Magic for Witch: 11月 2016

濃縮暑假石垣島 Day 3 10/9/2016

9:00落去lobby食早餐，之後上房執野check out, 寄存左袋行李係東橫Inn，因為後日會返來住多兩日。

今日去黑島住一晚，因為東橫inn full booking, 我地又唔想住本島既貴酒店，所以決定去離島住一晚，感受下住小島既生活。

原本最想住波照間島，但佢全島只有一間可以online book既民宿，但已經full左,所以只好揀住仲有房book既黑島。民宿あーちゃん係jalan book, 11000yen一晚，包早晚餐，包接送，免費借單車。
http://www.jalan.net/yad342850/

搭11:00既船去黑島，來回2190yen,船程約半小時。去黑島既船一日得5班，記得要上網睇定時間。
http://www.aneikankou.co.jp/water_routes

買船票既時候售票員同我地講仲本海岸今日唔游得水，係咪真係要去？咁既然book左民宿就一定要去啦。落船就見到民宿既車等緊我地。車程10分鐘左右就到民宿。

民宿あーちゃん

房間就這樣簡單，廁所和浴室都是share的。

民宿老闆其實不懂英文，我們用很差的日語來溝通。我們問他仲本海岸今日係咪真係唔游得水，佢就車左我地去睇。沙灘前會有個牌寫住可以落水既時間，可能因為潮脹，所以全日唔落得水，好失望。

紅色牌寫著游泳禁止

仲本海岸在石垣島算是一個頗出名的浮潛地點，但以往出過好多意外，好似死過人，所以當地會禁止遊客係唔適合既情況落水。應該潮退先係安全時間，而我地黎既日子遍遍係潮脹。

呢個網頁好好用，佢介紹沖繩既不同沙灘，右邊Beach Data的"シュノーケル度"是浮潛分數，仲本海岸有5粒星！

http://churashima.net/shima/special/beach/yaeyama/sukuji/index.html

第二天潮退的樣子，可惜都係終日游泳禁止。

其實黑鳥仲有一個西の浜，但民宿老闆話今日呢個沙灘都唔落得水。之後民宿老闆有介紹碼頭旁邊的沙灘俾我地游水，但似乎無珊瑚睇，所以無游到。

個沙灘都幾秘密下，要係條秘道入去

民宿房入面無電視，有wifi但係基本上收唔到既。所以我地全日既活動就係踏單車。

民宿借單車係免費既，不過單車好多都生鏽，有d又爆呔。

今日多雲所以踏單車都舒服唔太曬，黑島都幾大，我地踏左差不多三小時。不過其實風景都係草同牛，無咩景點。

見到山羊已經好開心，不過佢好惡，同佢selfie佢會想䃥你。

之後去左伊古棧橋。

踏完一圈就發現島上面無咩餐廳，好彩我地琴日去左超市買即食麵，lunch就返民宿借熱水煮麵。

食飽又踏多陣單車，之後返民宿訓晏覺，到19:30就食晚飯。估唔到都幾豐富，又好食。

咁啱同枱有個奧地利人同佢個日本太太黎住，終於有人同我地傾下計，順便做翻譯。民宿20:30會有免費 tour去睇椰子蟹，佢地係夜行生物，不過只係見到一隻。

睇完就返去訓覺lu。民宿有冷氣不過要100yen 2小時。

民宿的早餐，望落好少野不過都食到好飽！

濃縮暑假石垣島 Day 2 9/9/2016 本文主編Wanber,副編艾花

先預告一下,最悲劇的事要在今天發生。。。

起床梳洗後落lobby吃早餐，補充元氣。
雖然toyoko Inn 是廉價商務酒店，早餐放題本應沒有期望。但去年住過的NAHA 分店早餐質素實在物有所值，麵包、飯團、肉、菜、水果等都有供應，而且新鮮，絕不是將貨就價。因此，我懷著期望到G/F 大廳；然而換來的只有失望。

也許是因為我們太遲下去的關係,食物基本上沒有選擇。早餐供應是7:00-9:30,我們到達時已是9:00。我最關心的肉類只有剩下一款腸仔和肉餅,湯也供應完畢。殘念。接着要去外島游泳,所以也盡量吃多一點。

半小時後我們回到房間。查看了天氣,今天天陰有雨，於是我們決定到最近的竹富島。離開酒店時還未下雨，但烏雲密佈就是令人ｈｉｇｈ不起來啊。

酒店附近的石垣吉祥物。

碼頭距離酒店十五分鐘腳程，我們到達碼頭約１０：３０，買了安榮觀光１１時的船到竹富島。竹富島算是最便宜最方便的一個島，大約半小時至一小時一班船，來回船票1150yen。等待時間玩下Pokemon, 碼頭有free wifi, 時間很快就過去。

竹富是距離石垣最近的一個小島，島上有原著部落（當地叫集落），島不大，如單車環島應該一小時可以完成。島上原著人口集中在島中心，有食事，郵便所，ａｔｍ，小商店，出租自行車等。而渡假村（星のや竹富島）則在島的東面。我們乘坐的渡輪用了15分鐘的時間,從石垣碼頭開到竹富島。

島上有兩個沙灘，最出名應該是星砂浜，但不能游水，所以我們此行目的地是コンドイビーチ，位於島的西面。我們的計畫是先從碼頭走到島中心逛逛，再決定是否租自行車往返海灘。

剛離開碼頭便開始下毛毛細雨。　我們從碼頭走了15分鐘, 到達中心的郵便局。看了看地圖,知道去海灘的路途並不遠，租自行車要1500日圓,於是我們決定繼續步行前往海灘，欣賞沿途景色。
沿途的建築，一磚一瓦，一草一木，都保留原始的味道，瓦頂屋、石圍牆、石獅子、石敢當都是當地強烈的風格。話雖原始，但建築修葺整齊，門前沒有落葉雜物，體現出日本人高度的文明和自律。

由於不趕行程，我們徐徐的走了約２０分鐘，到了コンドイビーチ。入口有駐車埸可以停放自行車（無料）。另外亦有小巴往返碼頭，310yen 一程，班次不多。這時候雨停了。

コンドイビーチ附近有很多野猫，不怕人。應該是同血源的關係，樣貌都是差不多。

沙灘有個小賣店，以小巴為主體，有刨冰賣，同時出租太陽傘，浮潛工具等。

沙灘只有一個shower room和一個廁所，廁所竟然只有蹲廁⋯連換衫也要在廁所入面換，其實不太方便。人多的時候沖身要等好耐，不過好在日本人多，大家都很守秩序。

吃過刨冰後,我們便換上泳裝準備下水。悲劇準備上演…
這個沙灘沒有儲物櫃,於是我們把貴重物品例如單鏡反光相機、錢包、手提電話等放進防水袋,然後把衣服毛巾等東西放進背包。我們把防水袋攜帶游泳,把背囊留在沙灘上。這個沙灘水質清澈,也非常淺水，離岸40米，水深也不超過一米。眼見很多父母帶小孩下水，相當安全。可惜就是沒有珊瑚，也沒有魚。我們帶了ａｗ１２０防水ｄｃ，就是這個時候用來水中拍照。中間出現過几分鐘陽光，趕緊拍了几張人像，可惜ｄｃ就是不給力，看習慣了單反的我們對於相片質素不太收貨。

就這樣ｈｅａ了兩個小時，我們決定上岸離開。
把防水袋打開，嚇然發現防水袋進水了！！悲劇啊！可能是我封閉防水袋時不夠謹慎導致進水，首當其衝的是最接近袋口的相机與鏡頭，下面的衣服亦濕了。其實進水的量不多，大概一百毫升。但小小的海水足以破壞電子用品。我的相机、鏡頭就此ＧＧ了。（回港後花了１０ｋrepair）心痛除了維修花費不菲外，最大問題是之後的旅程沒有了單眼拍照了！

海中心有個小沙丘，退潮時會出現。

游完水更衣後，我們選擇了乘小巴回去碼頭，不到１０分鐘，車子回到碼頭。又再15分鐘，我們回到石垣本島。約１６:００了，由於還未吃飯，我地就嘗試一下就在碼頭對面的石垣burger。我們叫了正常份量的石垣牛burger，即落單即做，約５分鐘店員便把熱騰騰的ｂｕｒｇｅｒ送到手裹。

牛肉是好吃的新鮮牛肉，不過價格1080yen，ｃｐ值不算高，但畢竟是石垣的signature,店鋪位置又方便（碼頭對面），還是可以順路一試。

。。。。。。。。。。。。

きたうち牧場

沖縄県石垣市美崎町4 海人工房 1F

9:00～18:00

。。。。。。。。。。。。

之後食了旁邊著名的泡芙，160yen，比香港好食，價錢比香港低，絕對推薦！

接著回到酒店，更衣沐浴後，借了酒店的自行車（無料，先到先得，３小時限制）出發到附近的MaxValu Arakawa (マックスバリュ新川店) 。單車車程約15分鐘。石垣島有好幾間MaxValu，大部分遊客去的MaxValu比較遠，要搭巴士。
我起初有點擔心，因為艾花很久沒有踩自行車，我們亦不熟路況。幸好，很快發現馬路根本沒有什麼車輛，我地沿海邊踩，直至接近MaxValu 才比較多人車。石垣的人口密度比想像中低，ｎａｈａ要熱鬧得多得多。