27/5/2014 Day2
睇左天氣報告話今日會落雨，所以我地book左bus tour 去美ら海水族館。
我地跟那霸巴士的bus tour,
係呢個網book:
http://okinawa.0152.jp/
要前一天book定。
因為落雨，去其他地方都睇唔到靚景架啦，所以我地揀左tour B,只係去水族館，4800yen,包門票。
8：00係巴士總站集合，佢真係8：00開車架，我地去到既時候架車已經開緊( ﾟдﾟ)，嚇到我地死，即刻揮手叫佢地等埋，好彩最後趕到咋！
我地係Lawson 買左早餐上車食，之後就訓到落車。
導遊小姐會叫你記住巴士停既位置，舉住個集合時間牌，跟返時間上巴士就得。
之後就有三個半小時自己自由活動啦，一直以為沖繩水族館好大，但原來唔係，兩個鐘都差不多行完。
行到一半係黑潮之海入面的cafe吃午飯，叫了兩碟意粉和一杯雪糕soda。
意粉真係唔掂，比波仔的意粉還要差，很難想像日本原來都會有唔好食既野。
Soda就普普通通。
不過可以對住鯨鯊吃午飯感覺還算良好。
但建議還是自己帶午餐去吃。
Lunch total: ~1400yen
看完上返巴士，出發去菠蘿園。
Expect左菠蘿園係無野睇架啦，只係旅行團指定想你去花費的地方。
一入去可以見到剛長出來的菠蘿，一直以為是樹上生的，原來不是呀！好可愛！
然後一直行都是紀念品的counter, 有很多試食的，我們吃了很多但什麼都沒有買，哈哈。
最後出發去玻璃工場，一直很想看現場製玻璃！超好看的！
工場旁邊是玻璃店，入面大部份的玻璃都很貴。
我覺得值得買的是外面有做果凍蠟的counter,那兒有很多小小的玻璃海洋生物，around 250yen一隻。超後悔沒有買！後來在國際通看到的都要500yen以上！
最後在16：30便回到巴士總站，結束這次的bus tour。
然後我們去國際通行街。
吃了沖繩特產鹽味雪糕，原來是牛奶味中帶點鹽味的。
唔知係咪因為有鹽令到個melting point高左，溶得好怏，相都影唔切！
國際通的店舖賣的東西都是一樣的，價錢也大致相同，沒什麼好看的。
我們買最多的是星之砂，是沖繩竹富島特有的星形沙，一直以為會很貴的，結果最便宜的只是30yen一樽，沒錯是30yen,我沒有打少一個零。
行埋第一牧志市場，雖然話呢道食海鮮平，但我地又唔覺得特別平，睇落唔吸引，最後都無食到，行左一個圈影下相就算。
快速行完後便去了燒肉國際吃燒肉了。
沖繩最出名的是Agu豬和石桓牛，兩樣我都超想吃呀！
可是它們真的好貴，通常一個set要5000yen以上，
這輩子都好像未試過吃5000yen一餐的東西呢，好窮呀我。
原本都諗住人一世物一世，去得旅行就無謂慳，就吃一個set吧！
上網先做做research睇下set有咩食，
結果就發現看似很多東西，其實就得很小肉，其他都是菜呀，內臟呀，小食等等。
所以我決定散叫了！吃的肉一定比較多！
有中文menu的不用擔心。
叫了一碟Agu豬頸肉(トロ)，一碟Agu豬里脊肉(ロース)，一碟石桓牛肩胛肉(カルビ)，一碟本島豚豬頸肉(トロ)和豬里脊肉扒(ロース ステーキ)。
反正都只是想試一下味道而已。
結果一大堆肉來了，我們都不知那碟是貴，那碟是便宜的肉，哈哈！
仔細看還是看到Agu豬是有雪花的，吃下去比較多脂肪，十分好吃！
不過老實說本島豚的味道也很好呀！
而石桓牛就無咩驚喜了。
Total兩人只是5340yen，是set的一半價錢呢！
。。。。。。。。。。。。
焼肉国際 インナハ
。。。。。。。。。。。。
吃完燒肉感覺還未飽所以去mos burger 吃了個飽，之後便回酒店了。
Burger一個 370yen
