Airasia AK1642 HKG 09:25 BKI 12:20
今次第一次搭廉航，8:30去到機場check in，個地勤竟然好串咁同我地講:「下，去KK班機close左啦咼」
我地O晒咀，仲有成個鐘咁快close?!地勤:「班機改早左15分鐘，下次預早D啦，唔一定等埋你架！」
之後佢call唔知邊個hold住班機。
到行李寄倉果時，佢又話:「個行李唔一定上到呢班機架，miss左就今晚自己去機場拎返。」
俾個衰地勤嚇死，跑跑跑終於上到機。
本身諗住自備空水樽在候機室飲水機裝定上機飲，但太趕無時間裝，結果花了$3RM(hkd$10)係飛機賈左支水飲。
因為好擔心件行李上唔到機，我成程機都好失落，相都無影一張。
到落機終於見到件行李向我揮手我先有返心情咋
一落機就見到Excellent eco tour的人來接我們。
我們在這公司book了去美人魚島的local tour，它們便送我們接機服務，very nice!
接機的是呀倫，他說要等多三個旅客，所以我們先到ATM提錢，
之後等齊人就上架7人van去酒店。
我們的酒店～Horizon Hotel
Check in 時酒店職員話只係剰返two single bed room, 無晒double bed,
所以upgrade左我地去deluxe room,但都係two single bed
無所謂啦，有得upgrade我就開心架啦～hehe
其實superior同deluxe只係有海景同無海景既分別，
海景都只係望到小小海。
但可以係間房度睇日落。
可惜既係，我地黎呢五日，撞正印尼燒芭， 成個星馬都被煙熏，所以沒有藍天白雲，也看不到沙巴的絕美日落。
房間簡潔又有時尚感，色調柔和。
廁所很大很乾淨。
花灑的水力略為不足。
看似有很多東西，但我們一樣也沒有用。
竟然牙刷都沒有提供！
通常酒店的shampoo和shower gel都很怪味，又不好用，
但這些竟然出奇的好用喔！
還有浴袍提供~
放低行李後我們馬上出發去食海南雞飯。
這間味雅海南雞飯就在我們酒店對面街。
我覺得味道ok啦，但BB話好普通咼。
飯是可愛的三角形。
桔仔冰，來到沙巴必飲的飲品。
開頭覺得味道很重，後尾習慣了又覺得幾好飲。
Total:20RM (hkd$50)
第一天沒什麼好做，周圍行下商場，
KK plaza-> handcraft market->菲律賓夜市->Centre point
其實全都沒什麼好看，價錢和香港差無幾~
去了waterfront看海，拍拍照。
之後去了華興吃海鮮，
呢道係3間餐廳黎架啦，有華興、雙天和珍珠。
聽說華興沒有收稅，比較平，所以我們去這間吃。
我們都未試過叫海鮮，不知應怎樣叫，
是但叫左500gm濕奶油明蝦(20RM, hkd$50)+500gm咸蛋炒蟹(40RM,hkd$100)。
估唔到500gm原來有咁多！兩個人其實300gm就夠。
雖然成日好想食蟹，但唔識拆殼好白痴...
下次都係唔好叫蟹
濕炒河8RM($20hkd)
Total:68RM(hkd$170)
回程時在酒店附近的美麗華超市買了兩支飲用水1.8RM($4.5hkd)
仲要買牙膏牙刷8.6RM($21.5hkd)
__________________________________________________________
味雅海南雞飯 20RM
華興海鮮 68RM
美麗華超市 1.8RM+8.6RM
Total:98.4RM($246hkd)($123hkd/person)
