8/7/2015
在五月時HK express mega sale搶到平機票，東京來回連稅$633，仲要係七月頭日本特價季去，真係超lucky! 今次同樣是省錢無買行李寄倉，backpack去。
7/7/15 19:10 HK ---> 8/7/15 00:25 Haneda
9/7/15 06:20 Haneda ---> 9/7/15 09:50 HK
當日duty是NOO, night完返屋企訓一覺，夜晚上機。係飛機和機場都訓得好好。
7點半左右出發去鎌倉，係羽田機場搭around 1小時到北鎌倉站。之前有在Google map睇過下點行，但最後因為附近有工程要改路，所以迷路了一陣子，還好靠著一口爛日語又問到路，成功到達明月寺。
今次Target係睇繡球花，日本人叫紫陽花（あじさい）。其實紫陽花係6月花，所以7月頭黎到已經預左無得睇架啦，點知竟然仲有！
呢個位係明月寺出面，勁靚！
聽聞鎌倉6月係超多人黎睇紫陽花的，我呢日可能早來而且經已是7月所以無咩人，可以盡情影。
反而明月寺入面已經無咩紫陽花了。
七夕裝飾
入場費300yen （6月份500yen）
買了一個紫陽花圖案的御守 500yen。
鎌倉路邊處處其實都有紫陽花的蹤影。拍完照便搭JR返東京市，首先去原宿吃早餐。去了想吃很久的Egg n Things,這間店最出名就係要排很長的隊啦，原本只是來看看人龍有多長，結果又不是太多人！排了around 10分鐘就入得! Lucky!
點了招牌菜 strawberry whip cream pancake, pancake的分量實在是太大了吧！絕對是二人以上的分量，我呢個雀仔胃連一半都吃不下。味道不是很突出，但cream我是很喜歡的。
Total 1800 yen
。。。。。。。。。。。。
エッグスンシングス 原宿店
ＪＲ原宿駅 徒歩１０分
9:00～22:30
。。。。。。。。。。。。
7月頭的日本特價是頗失望的，大部分只有8折左右，特價的貨品都不吸引，而且我4月才掃了一次貨，所以今次買得好少衫。7月頭還是梅雨季，這個trip由中午12點落雨落到我返機場，我對腳無一刻係乾既。
今次因為機票平，所以都無計住計住要買野回本，只係諗住hea行下，睇啱就買，行原宿加涉谷就算。
係kiddy land , loft, Tokyu hands 幫同事買左一堆筆。
而家好興換芯筆，睇真d，個頭係Hello kitty黎架！
係tokyu hands買既布，~220yen一塊
自己target是近來插畫界好hit既水彩筆：彩 SAI 。
2800yen一set 20支，係有d肉赤既( ﾟдﾟ)。
http://www.akashiya-fude.co.jp/050_product/sai_01.php
另外係Liz Lisa 買左條裙，係Samantha 買左個袋（而家連shibuya109店都可以免稅了！）。
幫同事買洗面粉，自己又貪新鮮買左兩盒返黎試（1400yen)。
咁啱自己支toner差不多用完，買了兩支雪肌精試下，都係買50ml既試用裝，太大支上唔到機。
幫同事去100yen店買野，結果自己都忍不住買了很多！
米奇頭衣夾
Hello Kitty包裝夾
我最喜歡這個hello kitty箱！買果時係平面架！
行到咁上下係Hikarie食個tea
980yen
。。。。。。。。。。。。
京洋食 あかつき
11:00～23:00
。。。。。。。。。。。。夜晚就是但搵左間回轉壽司食。
Total : 1512yen
。。。。。。。。。。。。
恵み 渋谷ヒカリエ店
11:00～23:00
。。。。。。。。。。。。
23:30返到機場，今次搭6點機，要3:30先可以check in, 3:30入到去，竟然仲有間免稅店開，又忍不住買了幾盒Royce 做手信。
旅程就這樣結束了，可能去得太多次東京one day trip, 開始無咩興奮既感覺了，哈哈，我d遊記都越寫越短。希望下個trip會仲有心機寫啦。
