27/10/2014 Day 1
今次首爾之旅，當然又係坐Hong Kong express 啦！特價時買機票，$2100 per person,其實都唔算好平，但紅葉季去都算係咁架啦。又係朝早7點幾機，又要4點起身搭N車。
12點幾就去到首爾仁川機場，check in勁多人，排左over 半個鐘。係機場ATM㯲埋錢，差唔多一點先上到機場快綫。去到首爾站買T money 和eg SIM card 。
我地上網用eg sim card而唔係用wifi egg,因為價錢差唔多，又唔洗拎住隻蛋同叉電器咁重，去到郊外接收都ok,仲可以用黎打電話返香港。
我地係首爾站B2的 travel centre買, 由於用nano SIM card,所以貴d要40000W ($300hkd),如果用普通sim card好似只需30000W。上網買好似仲平d，不過我地驚自己唔識set,所以都係現場買，有專人幫你整。買左1Gb但用左五日都係用得600幾Mb。
之後再搭4號缐去鐘武路站，8號岀口有電梯，過一條馬路，再係一條小巷行5分鐘左右就到PJ hotel。
呢間hotel我地超鐘意，好少可我地會花800幾蚊一晚住酒店的，哈哈～因為首爾的酒店就算平既都要約6-700蚊一晚，咁不如加多少少錢住靚d既酒店啦！咁啱PJ又做特價，買完過左幾個星期我再睇，已經變左$1200一晚！
我地只係book最cheap既房，已經超級大了！我諗有我地平時住既日本酒店既2-3倍大！一入去已經有一個小房間，我地用黎放行李。
再過一條走廊便是我們的房間，有張king size bed,還有一張單人床給我們放雜物，哈哈！
再入d仲有一個日式的小房間，我地基本上無用過。
廁所有一個浴缸和一個企缸。
酒店最好既就係有shuttle bus可以去明洞同東大門，15分鐘至一小時一班車。
放好行李就出發去天空公園了，我地只係起身果時食左個包，雖然十幾個鐘無食野，但為左天黑之前去到天空公園影相，就放棄左去食野。搭地鐵去世界盃競技場站，一號出口。見有間homeplus超市，入去買個三文治和飮品。我買左一支蜜桃汁，找數果時個大嬸拎住支野同我地講one plus one, 雖然明佢想講買一送一，但我淨買一支唔得架咩(-｡-;，結果佢走左入去拎多左支蜜桃汁出黎俾我地。1000W ($7.5hkd)兩支，又真係幾平既！homeplus係我見買野最平既超市，買手信係度買就啱啦！
搵路又搵左一輪，終於來到天空公園的樓梯底。望住就黎落山既太陽同二百幾級樓梯，到底上唔上得切呢？
行到上氣唔接下氣，去到天空公園，望返落去既景色：
網上唔多介紹天空公園，旅遊書更加少，所以對呢度無咩期望，結果好surprise,估唔到會咁靚！可惜得好少時間影相，實景比相片更加美。
另外9-10月可看到一大片波斯菊花海，超正！
處處芒草
剛剛睇到日落一刻，好！靚！
天黑可以睇埋夜景～
離開天空公園，搭去梨大站，一直行去新村站的姜東虎燒肉，途中買下街頭小食來吃，吃了炸雞炒年糕(1000W)和串燒(3000W)，都好好吃！
又行了一陣街先去到姜東虎，無咩人唔洗排隊。
點了兩種豬肉，唔係好識點燒，serve我地個呀姐又唔幫我地，搞到燒燶左一半既肉。
之後再點了一款牛肉，今次有個好nice既哥哥仔全程幫我地燒，所以無燶好好食。
Total:27700W($207HKD)
。。。。。。。。。。。。
營業地址：首爾西大門區滄川洞 5-30（서울시 서대문구 창천동 5-30）
。。。。。。。。。。。。
