関西でひとり旅 。 上

関西でひとり旅 。 上

27/6/2017-30/6/2017 Day 1- Day 4

香港航空    寄艙行李: 20 公斤  連稅$1170

27/6/2017    HX612  17:00 HKG香港國際機場 －>  22:00 KIX 大阪關西國際機場
3/7/2017      HX617  07:00  KIX 大阪關西國際機場 －> 09:50 HKG香港國際機場

準時17:00起飛，仲早左半個鐘降落！可以放下心頭大石，因為搭呢班機只要delay一個鐘的話，已經好大機會趕不上尾班的南海電鐵出難波。

另一樣好彩的是，沒有差不多時間land的航班，所以5分鐘就完成了入境手續了！

可惜等行李等了一段時間，最後坐了10:25的南海電鐵（920yen)，23:05去到難波。

係難波站25號出口行3分鐘左右就到capsule hotel Astil, 呢間capsule 係2017年3月新開的。大約2600yen一晚，算是平價。平時我係住開first cabin的，但唔知點解大阪呢間好貴，要over 4000yen一晚！所以揀左Astil。

5樓係lobby, 亦係唯一一層女仕樓層，check in 完會俾一條locker匙你，呢條匙除左開locker之外仲可以用黎拍卡入門口。

每天會送一支水，女仕會多送一個禮物包，入面有一片類似休足時間的東西以及綿花棒，卸妝綿等。



一入到去首先要除鞋換拖鞋，

再入去就係locker同放行李的地方。

locker是不夠大放gip的，個gip要放行李架，有單車鎖可以鎖住行李。我就是看上有位置放大型行李這一點而住這裡。

再入去就係capsule了，這是上下兩層的capsule , 之前住first cabin就沒有兩層，感覺是細了一點但都可以接受，畢竟我屋企張床放滿公仔逼好多！

我被安排了521號，是下層的位置，不用爬上爬落實在太好！整體感覺安靜又清潔，推薦！

Shower room只有4間，23:00-00:00呢d peak hour就要等一陣子才有位了。

這裡有浴巾，牙刷，睡衣供應

只有風筒，沒有直髮夾，失望⋯

Wifi都算幾快。




原本有打算半夜出去食下拉麵行下激安夾下公仔既，但最後又好攰無出到。









Day 2


Capsule要10:00-15:00清潔，所以10:00前要走。今日book左11:30食lunch buffet, 未夠鐘所以係難波行陣。

最後都係忍唔住去round 1夾公仔，唔知係咪因為未食早餐既關係完全失水準，夾左1000yen咩都夾唔到！夾左幾日公仔，得出既結論係難波店係難夾d既！


之後去bic camera行左陣，買左部粉紅色CD機。




行去JR難波站，搭JR去弁天町站（160yen)。Lunch buffet係Bay tower hotel 51樓，個view好靚，可以望到海遊館。
今天天氣不太好，iphone拍出來不太美。

食物方面味道中上，不過選擇不多，甜品不算吸引但會keep住refill出新野。

還好有我最喜歡的奶油帶子，仲要煮得超好食！我吃了5碟呢！今次主要吃帶子回本，可以一試但不會特別推薦。




Buffet都係喺Jalan book, 原價2700yen, 用左1000yen coupon 所以只係1700yen。不過我覺得都係上次東京東武洒店CP值高d，起碼有牛和有蟹腳。呢間就食個view, 環境都幾靚幾高級，用餐時間長，慢慢hea係唔錯的。




之後搭返JR返難波行街，一直行到心齋橋，行了O1O1間 lattice，spinn，390yen店⋯

食完今朝個buffet仲未肚餓，最後食埋好想食既Luke's lobster(1058yen)，已經食第三次，都仲係覺得超好食！








Day 3



今日book左salon搞下個頭，由於上次係東京整得好靚，所以放心下來，決定剪短同染偏粉紅色的啡色，結果，出。事。了！

呢間舖頭係正心齋橋，位置很方便。


Lee 心斎橋【リー　シンサイバシ】
serve我的stylist亦算識少少英文，溝通上比之前在東京的stylist好。我book的plan原本是5400yen 包剪髮染髮和treatment, 但我想要的粉紅色要漂，要加錢，total:11800yen，這個價錢在香港只是染普通啡色的價格，所以算是ok的。

這𥚃都有飲品和糖果雜誌提供。

最後，我的粉紅啡色變了紅色！係好紅既紅色！而短髮也比想像中短⋯

下次去日本整頭髮，都係染返d保守既顔色好了。

Total用了3小時，算係幾快。

紅色大約last到1-2星期，之後已經變返正常啡色。overall其實都可以接受的，染一次可以有兩種顏色都不錯。








之後係心齋橋站搭去千里中央（420yen）再轉monorail万博記念公園站(250yen)，到達ExpoCity。

第一時間當然係去我今個trip既target, the bears' school x Charabread期間限定麵包店！開到今年10月架咋！去到一個客人都沒有，有包場的感覺。

cafe𥚃面有jackie產品買。

影完一大輪相，就去買麵包食。價錢是有點貴，但像真度很高所以都值得，而且份量都大。買左一個Jackie 頭麵包(340yen)和一杯熱朱古力(454yen), 熱朱古力上都有可愛既jackie圖案。麵包味道不錯，少少偏甜，中間有朱古力醬。









食飽就去行街，呢個商場好少遊客，舒服好多。一入去就係gandom cafe同Pokémon Expogym, 這個Pokémon Expogym是有遊戲玩的，不過要俾錢。唔玩都可以入Pokémon cafe同store買下野。









商場入面都是中價的Brand, 感覺有點像香港的The One。



這裡6月尾已經開始減到5折，不過日本減價我通常會等到3折才買。

這個商場還有loft, A&F...

Uniqlo的故事書盒連tee做特價,竟然只係500yen!!!入面有故事書盒、tee同扣針！其實前一日係心齋橋店已經見到，不過得返L同XL。呢度無咩遊客，所以無人搶，全部size都好齊。


另外tutuanna都開始特價，bra set只係1000yen!


頂樓又有夾公仔店，不過要200yen一次。但見到我心愛既布甸狗公仔，就忍不住了！還好夾了1600yen左右就夾到～







行完街就搭返難波站，返capsule放低d戰利品，休息一會兒。之後行去附近的red rock吃晚餐，步行約10分鐘左右。red rock係東京係排隊店，連Wyman也有介紹過！但在大阪就沒有人排隊了～

呢間分店要係們口用售票機點菜，像一蘭拉麵。入面係高級西餐廳的裝潢，這種落單方式有點格格不入。招牌菜是牛肉片丼，我選了牛扒丼(950yen)。牛扒丼沒有爆丼的感覺，但味道很好，對得住價錢。份量只是剛剛好。大食的人可以考慮叫大點的份量。




見不是太飽，當然要去吃吃甜品。在心齋橋的cafe有出售creamia雪糕，黎左十幾次日本我都未食過！次次見到佢我都是吃飽了。今次終於吃到了！很幸運不用排隊就可以買到，cafe有提供少量坐位給人吃雪糕。一支500yen是有點貴，但的確是好吃的。有濃濃的牛奶味，餅乾cone也很好吃，但吃到最後會覺得很甜。