濃縮暑假石垣島 Day 1

濃縮暑假石垣島 Day 1  8/9/2016  本文主編Wanber,副編艾花



難得有搶到$68,(連稅＋機場費用）$321，今年九月又再出發前往沖繩。因為之前兩都是去沖繩本島,所以今年去於沖繩縣南部的石垣島自由行。
Hong Kong express是目前唯一來往香港與石垣的直航機。去程1250起飛,1600當地時間降落。回程時1655至1800。時間相當不錯。九月八日我們出發的航班只有十分鐘延唔,然後準時降落。

Thu, 8 Sep 2016

Depart:

Hong Kong International Airport Terminal 2 at 12:40

Arrive:

Ishigaki Airport at 16:00

UO 3812

Tue, 13 Sep 2016

Depart:

Ishigaki Airport at 16:55

Arrive:

Hong Kong International Airport Terminal 2 at 18:00

UO 3813

當地機場實際非常細小,處理入境旅客只有三個入境處人員。所以等候時間比較長,排隊尾的要等30分鐘。


出發前,可以先蒐集機場的資料。國內線航廈比較大,所有商店及提款機都在哪裏。全島唯一一間Starbucks也位於國內線航廈。我們快速逛了一下,我們便乘巴士前往市區到下榻酒店。


空港距離市中心巴士總站只是30分鐘車程,可以搭4號或10號巴士。500yen 一程。

http://www.cosmos.ne.jp/~bus/index.html

我們一出機場反而見到機場直去碼頭的快速巴士，中間不停站，同樣是不是500yen一程，我們便上了這架巴士。

自己駕車的話相信只要二十分鐘便可到達。


這次下榻酒店是一般連鎖式集團tokyo-inn,價錢相宜。而事實上,由於太遲預訂酒店和機票,所以根本沒太多選擇,差不多整個島上的酒店都已經滿了。我們選擇的這間酒店幾年前受超級颱風吹襲後重新裝修,所以房間感覺新淨,以港幣約$600,而且包含早餐,實在物有所值。

當然,也不是全無缺點的,在我來說最大的問題是:早餐及位置。先說一,相比上次入住的Naha東橫inn,這間分店的早餐選擇少,特別是肉類。基本上只有豬肉餅和香腸,而且供應不多。早餐供應時間由早上七時至九時半,通常九點後,肉類都被吃清光了。

另一方面,這酒店位於碼頭路的盡頭,距離巴士總站或港口碼頭約15分鐘腳程。如在陽光猛烈的夏天,走不到兩分鐘便汗流浹背了。但其實這間東橫inn可以免費借單車，每次可借3小時，單車約10部左右，有機會借不到的。




我們安頓好行李後,就外出吃晚飯。我們事先沒有選定好餐廳,打算走到市場附近的街道,隨意找間餐廳吃飯。沒想到,走不到五分鐘就落暴雨,即使我們有雨傘,下半身都濕透了。由於雨太大,我們只好找一個屋簷躲雨。等了約二十分鐘,雨終於變小了。我們也沒有心情再走了,就隨便找了一間居酒屋走進去。

這間鉄板焼専門ついてる內,都是日本當地客人。對於我們兩個外地來的客人,老闆和員工顯得有點愕然。員工還是用日文招呼我們坐下來,一貫有禮的把餐牌奉上。餐牌上有英文亦有圖片。店內只有兩三個員工，上菜速度很慢。

來到石垣島,我們當然要一嘗石垣牛肉的味道，於是我們叫了石垣牛肉餃子,又叫了石垣和牛壽司及石垣牛炒飯。

石垣牛もも肉のステーキ 100g   990yen
我們是看到990yen石垣牛的poster而吸引左入黎食既。平時燒肉店吃石垣牛起碼可以2500yen以上，仲要只得幾塊，所以今個trip我地無去燒肉店吃石垣牛。990yen真係好平，但質素當然不算高，但起碼好食過香港。

石垣牛手こね餃子  780yen

餃子超大隻，而且完全包住入面既肉汁，好似小籠包咁！不過牛味不濃。

石垣牛たたき寿司2貫 430yen
我覺得味道普通，可以skip。

石垣牛だ炒飯 1180yen
炒飯色香味俱全,飯粒粒分明,廚師手工異常出色。炒飯上的石垣牛超好食！比石垣牛もも肉のステーキ好吃，超推薦！

Total：3682yen


。。。。。。。。。。。。。

鉄板焼専門ついてる

石垣港離島碼頭徒歩3分鐘
沖縄県石垣市美崎町10-19

[月～土]
１７：３０～翌２４：００(L.O２２：３０)
[月～土]
予約受付時間
16:00〜

夜10時以降入店可

。。。。。。。。。。。。。




兩小時後,我們便結帳離開。在附近的小商店、便利店隨意逛了一圈，我們怕又再下大雨，便回酒店去,結束第一天的行程。

Lawson買既，沖繩特產紅芋批味雪糕

濃縮暑假石垣島

濃縮暑假石垣島  8/9/2016-13/9/2016




今次玩下放12日假去兩次旅行，去完三日布吉島之後，同一日又上機去石垣島。好似9月先放暑假咁，Haha! 07:00落機，12:50又上機，連屋企都唔洗返。兩個trip都無買寄倉行李，12日只係帶backpack, 差d連手信都放唔落。

本身其實都無諗住去石垣島架，但無端端㩒到平機票，$321來回連稅！真係抵到難以至信，無理由唔去。

Thu, 8 Sep 2016

Depart:

Hong Kong International Airport Terminal 2 at 12:40

Arrive:

Ishigaki Airport at 16:00

UO 3812

Tue, 13 Sep 2016

Depart:

Ishigaki Airport at 16:55

Arrive:

Hong Kong International Airport Terminal 2 at 18:00

UO 3813

石垣島既住宿亦都唔貴，當然如果你住resort hotel就一定貴架啦！而且果d resort 都唔係特別靚，跟本唔值。一如既往我地都係揀cheap cheap既商務酒店，book左石垣島東橫inn, 包早餐都只係around $500港幣一晚。有一晚book唔到東横inn, 所以就決定住一晚外島，可以睇下星星。本身係諗住住波照間島的，但島上唯一一間可以上網book的民宿已經full了，只好在Jalan book一晚黑島的民宿。

東横イン石垣島 8-9/9/2016   15768yen

民宿・パーラーあ～ちゃん 10/9/2016  11000yen

東横イン石垣島 12/9/2016    5944yen

東横イン石垣島 13/9/2016    7884yen

Total 6 days Flight+hotel price: $1884/person



今次石垣島之旅天氣不太好，有一半時間係落雨既，相信我地既運氣在搶平機票方面用盡了。而石垣島深潛既價錢都幾貴，天氣唔好實在唔想花太多錢去深潛。儘管每年我地都深潛一次，今年只好放棄了。



今個trip絕對係無上年沖繩之旅咁精彩既，不過有得去海灘玩，食下日本野，周圍hea下都開心既。D yen 貴左好多，今次我地兌7.7。

___________________________________________

濃縮暑假石垣島 Day 1

濃縮暑假石垣島 Day 2

濃縮暑假石垣島 Day 3

濃縮暑假石垣島 Day 4

濃縮暑假石垣島 Day 5 & 6

風雨中布吉

今次難得約到3個舊ward既friends一齊去旅行，本身都無plan到去邊既, 諗住邊度平就去邊度。最後揀左布吉，諗住平平地住下villa。不過好失敗既係我地無為意9月原來係雨季，結果就日日落雨，無藍天白雲。但成班人一齊玩，落雨都可以好開心既！

4個人其實比較難買平機票既，因為買之前要大家商量麻。所以今次買$844來回連稅都算ok, 不過就唔包行李，同埋就得3日。3日其實都夠玩，而且我仲夠假去多個石垣之旅。今次神奇地re到NOOALOO,總共有12日連假呢！


週日, 4 九月 2016    出發: 香港國際機場 客運大樓 2    at 23:35      到達: 布吉國際機場     at 02:00+1   UO 763

週四, 8 九月 2016    出發: 布吉國際機場     at 03:00       到達: 香港國際機場 客運大樓 2    at 07:20      UO 764

酒店方面，我地大家都只係諗住去hea下住下villa。第一日因為係零晨機，2am先到布吉，所以揀左近機場既Centara grand west sands resort and villas phuket，貪佢又平又近，而且仲有水上樂園。
Luxury suite 2 bedroom $1236 一晚/4 persons


第二三日就住間靚villa, Aleenta Resort and Spa。
2 bedroom pool residence $2910一晚/4 persons



酒店＋機票total: $2608



____________________________________________________________



Day 1


今次去布吉都係坐HK express, of coz係零晨機，23:00出發，02:00到布吉，無delay。入境大約要45分鐘左右，中途都見到會有大陸人俾100b tips, 咁就可以排泰國人果條快隊。太耐無黎東南亞地方，一黎就見到呢d咁既行為，實在非常討厭。




一出機場已經有好多taxi同 book車既counter，不過由於我地4個女仔仲要夜媽媽，所以一早就email左酒店book車，1000b一架車。雖然貴左少少，不過感覺安全d。我地出到去都揾左一陣先搵到個司機，佢個名牌超細超唔顯眼，要望兩次先望到。車程原來都要over 15分鐘。

到左就即刻check in, check in完都仲要坐酒店既golf car去我地果座，我地係第五座，room5301。


一開門真係好surprise, 係我有史以來住過最大既房！雖然網上有好多呢間酒店既劣評，黎之前都好擔心架，估唔到會咁好，我地一致認為可以住多幾日。原本book 4人房，諗住只係兩間雙人房既size, 但一入去已經係一個超大既客廳，感覺好新好靚。


有一個設備完善既廚房，其實可以帶d無印良品package黎焗下蛋糕或者買包啫喱粉整下啫喱。

之後係兩間大房，每間房都有自己既廁所，其中一間仲有jacuzzi。








可惜已經零晨3點幾，無咩enjoy過間房就要訓啦。


露台







第二朝9點左右起身，大家係個jacuzzi浸左一陣腳，執埋d行李就走lu。我地無book酒店早餐，所以去左水上樂園旁邊的餐廳吃。




呢間野堅平，而且有好多選擇。


大部分120b左右


我地叫左東陰公，燒豬頸肉,青芒果沙津，菠蘿炒飯，紅咖哩雞，四杯smoothies。total 只係 919b。


菠蘿炒飯超推薦！





燒豬頸肉感覺似叉燒多d。



紅咖哩雞幾辣下








之後就去lobby check out, 然後再去水上樂園玩。入到水上樂園門口個呀姐問我地room no, 我地就同佢講check out左，之後佢就黑我地面⋯明明係lobby d人話check out左都可以玩架麻。最後佢話要俾每個locker 2000b deposit, 咁我地俾左4000b, 可以用兩個locker。但佢個locker好細，我地d行李當然放唔落，有兩個大背包要放出去借毛巾個counter俾人看住。




我從來都未玩過水上樂園，所以都幾期待架！天氣唔好落住微雨都照玩，因為唔識游水有d緊張，我地去小童區玩陣先。小童區都已經幾好玩的了!


之後就上三層高的滑梯，可以用單人水泡和雙人水泡玩，我地雙人玩，好有速度同離心力。







之後就開始膽生毛玩第四層既滑梯，一個係滑落個大圈度轉圈再滑落另一條滑梯。原本這個是不算刺激的，但唔知點解我地轉轉下變左向後落，所以好驚！最後一個係差不多90度的滑梯，堅恐怖！好有過山車的感覺。最後玩埋個坐水泡沿樂園外圍浮一圈，之後就走lu。




仲有小小時間就去返頭先間餐廳後面間mini market買乾糧。因為之後去果間villa係周圍都無野既，所以我地要買大量零食，杯麵同飲品。




買完野就去lobby等車。我地出發前已經上網一早book定車，揀左網上面幾出名既Man哥。用email聯絡，中文ok,回覆超快，價錢都好合理。不需按金，去到目的地先俾錢。
Man哥email: bj1998th@yahoo.com.hk

我地成個trip都係同一個司機，好準時，人又nice, 唔係平時想呃你錢果d東南亞大叔樣。

Centara Grand west sands resort & villas Phuket 包車去Aleenta resort and Spa    800b

Aleenta resort and Spa包車去芭東     1000b

芭東包車去機場       600b

佢另外有浮潛tour 可以報，約1200b 一人。不過由於天氣唔好，所以無報到，反正過幾日我都去石垣島浮潛。






20分鐘左右就去到Aleeta Resort , 招呼我地既係一個台灣來工作的男仔。我地book既係2 bedroom pool residence， 一開門就見到個泳池，雖然唔大不過都夠游，d水都好乾淨。


有廚房，兩間睡房，3個廁所，2個jacuzzi。睡房係落地玻璃面海既。整體來說全面房既設計都好靚，值呢個價。











我地去到就開始煮麵食，之後落泳池玩。




游夠水就行去附近的mini market看看，5分鐘距離，但無咩好買，我地買左雪條食。




去酒店出面沙灘睇下，可惜唔好天，唔係應該好靚。個海都幾大浪唔會游到水。




之後去酒店餐廳食晚餐，酒店有兩間餐廳，西式同泰式，兩間都可以上官網睇Menu。價錢同香港差不多，可以接受。今日我地試西式先。 味道很不錯！特別喜歡risotto !





Rock Lobster Curry 600b



Risotto Al Limone 500b




Pink Ravioli  500b


Total: 2044b






酒店public pool夜景



夜晚返房玩下card game就沖涼訓lu。




Day 2






暴雨，落去西式餐廳食早餐，佢係semi-buffet形式，有menu揀野食同飲品，之後又可以出去拎d生果，沙津，果汁等。






叫了egg benedict




食飽又返房，因為全日暴雨，我地只好全日留係房玩card game。 玩到悶就唔理大雨都照出去游水。




Dinner又係酒店食，今次食泰式果間。叫左冬陰公，青咖哩，咖哩軟蟹，炸魷魚，炒通菜，炒粉絲同芒果糯米飯。最推薦係咖哩軟蟹，好食到爆！













芒果糯米飯我第一次食，完全係一食就愛上！


Total:2602b







食完返房繼續hea, 但竟然突然停電了！又黑又無冷氣，當時十點左右，好彩打去lobby有人聽，不過就搞左半個鐘先有電。




Day 3

繼續落雨，去餐廳食早餐, 今次叫左salmon plater ，薯餅同河粉。好好食。




之後返房執行李，再hea多陣就check out了。我地一早book定去芭東既車都準時到左(白色果架），大約一個多小時就去到Jungceylon出面俾我地落車，呢個時候雨終於開始停。

司機叔叔推薦我地去banzaan market食海鮮，我原本都plan左去的。不過我地咁多行李，就諗住係商場搵個locker放低d行李先。不過big C只能寄存一小時，佢地suggest 我地去Jungceylon 同Millennium Resort對出既My storage寄存，一日一件行李100b, 不過要17:45前拎返。

放低行李後就去banzaan market, 老實講我以爲芭東好細，所以只係影左旅遊書既簡單版地圖，完全無做research。結果就發現跟本搵唔到路，要周圍問人，差不多揾左半個鐘先搵到。

banzaan market就係地下係街市，買完海鮮上二樓俾人煮。我最怕就係去呢種海鮮市場，因為一定要講價，呢個係我既弱項。好彩我d friend識殺價，一殺起碼要殺一半，果度d人好多識普通話廣東話，溝通ok。最後我地用2200b左右買到一隻大龍蝦，4隻瀨尿蝦，4隻蟹，一大盤蛤。

價錢不算超抵但已經幾滿意。上到二樓，又要揀一間餐廳煮。我地當時諗住應該間間差不多，是但揀一間溝通到既煮，叫crab kitchen，點知我地揀果間煮出黎味道好普通，食得出好新鮮但味道唔入味。以為係人頭費fix price代煮，但原來係睇你煮咩海鮮同埋有幾重黎計。代煮海鮮再加左個菠蘿海鮮炒飯同炒通菜再加飲品約800b。










芝士焗龍蝦是我們最無話可說的，只有面頭一片無芝士味既芝士，其他全部都係沙律醬⋯


飲品就係crab kitchen對出間drink me買，60b一個椰青，我地貪佢大個所以買呢間，結果唔好飲，係酸既。







食飽就去Jungceylon 外面條街行下，街舖買野一定平過商場入面麻。你睇，呢樣係我最有興趣買既手信，生果造型既番皂，芒果味超香！100b有3個,我個friend講價講到150b 5個，而big C係賣緊100b一個！不過因為我得7kg hand carry, 黎緊仲有6日係石垣島做backpacker，所以就無買了。





之後返Jungceylon 行街，其實都無咩好買。我d friend想去按摩，但我係唔鐘意按摩既，所以我就自己去行街，一個鐘後去搵返佢地。

佢地按完摩已經17:15，我地返去拎返d行李，再返商場行。今次食swensens , 一杯細新地只係90b!又平又好食！







最後行埋big C買手信，就去食晚餐啦。

拎住d行李費事行來行去，就是但揀左間Jungceylon入面既泰式餐廳(Thai Bistro)食。叫左冬陰公湯，生蝦，粉絲，冬陰公炒飯，青芒果沙津。全部都好食！

沙冰超級甜，不推薦。





 



Total: 1447b




時間差不多就去等包車返機場，今次感覺車程更長，around一個半小時才到。去到機場只係10點，我地班機係零晨3點。其實可以叫包車遲d先車我地去機場既，但我地又驚太夜會危險，所以寧願早少少去機場等。個機場都幾多人，幾乎無位坐，而且有大量大陸人，俾佢地嘈死！我地呢幾個鐘就上下網，吹下水，食下係超市買既芒果糯米飯。

最後終於都上機啦，不算睡得很好，7點準時到香港。不過我12:40先再上機去石垣島，所以就係transit area度繼續訓。