桜の季節。東京崎玉 Day 6

桜の季節。東京崎玉 Day 6   6/4/2016





Last一日，亦係唯一好天既一日。原本plan 左全日shopping既，最後決定去埋千鳥之淵。check out 完放低件行李係酒店，經過秋葉原部有間beard papa, 食左件期間限定牛奶味泡芙做早餐。之後繼續用琴日張tokyo metroone day pass搭去九段下站。無咩做research,所以行左無咩野睇果邊(粉紅色路線），行左公園一個圈差不多花了一個半小時。suggest 行紫色路線，影相位都在粉紅色和紫色overlap的範圍內。




今次先真真正正感受到東京既賞櫻人潮，太多人所以無咩影相。







之後去池袋行街＋食lunch, 豬仔話想食洋食，咁就上tabelog揾左間池袋最高分既洋食店，キッチンABC。間舖好細，不過lunch時間去都唔洗排隊。叫左個蛋包飯set同漢堡扒set。個漢堡扒上面有一層薄薄既芝士，好好食！



Total 1935yen

。。。。。。。。。。。。
キッチンABC 池袋東口店 
池袋東口徒歩5分
11:00～22:00

。。。。。。。。。。。。




之後豬仔去行ABC Mart grandstage, 我就行sunshine city, 呢個商場同平時東京既商場好唔同，感覺好屋村商場feel。賣既品牌都偏平價，可以係度喪買都唔肉赤。

入面有間390yen店，我買左個Simpsons 手機殼同袋，好抵！









Krispy Kreme Easter donut (total 500yen)


行完街其實已經無咩時間，不過我好想食茶都路里，所以跑住去食。搭返去東京站，上大丸8樓。竟然唔洗排隊！我用10分鐘地極速食完，店員應該會嚇親⋯ 今次第三次食，開始覺得無咁好食，下次要試下第二間。




Total:2150 yen


時間無多，我地要跑住返酒店拎行李再跑住去搭車去上野，skyliner最後一班快車係18:20，如果miss左就要坐慢車，價錢差1000yen架！上野站同京成上野站都差不多有10分鐘距離，我跑到幾乎嘔返d抹茶雪糕出黎⋯去到counter 換票既時候，賣票員好緊張咁同我講：2 mins! 之後我又繼續跑跑跑，抱住件行李跑落扶手電梯（請勿模仿），最後終於係開車最後五秒跑到上車*･゜ﾟ･*:*･'(*ﾟ▽ﾟ*)'.｡.:*･･*



去到機場入境後行免稅店，我好嬲！竟然無fancl同sofina!!!點解？！！

桜の季節。東京崎玉 Day 5

桜の季節。東京崎玉 Day 5      5/4/2016






今日去熊谷賞櫻，要搭去上野站轉車。早餐站係上野站是但搵一間食，叫左個豬肉丼同六粒章魚丸。豬肉丼可以揀大中細，我地諗住兩個人share食所以叫左個大既，結果呢，碗飯仲大個個頭，我應該食一日都食唔曬！total:1330yen





係上野搭JR高崎線，1小時7分鐘就到熊谷，1140yen。車費係有d貴,不過都值既。搭到熊谷站行5分鐘左右就到熊谷櫻堤。可能去熊谷算係方便，網上又多d人講，所以呢度俾權現堂多香港人同台灣人，過幾年應該好快俾港台人士侵佔架啦⋯




呢度有好多小食檔，但我地帶左零食同飲品黎野餐所以無幫襯。








油菜花沒權現堂多，但油菜花和櫻花比較近，兩者都很親民，可以自由在油菜花和櫻花中拍照。




out focus 的美



某些角度可以好夢幻



去完熊谷，就搭車返涉谷行陣街。




晚餐去左食平價燒肉風風亭，呢間都係出名食放題既，不過又係睇完覺得散叫抵d，所以都係散叫。叫左2碟最貴既牛肉同幾碟豬肉。d牛都唔錯，雖然無牛角果d咁多油花，但都好好食，唔洗食到成肚油同脂肪。total只係4759yen 。



。。。。。。。。。。。。

風風亭 渋谷店

東京都渋谷区宇田川町32-15 ビアビル　５Ｆ
17：00～24：00

。。。。。。。。。。。。









話説之前係新宿站有布丁狗裝飾，不過係我地黎日本之前已經完左，好傷心！又咁啱前今次撞正涉谷車站有布丁狗，當然要去影餐飽啦～(((o(*ﾟ▽ﾟ*)o)))






之後行埋涉谷既daikaku drug，呢間係有100yen店的，買左好多零食。

桜の季節。東京崎玉 Day 4

桜の季節。東京崎玉 Day 4   4/4/2016





天氣報告話今日落雨，所以今日我地留係東京巿內賞櫻和shopping。

全日都會搭JR, 所以買張JR one day pass (750yen)。




早餐食銀座梅林豬排，呢間野我地前一日發現既，係秋葉原JR站入面個food court。
JR站入面都可以有food court???!!! 日本真係有d痴線。anyway 最得人驚係個價錢，一個豬排飯set只係780yen! 又係平香港一半！不過不過，始終係food court, quality 一定唔太高既。




豬排並非厚切，但有肉汁，有油脂，以呢個厚度做得到呢個質素，絕對合格。皮不厚，亦很脆～



不過豬仔點果個就有醬汁整淋左陣皮，無咁好食。 總括黎講一定無本店2千幾yen果d咁好食，但平平地當早餐食下都相當唔錯。

。。。。。。。。。。。。

とんかつ 銀座梅林

JR秋葉原駅内

7:00～21:00
。。。。。。。。。。。。





之後搭去新宿站，行10分鐘左右到新宿御苑。入場券200yen。去到竟然無落雨，仲有藍天！可能剛剛落完雨，無咁多人，行得幾舒服。














走就係另一個出口出，一出黎就係千駄ケ谷站。




搭去原宿行陣街。去原宿咁多次都對calbee無興趣，反而而家係香港開左，咁多人排隊，搞到我心思思想食。呢度排5分鐘左右，260yen。味道真係無特別，食落只係熱既薯片，感覺被騙了。



行完原宿就搭去目黑站，行5分鐘就到目黑川。


5點去到，可以睇晒日櫻和夜櫻。目黑川都幾長下，行前小小應該會睇到更密的櫻花，不過我地太攰廢事行了。


 係等入夜既時間，諗住去便利店買d野食。俾我發現左間小型Aeon超市，d野食都幾抵架！


 目黑川夜櫻 

睇完櫻花，我地返酒店放低d野再去食晚飯。去到秋葉原我同豬仔就分開行，佢去睇Yodabashi, 我去Pablo買芝士tart，大家係酒店等。 Pablo既芝士tart我第一次去日本已經好想食，不過因為豬仔唔食芝士，我一個人無可能食得曬，所以呢四年去左咁多次日本都無食。上年Pablo 終於岀Pablo mini, 係一口食得曬既！太感動啦！不過上次滿心歡喜去梅田店買，竟然無得買！原來Pablo mini係某幾間分店先有得賣架咋~ 終於今次俾我發現Pablo mini店，仲係好近酒店！


行到去，又係人龍一條，不過我點都唔會放棄架啦！等左4年先等到今日！最後排左半個鐘左右，買左一個原味芝士(200yen)同一個綠茶味(230yen)，真係好好好好好食！個tart好脆，放耐左都唔會淋。芝士味唔膩，食多幾個都得呀真係！ 







係酒店會合完之後我地就去食飯啦，今次去杜如風介紹既北の家族。係新橋站行5-10分鐘，店外面睇以為好細間，其實入面好大，要落地底，而且裝修好靚，好有古代feel。我地9點黎到，唔洗排隊。通常d人係食放題既，都係果句，我咁細食一定回唔到本。同埋放題得燒蟹，我地上次係大阪燒完有陰影，所以決定散叫。


毛蟹超推薦(1510yen)，佢已經幫你拆左大部分既肉出黎，啱唒我呢d唔識拆殼既人！d蟹膏仲幫你用隻杯仔裝好，好正！


蟹鍋(1618yen)，d蟹殼又係拆左7成，淥熟就可以食。仲有菜呀豆腐呢d火鍋材料。蟹味唔太出，唔算好食，不過已經好過上次個燒蟹。

蟹肉三文魚三文魚子飯(754yen)，呢個飯幾好食，不過細左d，兩個人share唔夠。




章魚饟飯(538yen)，味道普通。




最後加左個煎餃子(430yen)



Total:4850 yen, 都算幾抵食！


。。。。。。。。。。。。
北の家族 新橋日比谷口店
JR新橋駅日比谷口徒歩3分
16:00～23:00


。。。。。。。。。。。。