Goedemorgen ! 荷蘭比利時 Day 8 23/4/2018
今日雖然係旅程嘅最後一日，但係就係我最期待嘅日子，因為今日我哋去Neuhaus Factory!!
搭地鐵5號線去Erasme站，€2.1。
布魯塞爾嘅地鐵係朱古力色架！好得意！外型都幾新淨，所以感覺上都幾安全。
到左Erasme站行10至15分鐘左右就會到Neuhaus Factory，途中會果一間醫院同埋一個medical faculty。
我哋成個Trip都冇買過朱古力, 就係要喺呢度喪買啦！
呢度最大嘅賣點係全部朱古力都可以任你試食！真係全部㗎！呢啲包到靚靚嘅盒裝朱古力都係開俾你食㗎！
幸福到一個點！
不過大約食10粒左右已經開始厭，哈哈！所以記得帶水～～
但平時Neuhaus一粒朱古力已經要€1-2,所以一定回到本！呢度入場係免費，其實只係比搭車嘅錢。
咁黎得當然都會買下朱古力，最出名係€50 有3盒既朱古力，一盒係有1kg的！
但包裝唔靚，同埋一開封就要食晒唔方便，所以我冇買。
咁啱又過咗復活節，佢哋清復活蛋朱古力，€30有3Kg!!! 仲平D！
復活蛋朱古力係獨立包裝，俾人做手信都方便！所以就買咗呢隻啦。同埋佢絕對唔係香港嗰種入面空心嘅難食復活蛋朱古力，佢入面係真材實料，唔同顏色仲有唔同嘅味道！真係超級抵食！
買完就返去布魯塞爾行街，因為我個friend生日話想要postcard, 所以我要去郵局寄信，寄去海外係€1.58，postcard一張€0.4。不過因為係郵局直接寄，所以係冇郵票嘅，如果有郵票就要買一套郵票，但我寄一張就唔抵啦。
經過Paul就買咗盒馬卡龍做手信€11.1，有12粒，都算係幾抵，但味道不算很出色。
布魯塞爾的另一間超市：AD Delhaize Anspach
通常超市自家品牌會比較便宜，我買了這盒超大盒750g的巧克力餅乾，只需€5!!!由於太過便宜擔心會唔好食，所以只買了一盒，結果係超好味！和馬莎的巧克力餅乾差不多味道，非常推薦！
https://www.delhaize.be/nl-be/shop/Zoete-kruidenierswaren/Koekjes/Droge-koekjes/Koekjes-7C-Fijne-7C-Assortiment/p/S2013043000056360000
時間不多了，我哋只係去食個快餐，在Quick叫了一個double cheese burger set一齊食，€5。味道都ok!
回酒店取回行李後，出發去火車站買去機場嘅火車票，然後搭火車去機場，約20分鐘，€9。布魯塞爾的鐵路並不太準時，所以最好預留多少少時間。
在布魯塞爾建議用SNCB app，這個app不算得上超好用，但普通睇火車到達時間等已經足夠。
原本諗住布魯塞爾機場曾經有恐襲，擔心過關可能會比較耐，但最後都沒有，和平時差不多時間。
預早左黎機場，可以有時間睇吓免稅店。機場嘅朱古力都幾平㗎，不過當然冇我哋喺Neuhaus Factory買咁平啦！
最震撼係見到Godiva朱古力12.3有4排！即係$30一排！！平香港一半！當然要買啦！
回程飛機準時起飛，今次睇咗young Shelton同快d啦牛牛。 回程太攰所以冇影到太多飛機餐了。
