29/5/2014 Day 4
終於來到沖繩外島之旅！！♪ヾ(＇∀＇o)ﾉ
沖繩既海雖然靚，但本島始終係差D既，要真正見識沖繩的美麗海灘，一定要去外島！
這次我們選擇去渡嘉敷島的阿波連海灘。
坐渡輪去只需一小時。
首先搭mono rail去美榮橋站，行大約10分鐘便到碼頭。昨天18：00買了one day pass所以這程不用錢。
碼頭有Lawson ,可以買定午餐。
有去唔同島既船，希望下次再黎可以去埋阿嘉島同座間味島啦！
去往渡嘉敷島的counter買船票，慢船來回3260yen一人。
快船要4620円，我們原本諗住搭快船的，可惜上網check過這半個月都沒快船，所以只好坐慢船了。記得上網check一check時間表呀！
http://www.vill.tokashiki.okinawa.jp/ferry/time
買票時要填一張form,只是填名字電話等的東西，很簡單。
不過最好預早一點去吧！一天只有一班船，miss左就慘了。而且快船和慢船的上船地點是不同的，也許要點時間找找。
買完票一出去就見到隻船啦～
隻船好靚好似高級郵輪，而且完全沒有汽油味，跟本不像搭船啦！
10：00準時開船，
全程訓得好舒服。
11：10準時到達渡嘉敷島。
由碼頭去阿波連海灘要搭巴士，巴士開出時間是跟著船的到達時間。
原本plan左搭巴士的，後來誤打誤䃥又上了一架接大陸旅行團的巴士，巴士司機説來回800yen,其實和搭普通巴士價錢一樣啦，但跟著別人的團好像有安全感一點，所以便上車了。
可能因為係旅行團既關係，架車開到中途有停低俾我地落車影相。呢個係傳聞可以浮潛睇海龜既海灘，大家都忍唔住“嘩～！”左出黎。希望下次有機會去下。
坐round 15分鐘就到達阿波連海灘，落左車個司機叫我地入去一間舖頭登記同俾錢，約定15：00返黎舖頭等車返碼頭。
急不及待行落海灘，開返個帳篷，就開始影相啦。
水泡係玩具反斗城買～＄50hkd, 如果黎到借就要1000yen架啦！
浮潛用品都係自己係香港買定，＄180hkd(沙田一田）。
5月未到旺季所以不太多人。
影完一輪相就落去浮潛啦！
好犀利呀一落到去已經係一大堆熱帶魚！去過咁多地方浮潛，係沙灘邊係好少見蝴蝶魚既。但呢度majority都係蝴蝶魚，跟本好似入左水族箱咁！
我地買左麵包黎餵魚，但因為真係太多魚啦，一餵會俾魚圍，太恐怖我完全唔想餵。
而呢度珊瑚唔算太多，大多是鹿角珊瑚。
水真的很清。
咁多次浮潛，暫時我最鐘意係阿波連浮潛！
玩完就返上去舖頭，之前上網睇沙灘係無廁所同淋浴的，要去青年旅行村管理棟俾錢沖涼。但入到舖頭又發現大陸團的人在這裏洗澡，所以我們都在這兒沖身，不用附錢。
上巴士返返去碼頭，大約15：30，船已經到左，可以上去涼冷氣休息。16：00準時離開。
再見了！渡嘉敷島！
17：10返到那霸碼頭，還可以用昨天買的one day pass 搭mono rail返酒店沖個涼先！
沖完涼就行去國際通吃晚餐。
沒有plan到要吃什麼，行到見到想吃的餐廳便進去吃。
我很想吃吃沖繩料理，見到這間價錢合理便走進去。
我們點了苦瓜豆腐芽菜炒蛋，我是個不吃苦瓜的人，但沖繩特產是苦瓜，網上又説沖繩的苦瓜不苦，所以就點了。其實還是有點苦啦，是可以接受的程度。沒想到苦瓜，豆腐，芽菜和炒蛋的味道可以這樣夾！超推薦！
另外點了串燒，這兒的串燒少了炭火的味道，普普通通。
燒魚，已經忘了味道了，哈哈。
蟹肉窩飯，good!
這裡的啤酒只是100yen一杯。其實好像點了酒精飲品就會再加收服務費，大約每人400yen, 會送一碟小食給你，所以並不是100yen那麼便宜啦。
Total : 3575yen
。。。。。。。。。。。。
沖縄県那覇市牧志1-2-1 モルビービル B1F (17：00～2：00)http://www.kaientai-okinawa.com/kaientai.htm
。。。。。。。。。。。。
