聲
見到元朗啦！
黃泥墩水塘～
綠茶色
大欖涌水塘
行到最尾，俾佢地嚇親！
唔係掛咁多狗？!
行近d睇，竟然係羊！
有白色既山羊架！
到底呢個係咪牧場黎既呢？？
出到掃管笏村，見到有小巴就上，咁啱經過置樂，
落車去食小曼谷～
去骨鳳爪，對我黎講有點辣
菠蘿海鮮炒飯
炸蝦餅
豬頸肉
加埋兩個人$150
