經過一些秋與冬。東京北海道。Day 7 6/12/2022
首先在酒店吃早餐，酒店早餐非常豐富
今日天氣麻麻，好彩琴日已經去晒大部份想去嘅地方影相。
函館景點不多，其實一日已經足夠。所以今日去啲偏門啲嘅景點，教堂群。
搭到十字街站，行10分鐘左右。
最靚嘅呢個教堂剛巧在裝修，所以拍得不太漂亮。
係日本真係好少見呢類型建築，好似去咗歐洲咁。
望埋個海景真係無敵，不過可惜天氣唔好，影出嚟唔靚。
之後去八幡坂，呢個位好多人嚟影相的。好有日劇嘅感覺。
之後去函館朝市吃午餐，函館朝市最出名係海鮮丼，其實根本又貴又唔好食⋯
Total 4950yen
。。。。。。。。。。。。
朝市お食事処 山三 道下商店
北海道函館市若松町9-15 函館朝市どんぶり横丁
営業時間 9:00 ～ 21:00（L.O)
。。。。。。。。。。。。
返酒店拎返行李，搭JR去札幌。函館去札幌都要四個鐘頭，超耐。所以第一次嚟北海道都無黎函館。
返到札幌已經天黑了，先去吃Suage+湯咖哩晚餐
應該係札幌最出名的湯咖哩，係百名店，Tabelog 3.72分
19:50左右來到超多人排緊，19:55左右就截龍了，lucky
排35分鐘左右
雖然等咗好耐，但真係值得等，非常之好食！
Total:2560yen
。。。。。。。。。。。。
スープカリー スアゲ プラス
北海道札幌市中央区南4条西5 都志松ビル 2F
平日 11:30～21:30(L.O.21:00)
土曜日 11:00～22:00(L.O.21:30)
日曜祝日11:00～21:30(L.O.21:00)
。。。。。。。。。。。。
吃飽後我們去影聖誕燈飾。
大通公園每年都有Xmas Market, 好有聖誕氣氛。不過賣嘅嘢就無咩特別嘅，純粹黎影吓相
最後去食埋串燒做宵夜，呢間串燒上次黎北海道都食過，平靚正！
Total：1645yen
今次住JR East Mets Hotel Sapporo，呢間係新開的，超有驚喜！房間很大，裝修非常時尚美觀！價錢也不貴，8900yen一晚，仲要勁近札幌站！札幌站北口行不用5分鐘距離。樓下已經有便利店，超級方便
Check in是用機器的，都有職員在旁幫忙。
Lobby有咖啡機，可以免費飲咖啡。
