濟州5日4夜 16/3/15- 21/3/15
之前明明覺得韓國好悶唔啱我，結果過左5個月，我又再返黎啦，今次去濟州睇油菜花。其實都有一絲希望想睇埋櫻花既，但始終早左一星期去，睇唔到。
3月中濟州溫度around 10度，穿一件外套都夠暖，我地去果時大部分時間都落雨同陰天。
今次搭HK express去首爾，再轉Jeju air去濟州。買完機票，HK express先公佈遲d 6月會開濟州直航+_+。
Hk express $1566/person (3人夾一件20Kg行李)
16/3/15 21:50(HK)->02:25(Seoul)
21/3/15 12:30(Seoul)->15:40(HK)
Jeju air $560/person
17/3/15 18:55(Gimpo)->20:00(Jeju)
21/3/15 08:00(Jeju)-> 09:05(Gimpo)
Hotel Shilla stay Jeju $1177/person (4nights)
Total package:$3303HKD/person
___________________________________________________
21:50上機， 02:25到首爾，我地係departure果層訓，仁川機場無羽田機場咁好訓，比較光同埋又多人行來行去，訓開機場既我都訓得麻麻地，我的friend係完全訓唔到。所以我地決定8:00就搭車岀去cafe坐。中途去金浦機場放低行李，地鐵一出就見到有自助locker, 3000W 6小時，我們多過6小時的，所以取行李時要再加多3000W。
去到新村既A Twosome Place cafe around 9:00, 呢度d cake幾吸引，但見佢有早餐set,平d，所以就叫set 啦。(5500W一set),味道都ok。呢度環境舒適，影下相hea下就過左兩個鐘。食完就去左對面銀行㩒錢，rate~1:143
之後去高速巴士客運站地下街睇衫，聽聞d衫又平又靚，但去到就有d失望，價錢唔算平，又無咩靚款。可能係剛剛轉季的關係吧～
行完就搭去明洞行街啦，只係係tony moly買左桃味hand cream + lip gross(11800W),另外又係art box買dewy tree既mask(1000W一片）。
行到3:30點左右就去James Cheese back ribs 吃芝士排骨，呢個時候去唔洗排隊。叫左3人份量既ribs,普通份量cheese（42000W),原本還叫了炒飯的，但後來太飽了所以cancel了。一開始店員會幫你卷一次芝士，之後就要自己卷的了，結果就是卷得很醜，芝士和ribs分離，但都很好吃，芝士是很有咬口的那種，所以很快就會飽，吃到最後就不再吃芝士淨吃ribs 的了。
吃飽後出發去金浦機場。18:55 起飛，20:00到濟州。一直以為濟州好落後巴士應該好難搭，結果一出巴士站就見到超先進既巴士站牌，touch screen的，可以睇到幾多分鐘後有咩巴士會停站，仲可以click入個地圖睇埋巴士路線，簡直先進過日本！市內巴士只要上車拍T money,到站㩒鐘落車，同香港一樣。
呢個website有巴士路線圖：http://www.jejutong.net/traffic/index.html
Download 埋呢個app: Daum maps ,係韓國版既Google map,非常好用，又係可以search到巴士路線，exactly係咩位置有巴士站，有咩巴士會經過個巴士站，仲有幾分鐘有車⋯ 有左呢個app係濟州搭巴士真係無難度！
搭200號巴士就去到我地間酒店。我地book左Hotel Shilla Stay Jeju ,呢間酒店係2015年3月新開的！book果時酒店仲未開幕所以都驚驚地架，亦可能因為未開幕，所以價錢平d。
去到酒店已經覺得無book錯，物超所值！房間算大，又乾淨，床好舒服。酒店對面已經係蓮洞商圈，超方便！一check in完就急不及待過去行街，我地覺得仲好行過首爾！
行完就是但搵左間餐廳食野，叫左個鮑魚人蔘雞湯同石頭碢飯，超好吃！total 30000W
第二日，雨天。
既然落雨，我地又好攰，所以就訓晏d，諗住今日既行程都係hea下同行街。
首先過對面間CAFFE PASPUCCI食早餐。我叫左cream honey toast （5700W),超好食！
之後行5分鐘左右，就去到新羅免稅店，今次target係買雪花秀。黎到都係睇下價錢，遲下再買。
搭巴士去中央地下街行街，但好失望，無平野，無靚衫。
後來發現左一間3層高的daiso,係入面買左好多零食。
之後再過隔離既東門巿場，買左盒士多啤梨（5000W),同埋10000W有6盒既濟州朱古力返去做手信。
行到5點，就行去食豚香氣。是但點了幾款肉，當然有點濟州黑豚肉啦！全部都好好食，而且唔大煙，亦唔會令你食到成身油煙味。total 42000W /3 persons
睇完咁多地方都係覺得免稅店最平，所以就搭的士返去免稅店（9300W)。同friend夾份買左一盒兩支既雪花秀first care activating serum, 平均一支66500W。另外仲買左innis free 既volcano super clay mask(12400W)。
第三日，陰天，間中有陽光
今日去綠茶園-＞龍頭海岸-＞天帝淵瀑布
雖然知道濟州長途巴士總站有755號巴士去綠茶園，但755會經過漢那醫院，所以決定去近d既漢那醫院等巴士。係酒店樓下搭去漢那醫院，見未夠鐘，就去附近的Paris Baguette吃早餐
total 3500W。
要小心，755巴士差不多一個半小時才有一班，所以要睇定時間表，早少少去排隊。呢種長途巴士一上車要同司機講去邊，司機先會set個車費俾你拍t money,所以最好print定想去地方既韓文俾司機睇。
搭around 一個鐘就到綠茶園。終於見到藍天啦！襯有藍天即刻去影相先。
影完就入去食綠茶雪糕，好好食！！(4500W一杯)
記得睇住時間出返去搭巴士。都係坐返755，搭到總站前兩個站，轉702號巴士去山房山站，一落車跟指示牌行10分鐘就去到龍頭海岸。
中途會見到好幾片油菜花園。
落到去先發現龍頭海岸因為太大浪所以無開，失望！
之後搭702號巴士去中文觀光區入口，行15分鐘左右就到天帝淵瀑布(入場門票2500W/person)，呢個瀑布分左三段，我地只係行左其中2段已經好攰，放棄左，哈哈。之後搭780號巴士返濟州市。
夜晚食部隊煱，呢間野係豚香氣後面條街度，好唔起眼。total: 22000W/3 persons 。
食完搭的士去e mart同樂天超市行左陣，之後再返酒店。
第四日，晴天。
成個trip最好天既一日當然係去最靚既景點：牛島＋涉地可支。搭200號巴士去濟州長途巴士站，係果度一間小餐館叫左三條紫菜卷做早餐(total 5000W)，之後就搭710號巴士，around 一個小時，係總站落車。
一落車就見到個碼頭架啦，入到去都係是但搵個counter買飛(5500W/person)，張飛有寫last一班船係幾點既。
話說牛島有兩個碼頭，果度完全無指示邊隻船係去邊個碼頭既，我地都係是但求其上船，結果去左遠d果個碼頭。不過都無咩所謂既，我地都無特定地方想去，而呢個碼頭可以食到好出名既漢拏火山炒飯。
首先要叫一個炒魷魚，都幾辣下架！之後就可以點火山炒飯啦，我地叫左一人份量，有專人過來一邊炒飯一邊講故事，不過係韓文所以聽唔明，總知係講濟州點樣係火山爆發下形成啦～個炒飯無咁辣，加左芝士同蛋汁非常好味！
Total:32000W/3persons
之後係隔壁租單車，5000W/person, 我地其實都幾漫無目的踏，首先經過一個沙灘，hea下影下相。
之後踏去牛島峰，條路都幾斜，要推住架單車上。由於太攰啦，我地只係上左一半，哈哈！落山當然好爽啦！咁就過左三個鐘，我地只係踏左三份一個牛島。
坐船返去城山已經差不多五點，搭的士去涉地可支，6400W,around 15mins。
去到見到個教堂俾人改左做間核突糖果屋係有d失望既，但行入d見到一大片一大片既油菜花就超開心喪影！影到成身成部相機都係花粉，哈哈。
走既時候就比較麻煩，因為無的士，我地差不多等左15分鐘先見到一架的士，去返城山日出峰，呢頭有好多餐廳，我地是但入左間食海鮮既，叫左海鮮煱同埋鮑魚粥，total: 55000W/ 3persons, 以為好多料但其實入面主要係幾隻蟹，唔算好好食亦唔算抵。
之後搭710號巴士返長途巴士總站，再轉巴士返酒店。
見仲未飽，去左mango six食宵夜，超好食！！有種相逢恨晚既感覺，早知每日都黎食啦！佢地d cake件件都咁吸引，我件件都想試！下次黎韓國一定要再食！
Total:11400W
第五日，搭的士去機場八點鐘既頭班機去首爾金浦機場，再搭KTX去仁川機場，12:30起飛返香港。
