Magic for Witch: 2015

2015年12月26日星期六

台北小確幸

台北小確幸 12/11/2015－14/11/2015

我對台灣其實無咩興趣，覺得去一次已經夠，對上一次去台北已經係五年前。前排個friend講開想去，見機票又唔貴，$924連稅，仲要早機去晚機返，啱曬我NOO去，所以就決定去台北hea下啦。

12/11/15 返完night返屋企沖個涼就出發去機場。雖然今次包20kg行李但我都係backpack去，費事拎咁多野。

我個friend早我一日去台北，所以今次我係自己去的，唔熟台北所以都有d緊張。13:00左右到達台北，搭13:30班國光去台北車站，我個friend就係總站等我，成功會合~

我地去酒店放低行李先。今次住和昌商旅，$500一晚，都幾平。外表很舊，房間都ok, 明顯有裝修過，但始終feel到有歲月的痕跡。

好的是房間頗大，又近台北車站（around 5分鐘路程），而且包了麥當勞早餐卷（但我們太遲起身沒有吃）。

不好的是浴缸大得好奇怪，浴室燈光很暗，晚上有不知明敲窗子的聲音。

首先去台北車站的dazzling cafe吃下午茶。來台北的其中一個原因就是吃dazzling cafe, 因為香港排很長龍，又貴，我係唔會想係香港食既。

兩個人share一個蜜糖吐司，每人叫了一杯飲品，total 704台幣。蜜糖吐司超好吃！兩個人share剛剛好。我叫的莓果蜜桃花茶味道都好好！

。。。。。。。。。。。。

Dazzling Cafe & Restaurant

微風台北車站-西3門2F
10:00～22:00

。。。。。。。。。。。。

之後就搭台鐵去松山站，行5分鐘就去到五分埔。呢到真係好大，完全迷路，d衫係算平既，但我睇唔啱，只係買到一件480台幣的外套。

晚餐就去饒河街夜市食，吃了烏蛋蝦球，豬肉腸和魯肉飯。

Day 2

雖然酒店有送早餐卷，但我地都係想去上引食早餐。懶到死由酒店門口直接搭的士去上引水產，around 180台幣。

無咩點做資料搜集所以唔係好知點食先抵，anyway我地既target係食蟹。

去左海鮮吧叫半隻鱈場蟹，後來先知半隻都超大，要4000台幣！咁最後我地叫左一人一隻蟹腳。未食過咁大隻蟹腳，1000台幣一隻，雖然有點貴，但我又覺得值既！堅係新鮮，啖啖肉好好食！

食完其實我已經飽左，但我個friend仲想食，咁就係market買左魚生同海膽出去食，total 480台幣。

。。。。。。。。。。。。

上引水產
台北市民族東路410巷2弄18號
06:00～00:00

。。。。。。。。。。。。

食完搭返的士去台北車站，搭1815巴士去野柳，96台幣，約1.5小時。上車前買定洪瑞珍（25台幣）上車食。

搭到野柳站跟路牌行around10分鐘就到，入場費50台幣。同expect中一樣多人，又陰天，影相麻麻。

行下影下就用左兩個鐘，出返去巴士站搭返1815回台北車站。

我地想去忠孝敦化行街，咁啱巴士又經咁就係度落。忠孝敦化有行網拍街，d衫around 4-800台幣，都幾好行。

仲有間86小舖，我買左miss hana眼缐筆（129台幣）,miss hana染眉膏（249台幣），bevy C moist up Elixir (580台幣）。

Dr Wu mask 唔記得邊間買，400台幣，香港萬寧要$180架！平左$80!!

Majolica Majorca 台灣買都係平d, 分分鐘平過日本～

行完街就去食燒肉放題，我地之前上網book定既。佢有兩個價錢549台幣/649台幣，我地食貴d果個，真係幾好食！可惜我雀仔胃，食少少就飽。

。。。。。。。。。。。。

極野宴
台北市忠孝東路4段49巷4弄8號 (捷運忠孝復興站4號出口)
http://www.yayan.com.tw/yayan/best/best.html

。。。。。。。。。。。。

Day3

最後一日，我地check out完放低d行李係酒店，就去中山站既新光三越睇Tsum tsum展。因為係星期六，所以都幾多人。

影完相就去aranzi cafe, 成間舖頭都好cute! 食物又靚又好食仲要唔貴！total 300台幣。

。。。。。。。。。。。。

Aranzi Cafe 阿朗基咖啡
新光三越百貨南西店二館4F

。。。。。。。。。。。。

食飽就去行街啦, 今次行師大，點知去到得幾間舖有開，只好去西門町行陣先。

西門町其實無咩衫睇，䃥啱呢日有市集，係市集買左條gummy bear頸鍊。

差不多到4點再過返師大行街，多d舖頭開左。行到無時間食晚餐，又去車站買洪瑞珍上車食。

我呢個白痴諗住去到機場先買手信，點知原來機場買手信係好貴既！咁就是但買兩盒就上機。班機20:00，終於有飛機餐食而唔係得個包啦！仲要有鳳梨酥！實在太感動！

2015年12月12日星期六

Tokyo September

Tokyo September 19/9/2015- 21/9/2015

明明只係去完沖繩一星期，做咩咁快又飛東京？咪又係平機票囉，今次$483連稅真係無理由唔買！

19 九月 2015 香港國際機場客運大樓 2 at 19:10 －〉羽田國際機場客運大樓 I at 00:25+1 UO 622

21 九月 2015 羽田國際機場客運大樓 I at 01:20 －〉香港國際機場客運大樓 2 at 04:55 UO 623

九月東京其實無野睇，又無花又無紅葉百貨公司亦無特價。今年已經第4次去東京one day trip，真係開始厭(　ﾟдﾟ)。所以已經無行程，周圍hea~ 我都諗左一排到底寫唔寫呢編無內容既blog,最後都決定寫，我希望自己每個trip都可以紀錄下來將來睇返(=ﾟωﾟ)ﾉ

班機夜晚7點起飛，當然係re AOO去，返完A返屋企沖個涼就出發。

今次機場明顯多人訓，我幾乎無位訓以為要訓地！好彩4樓仲有一兩個位，不過唔係梳化位所以訓得好辛苦。到around 3am有人開始check in就開始有梳化位空出黎，終於可以訓得舒服d。

9:00搭monorail去浜松町轉JR去東京站。其實同搭京急線係差不多時間和價錢的，只係未搭過東京既monorail所以想搭下。入閘時發現唔記得帶張PASMO, 咁就心郁郁整左張SUICA了。咁啱又無人等買票機，我就可以慢慢入名，整張有自己名既SUICA。

去到東京駅。

先去大丸，10:00開門，未開門前已經有一堆人在等。一開門就搭lift直上10樓食茶寮都路里，我係第二個客人。一年無食，我日掛夜掛，終於食到啦♪( ´▽｀)。

。。。。。。。。。。。。

茶寮都路里大丸東京店

東京都千代田区丸の内1-9-1 大丸東京店 10F
10:00～20:00

。。。。。。。。。。。。

食飽就去Tokyu hands行下，今次有passport有95折！

行完就去牛かつ，上次去涉谷店太多人排隊放棄左，今次試下早d去睇下多唔多人。結果係上次既一半，都係多人，但都照排啦，由飽飽地排到開始餓，排左成個鐘先入到。

我比較細食，所以叫左呢個係最平既set，1000yen only!

睇落好似好少咁但已經食到我好飽。第一次食炸牛，好正！又脆，皮又薄。中間係未熟既，可以自己用燒熱左既石盤整熟佢。我大約烤佢一兩秒，鎖住入面既肉汁，放進口中便可感受炸牛的層次感！

。。。。。。。。。。。。

牛かつもと村東京駅八重洲口店

東京都中央区八重洲1-6-14
JR東京駅八重洲口徒歩2分、地下鉄東西線・銀座線日本橋駅徒歩3分
11：00〜21:30

。。。。。。。。。。。。

食飽後，經過東京站的阪急三番街，當然要去我最愛的方吉菇菇專門店朝聖一下。

Rilakkuma Store

然後就搭去原宿站行街。又係好多人排隊既泡芙店ザクザクZAKUZAKU，排around 5分鐘就買到。250yen, 上面有好多脆脆，應該係nuts,我唔鐘意食nuts既都接受到。入面係最出名既cream,但我又覺得只係正常味道，整體來說同beard papa 差不多level。

。。。。。。。。。。。。

クロッカンシューザクザク原宿店

東京都渋谷区神宮前1-7-1 CUTECUBE原宿 1F
10：00～20：00

。。。。。。。。。。。。

行到最後就去排我重點想食既Luke lobster啦，叫得做排隊店，仲要係星期日，當然有排我排啦！足足等左成個鐘先食到！但食到果一刻，又會覺得一個鐘係值得排既！！

Regular sizes: 980 Yen

。。。。。。。。。。。。

LUKE’S 表参道店

東京都渋谷区神宮前6-7-1
11：00～20：00

。。。。。。。。。。。。

行完原宿就去我最鐘意既涉谷行街，然後再去新宿tower record 幫同事買CD, 咁啱經過機舖又忍不住入去夾公仔，用左差不多4000yen夾到兩隻！玩到唔知時間，差miss左尾班車嚇鬼死！

2015年11月28日星期六

沖繩跳島 Day 5 & 6

沖繩跳島 Day 5 & 6 11-12/9/2015

Last day啦！上年黎沖繩已經去晒想去既地方，last 呢日都係諗住週圍hea下。

早餐係toyoko inn包的，都係麵包同飯團果d野，無daiwa roynet的早餐咁豐富。食完早餐就執埋行李，行過隔離Daiwa Roynet 放彽行李，夜晚再返黎check in。

搭monorail去機場，再轉巴士去outlet。其實一向對outlet都無咩興趣，買唔到野。結果今次山長水遠黎到，最吸引都係100yen店-_-#。

搭返巴士去機場，轉monorail去壼川站，呢度有free shuttle bus去新開既瀬長島terrace 。其實瀬長島就係outlet附近，如果自駕就可以直接去。見未夠鐘有shuttle bus,就去左隔壁間麥當勞食左個蘋果批同麥樂雞。第一次係日本食麥當勞，其實係一樣味！

終於等到shuttle bus, 搭到去瀬長島酒店門口。個海景！！！靚到呢！

行到落去terrace, 又係一個靚字！天空同海水都超藍，太陽又夠，白到反晒光，即刻補防曬先(O_O)！

雖然好靚但又熱又曬其實無咩心情影相，一心只想快d影完入去舖頭食刨冰。

呢間刨冰正呀！同之前係沙灘食既係兩個level! 冰細好多，又有丸子，雪糕，全部都好好食，最重要係熱完一輪，開住冷氣食冰，太正啦！

Total 550yen

。。。。。。。。。。。。

瀬長茶屋

沖縄県豊見城市字瀬長174-6 瀬長島ウミカジテラス区画29
11:00～20:00

。。。。。。。。。。。。

為免miss左班shuttle bus,記得睇住時間，唔係就要留多一個鐘架啦！

搭到返壼川站，就行10分鐘去食暖暮拉麵。呢間分店竟然一個人都無！見唔太肚餓，兩個人share一碗拉麵+餃子。

。。。。。。。。。。。。

暖暮那覇小禄店

沖縄県那覇市金城5-11-7

11:00～翌2:00
。。。。。。。。。。。。

食完搭去國際通行街買手信，target去激安之堂，呢度d手信有時做特價會好平，1000yen可以有3盒！等於港幣20幾蚊一盒！真係平到唔信架！另外沖繩新開既Pablo 就係隔離，我買左盒千層綠茶蛋糕，貪佢方便帶返香港。芝士蛋糕我都想買架，但真係有d難拎。千層蛋糕係網上評價頗高，搞到我好期待，結果有d失望，無想像中咁好食，CP值唔高，試一次就夠。

晚餐決定食上年食過既燒肉國際，貪佢唔貴地諗住叫一大堆肉食下。點知quality差左勁多！完全不推薦！叫左一碟agu豬，上年好好食，今年全部都係肥膏，跟本無肉食！其他豬肉都無咩質素可言，仲差過係香港食。