Magic for Witch: 7月 2017

2017年7月26日星期三

東北と関東のお花見 Day 7

東北と関東のお花見 Day 7 29/4/2017

今日係呢個Trip嘅最後一日,我哋搭夜晚七點嘅飛機返香港，所以有半日嘅時間可以去玩。原本只係諗住周圍行吓街買手信就算，但係今日超級好天，加上上網見到足利紫藤園嘅入場券價錢已經去到最高點，而且我地JR pass係包去足利的車費，所以決定出發去睇紫藤！去足利紫藤園搭新幹線的話，大約要一個半小時嘅時間，班次比較疏，我們選擇搭8:28分的新幹線出發。

一早起床後，執好行李之後將行李放係酒店寄存。

冇時間吃早餐所以到便利店買少少東西吃，今次發現minishop有自己夾的早餐買，即是好像酒店早餐一樣，有幾樣餸可以夾，但係就以磅數計錢。我夾了一點蝦沙拉和炸雞，再買了個飯團上車吃。

今日繼續用東北JR pass, 首先搭JR去東京站。

在東京站劃位搭新幹線去小山站，但職員竟然同我地講已經冇晒位！！Again?!!!! 我哋之前冇位都可以劃企位，但今次個職員係我係日本見過最無禮貌既，只係不停揮手叫我地離開。但若果搭唔到呢班新幹線的話就要搭慢車，慢一小時，咁我哋時間就會好趕，分分鐘會Miss班飛機！我只好再問我地仲有咩方法可以搭到呢班新幹線，個職員先同我講其實用呢張JR pass, 不劃位沒車票也可以坐新幹線！頂你嚇死人咩唔早講！！上到月台發現其實呢班車係有自由席的，所以最後我地都有位坐。

去到小山站要轉JR両毛線去富田站，出站後行20分鐘左右就到足利紫藤園，沿路很多遊客亦有指示牌，所以很易就行到去。

去之前可以上足利紫藤園的網頁做會員，入場卷有100yen折扣。

紫藤園的入場費是跟據當日開花情況而變動的，今天是最貴的1700yen，代表花況超好呢！不過老實說入去之前都的確覺得入場費很貴，但入場後又覺得係值得既！

足利紫藤園是CNN評選為世界10大夢幻旅遊景點，來之前已經估到會超多人。來到是多人沒錯，但園區還算大，所以還是可以拍到沒旁人的照片。

前幾天去亀戶神社看紫藤時，已經覺得好靚，認為無需要花錢花時間去足利吧！結果好在有來足利！足利完全是美麗數十倍！

這兒有不同種類的紫藤，紫色的顏色都不同，而且數量是爆炸多！看厭了櫻花的我，馬上愛上紫藤了。

紫藤的味道淡淡的，很清秀，和我喜歡的苿莉花味很相似。

有一棵遲開的八重櫻

紫藤瀑布很壯觀

這兒的紫藤雪糕(400yen)是必吃的！我一向不喜歡花味的食品，原本只是想買來拍拍照，結果發現是超好吃的！花味淡淡的很自然！

搭車返東京站，我地都好肚餓，所以去食拉麵。今次食斑鳩拉麵，聽說都挺出名的，Tabelog有3.58分。我地去到剛剛有位不用排隊。味道不算很突出。

1000yen

。。。。。。。。。。。。

東京駅斑鳩

東京駅一番街 B1F
9:30～23:00(L.O.22:30)

。。。。。。。。。。。。

之後極速過去丸之內KITTE間無印買野，俾豬仔發現頂樓有免費展望台，所以上左去睇。呢度可以望曬成個東京站，個view唔錯。

時間不多，馬上搭JR返神田站酒店拎返個gip，再返東京站搭NEX。今次係第一次搭NEX, 因為佢係去成田機場最貴既車，用JR pass可以免費搭就當然要搭啦！其實感覺同skyliner差不多。

Tully's coffee最近出了千層蛋糕，360yen。剛好機場有分店，買了來吃。

成田機場terminal 2真係無咩好買，手信又好，化妝品又好，都無咩好揀。

原本飛機19:15起飛，但因為落大雨所以delay左一個鐘。

2017年7月17日星期一

東北と関東のお花見 Day 6

東北と関東のお花見 Day 6 28/4/2017

今日係係東北既最後一日，我地執埋d行李，check out之後拉住行李出發去秋田。

係JR站劃位，點知已經無曬位，嚇到個心離一離！好彩可以劃企位，就係是但搵車廂與車廂之間的位置企。還好盛岡去角館車程不長，45分鐘，不會太累，如果中途有人落車亦可以坐那個位。

經一事長一智，到站後我們先去劃回程的車票，角館去東京是三小時車程，沒有座位的話真的會非常痛苦呢！

之後去車站旁邊放低行李。車站本身有大型locker，但櫻花季比較多人，所以當地人會開一個counter幫遊客看管行李，一件行李300yen，比放locker更便宜。

拎張地圖之後就出發了。角館不大，步行就可以。由角館車站行去武家屋敷約15分鐘，到達武家屋敷後開始下雨，所以我們先去吃brunch。

去了角館好出名的桜の里，聽說平時用餐時間都要排隊，我們來的時候尚早，所以馬上有位了。叫了親子丼和豚肉丼。

親子丼是這兒的招牌菜，採用比內地雞，吃起來口感和味道真的和平時吃的雞有不同。
稲庭烏冬都很出名，烏冬很幼，真的很好吃。

稲庭うどん比内地鶏親子丼セット1680円

八幡平ポークのひつまぶし 800円
豚肉丼就味道普通。

。。。。。。。。。。。。

桜の里
秋田県仙北市角館町東勝楽丁9番

9:00～17:00

。。。。。。。。。。。。

東北其實好大，所以青森秋田盛岡櫻花的花期都不一樣，秋田今年較遲開花，我哋黎呢日都只是8分開左右。東北賞櫻最重要我覺得係要睇準櫻花預想，每日都要睇天氣同埋邊度有滿開的櫻花，隨時轉plan。最多人用嘅weathermap只係show大範圍的櫻花預想，東北賞櫻我推薦用日本氣象株式會社網站。
https://s.n-kishou.co.jp/w/sp/sakura/sakura_top.html

佢每個縣都會有當地賞櫻熱點的仔細開花情報，for example , weathermap可能show 秋田櫻花滿開，但其實佢用既指標係秋田公園，秋田角館可能完全未開花！日本氣象株式會社就會仔細show到角館開花情況，有時會仔細到分埋同一地方唔同種類櫻花的開花情況。

角館呢到有一個好特別嘅現象，武家屋敷主要係比較早開的支垂櫻，而河邊就係染井吉野櫻花，所以我哋呢一日，武家屋敷已經過了滿開，差不多葉櫻了。但桧木內川櫻花就只有8成開！同一日唔會睇到兩邊都滿開嘅情況，我地比較想睇桧木內川滿開，所以編排最後一日才來。

武家屋敷比較多人，中間又是馬路，所以拍照有點難。

角館感覺都有一點像京都

這天時晴時雨，拍照一時陰天一時晴天。

河堤相對少人，可以慢慢set腳架拍合照。

時間差不多便走回車站，取回行李後坐新幹線回東京。

今次東京酒店book左神田hotel mystay。第一次住神田區，非常推薦！主要因為神田的酒店是東京內比較便宜的，而神田是山手線，所以交通非常方便！搭一個站已經是東京站。神田站附近都有不少不錯的餐廳，環境不錯，不會太多人。

神田hotel mystay距離神田站約5分鐘，算幾方便。一晚9400yen。hotel mystay是我挺喜歡的一個酒店集團，CP值很高的。雖然房間不大，但房間設計新穎時尚，給人舒適的感覺。這間還有一個Mini kitchen, 有微波爐可用。

接下來的行程都幾緊密，因為豬仔想去影東京鐵塔，又想去原宿Nike store，Nike store 20:00關門，所以時間好趕。

我們繼續使用東北JR pass，用人工改札口出入，show pass俾職員睇便可以任意搭東京市內的JR。

首先搭去浜松町站，豬仔話想上世界貿易中心影東京夜景。去到樓下諗住買入場卷時，好好彩俾我發現左張notice, 佢寫住話前面building有工程，所以上面的夜景會有三個非常礙眼的吊臂，仲show埋張相出黎。我們當然放棄上去了，決定步行前往增上寺拍拍東京鐵塔算了。我們6點半左右去到，天開始黑，但東京鐵塔還是沒有亮燈，所以我上網找一找亮燈時間，結果發現今天剛剛是final fantasy特別點燈，7點才開始。所以今次拍到的是藍色的東京鐵塔。