北海道跨年之旅 Day 6 & 7 5-6/1/2017
早上7點起床吃早餐，旅館既早餐buffet還是好高質素！日式和西式都有，食物種類多，食材很多都是北海道出產的。仲有得自己擠牛奶雪糕，超有牛奶味呢！
食飽返房收拾行李hea一陣，豬仔又去浸多次溫泉，然後就check out離開了。由於book不到shuttle bus, 所以要自己搭巴士走。我地搭9點半的巴士，太厚積雪我地搵唔到個巴士站，所以企左係去程巴士停站位置的對面，好彩無估錯成功上到車。比預期中遲了15分鐘才到旭川JR站，所以送了去旭山動物園的巴士尾，又要等30分鐘才有車。
大約一點才到旭山動物園，冬天時動物園15:30便關門。去之前有d擔心2個半小時不夠看，結果是夠的，雖然好多人話好值得黎，但我又覺得好普通。可能對上果次去神戶個動物園真係好正，所以覺得呢個動物園同d動物無咩interaction。唯一特別既只係可以係雪地上睇動物。
一入去就係海獅館，呢度最特別係中間有條柱，會有海獅係中間游過。佢地真係好肥好得意。
之後就係北極熊館，今次係第一次見北極熊，佢地唔太可愛，唔係白雪雪既，有點黃。
小熊貓都係重點想睇既，好可愛，仲見到有兩隻打架，打得好cute!
嘿美～
今次來的重點當然是企鵝散步，一日有兩場，我地睇14:30果場。早左10分鐘去覇位，但期實唔需要，因為散步路線好長，一定有位。我地係中段位置等，都等左好耐d企鵝先行到黎，等咁耐差d凍死我，等果時仲有d嬲d企鵝仲咩行咁慢，haha！
終於等到佢地出黎，真係超級可愛！特別係有一隻小BB真係可愛到不行。
睇完之後我地馬上跑出去坐巴士回旭川站。
我地係旭川站旁的Aeon食野先，揀左間湯咖哩食。我地叫左一碗雞脾和一碗豚肉，兩種肉都其實不好吃。不過咖哩就好食，湯咖哩其實叫咩肉都好，都會配一堆蔬菜的，我係一個唔太鍾意食蔬菜既人，以為會食剩很多蔬菜。點知咖哩同蔬菜味道很夾，我把所有蔬菜都吃掉了！
Total: 2310yen
。。。。。。。。。。。。
Ravi
Aeon mall旭川駅前 4F
10:00～22:00
。。。。。。。。。。。。
食飽再行多一陣商場，就搭返JR返札幌。係札幌站又行多陣街，再去食晚餐。由於不太餓，所以去了食迴轉壽司，可以食幾多叫幾多麻。這次是在Esta 10/F的， 路過見到唔太多人等，所以就揀咗呢間。佢冇花まる咁貴，所以我哋都唔使點睇價錢食嘢，味道都唔錯！最特別嘅係佢個飲品放題，只係125yen!平到你唔信，平時出面買一支嘢飲都唔止啦！可以揀可樂汽水果汁，真係好抵！
Total: 2208yen
。。。。。。。。。。。。
北海道四季彩亭
札幌ESTA 10F
11:00～22:00
。。。。。。。。。。。。
今日我地住另外一間酒店，ibis style hotel Sapporo ，佢係喺中島公園站，無JR inn咁方便。我哋喺札幌站西口Coin locker拎返啲行李，再搭地鐵去中島公園站。2號出口有升降機，搭完升降機行5分鐘就到。呢間酒店俾人嘅感覺好新，比一般商務酒店高級。我哋喺呢間酒店嘅主要原因係因為佢既房真係超級大，所有房間都有23平米以上！係日本真係好少見。
二人房有兩張大床，可以瞓得好舒服。房間裝修很時尚，感覺好好。連廁所都唔係平時商務酒店嘅組裝廁所，大好多！
咁正嘅房都係500港幣一晚，呢一個價錢仲要係連早餐架！
スーペリアツイン（30平米） 7,200円
佢嘅早餐並唔係之前得麵包沙律嗰種，佢係buffet形式，日式同西式嘅食物都有，仲有好多選擇！
呢間酒店CP值極高，所以好搶手，我哋只係book到一晚。
最尾一日其實已經冇乜地方想去，check out之後放低行李係酒店，就去中島公園站行左一陣。
之後我哋搭去白之戀人公園，今日用埋之前旭川動物園pass入面張地鐵一日卷。坐東西線到宮の沢站，跟指示行10分鐘左右就可以去到白之戀人公園。其實呢度都冇乜特別野做，通常啲人都係去參觀工廠，不過參觀要比入場費，我哋興趣不大所以沒有參觀，只是在外圍影相。
呢度嘅建築走歐洲風格，非常浪漫，但感覺都有點商業化。
拍照後我們入去商店看看，這裏買白之戀人朱古力沒有特別便宜，和外面的價錢是一樣的，所以便沒有買。這裏有白之戀人雪糕，原本我都不打算吃，但豬仔說既然來了就吃吧不然會後悔。買了牛奶味雪糕，味道真的沒有特別,牛奶味亦不出，之前在溫泉旅館吃的好味得多。
我們沿路行返去地鐵站，中途有一間books off, 在哪裏看了一會兒書，這間鋪頭的書都很便宜，我買了一本100 Yen的漫畫。
回到札幌站後，我們上了Esta 10/F聽玉藤豬扒飯，好像是百年的老店，我們點了一份三元豚和一份本州豚。本州豚即是北海道的豬，在寒冷的環境下生長一定會有一層厚厚的脂肪，所以本州豚豬扒有三份一都是脂肪來的，一開始吃覺得有脂肪幾好吃，但吃多了還是會厭。三元豚就沒太多脂肪。但兩種豬扒都沒有京都的好吃。
。。。。。。。。。。。。
とんかつ玉藤 札幌エスタ店
札幌エスタ 10F
11:00～22:00
。。。。。。。。。。。。
吃飽了後我們作最後購物，之後就出發去機場了。豬仔明明搭國泰但係排錯左中華航空，結果國泰入境手續終了才發現！嚇鬼死！好彩最後都check in到。
我們出境後才去免稅店買手信，這裏有三間免稅店，如果你不是要很專門的手信，這裏絕對買得到北海道必買的手信，所以根本不用在外面買，臨上機買便可以。
我班機delay了一小時，所以有更多時間行免稅店，其實2樓還有一間免稅店和一間藥妝店，藥妝店不算太便宜但最後作補貨也不錯。
HK airline的飛機餐
