經過一些秋與冬。東京北海道。Day 1 & 2

 

經過一些秋與冬。東京北海道。Day 1 & 2   30/11/2022-1/12/2022

今次用Asia Miles換國泰機票，好耐冇食過飛機餐啦！好好食~



今次明顯比上次多遊客，所以入境都比較慢，但速度還可以。
21:10落機, 21:50拎行李


因為係夜機，費事咁夜出去東京，同埋聽日想遊覽下成田，所以就揀咗住成田一晚。

Comfort Hotel成田 7700円，價錢非常便宜

京成成田駅行2分鐘就到，地理位置非常方便。旁邊有Lawson。

房間唔算好細，但就比較舊，都可以接受嘅。最唔滿意係無加濕機，好乾。



因為已經喺飛機上面食咗飛機餐，咁夜又冇咩餐廳開，所以只係喺Lawson買咗炸雞食




酒店係包埋早餐的，都幾多選擇，味道不錯。

吃完早餐就出發去成田新勝寺。喺酒店出發大約要行15分鐘左右。沿路的商店古色古香，很有京都的感覺。

我們一早來到，非常少人，而且這不是一個熱門的遊客景點。

紅葉位置主要分布在成田山公園。可惜今日陰天，拍出來的照片不算很美。

另一個拍攝紅葉嘅位置係平和大塔，旁邊有一棵很紅的紅葉，可以拍到紅葉和塔的照片。

Key返個藍天先，哈哈！

這𥚃有不少貓咪，很親人。

拍完照之後我們就去吃鰻魚飯。這間店非常出名，常常要排長龍。見網上blogger寫要一早拎定飛，我們上新勝寺之前已經拎定飛。可能我們來到的時候還早，還可以直接walk in。我們選了坐二樓的位置，咁啱仲要有窗邊位，lucky!

其實只有一款鰻魚丼，主要可選擇的是鰻魚大小。我們選了最正常的份量，2700円的鰻魚丼。豬仔選了飯大盛+150円。

鰻魚是現宰現烤的，所以要等一等喔。味道真係超新鮮，超好味，鰻魚的肉質柔軟，還有淡淡的焦香！

。。。。。。。。。。。。

川豊 本店

千葉県成田市仲町386

10:00～17:00(L.O.)

。。。。。。。。。。。。

之後回到酒店取回行李，就坐京城電鐵到上野站。850円 1hr 4mins。




到咗上野就先去買JR pass。今次用東北北海道pass，27000円。而家JR pass可以喺售票機直接買到，只要見到有JR east rail pass 紅色牌的售票機便可買到。買嘅時候要scan Passport。




之後出發去東京大學睇銀杏。東京最出名銀杏地點就係明治神宮外苑，嗰度一來多人，二來已經過咗見頃時間，所以就嚟咗偏門小小嘅東京大學睇。

呢度少人好多，可以慢慢影相。而且還有東京大學做背景。

呢張相係一個美國華人攝影師幫我地影既，超喜歡！




最後都係去咗明治神宮外苑，因為呢幾日會做light up, 所以照去睇下。light up咗係幾靚，但其實只係剩返頭一兩棵樹仲有銀杏，後邊嗰啲其實已經全部光脫脫。








原本想晚餐食金色不如歸，但去到唔知點解冇開，傷心⋯⋯

最後是但搵咗一間新宿出名嘅拉麵店，麵屋海神。見tabelog 3.77幾高分，直情係Tabelog Top 5000的餐廳。

食魚湯拉麵的。但我覺得魚湯的味道完全不濃郁，頗清淡的，有點失望。有粒蝦肉丸和雞肉丸，全碗麵我只是覺得雞肉丸比較好吃。

。。。。。。。。。。。。

麺屋海神 新宿店

東京都新宿区新宿3-35-7 さんらくビル　２Ｆ

JR新宿駅東南口　徒歩30秒

[月～金]
11:00～15:00
16:30～23:30
[土・祝]
11:00～23:30
[日・連休最終日]
11:00～23:00

日曜営業

。。。。。。。。。。。。

最後再搭去六本木睇夜景，呢個位置我已經來第三次了。其實大家都會衝出馬路影，但真係得個3秒時間。

如果想慢慢影，其實向後少少天橋下低係可以影到燈飾同埋東京鐵塔的。