經過一些秋與冬。東京北海道。Day 9-10

經過一些秋與冬。東京北海道。Day 9-10 8-9/12/23






喺溫泉酒店食早餐，呢度早餐都係buffet形式，都算多嘢食，味道都唔錯。




之後就搭返巴士，再轉JR返札幌。

酒店出邊就係巴士站，都算方便，不過某啲時候巴士先經呢個巴士站的，要睇定班次。

等緊巴士嘅時候，竟然有一隻鹿行過，好靚！




返到札幌就去酒店放低行李，之後就去周圍行吓啦。

因為上一次嚟札幌嘅時候，已經去晒大部份景點，所以其實我哋已經冇咩地方想去，呢兩日都係周圍行街食吓野咁。




首先去我哋上一次冇去嘅景點，Sapporo啤酒廠。因為呢個係免費入場嘅景點，而佢嘅外觀都好靚，過嚟打下卡。

JR苗穗站北口步行約 8 分鐘

入邊大約係講下Sapporo啤酒的歷史，都唔算好悶嘅，冇嘢做嚟睇吓都唔錯。



入面其實有得俾錢試飲啤酒，不過我本身唔飲，所以就冇試。




之後去旁邊嘅商場，行咗一陣街，到午餐時間就行去拉麵店吃午餐。





呢間Tabelog 3.62分都幾高分, 

價錢唔貴，份量很夠，味道都幾好。

帆立鶏白湯 950yen


。。。。。。。。。。。。
雨は、やさしく NO,2

JR札幌駅北口から徒歩10分
[火水木]
11:00-14:45(L.O)
[金土日祝]
11:00-14:45/18:00-19:45(L.O)

。。。。。。。。。。。。




之後繼續喺札幌站附近行吓商場，到夜晚就去返大通公園再睇一次燈飾。

因為真係冇乜嘢做，豬仔就上咗電視塔上面影相




之後再慢慢影合照。




最後晚餐去咗食十勝豚丼，呢間上次食嘅時候覺得超好食，所以今次再嚟encore。不過食第二次就開始覺得冇咁好食啦哈哈！





。。。。。。。。。。。。
十勝豚丼 いっぴん ステラプレイス店

札幌Stellar Place 6F
11:00～23:00(L.O.22:30)

。。。。。。。。。。。。




Day 10

今日又係冇乜行程，都係周圍行吓做最後shopping，諗唔到食乜嘢好，就好想食牛角。原本想食放題嘅，但我哋都好細食，覺得單點會比較平，所以最後都係單點。






去到機場，發現超長嘅人龍，我哋以為係check-in嘅隊，排左差唔多半個鐘，先發現係入境嘅隊⋯⋯我哋幾乎係最後一個人check-in，差啲嚇死！





疫情之後新千歲機場嘅職員繼續得好少，入境只係開兩個counter，所以一直都係排長龍嘅狀態

經過一些秋與冬。東京北海道。Day 8

經過一些秋與冬。東京北海道。Day 8 7/12/23




今日我哋出發去登別住一晚溫泉酒店，所以我們先把行李放在札幌的酒店寄存，只帶少量行李去登別。


先在札幌地下街吃早餐，なか卵, Total:1150


這間是吃親子丼的連鎖店，價錢便宜，而且早開，味道正正常常，做早餐一流。

札幌搭去登別1小時17分鐘

去到登別站，一出門口已經係巴士站，搭巴士350円就可以去到地獄谷。

因為溫泉旅館14:00才可以check-in，所以我們先去地獄谷拍照。


第一滝本館行十分鐘就到地獄谷








今日落超大雪，而且係濕雪，每行一步都非常小心，好驚跌低。

這裡有許多溫泉的湧出口和噴氣孔，而且地形獨特，都幾壯觀。















之後再出發去熊牧場，熊牧場在山上的，門票已經包咗上山的纜車。


首先要行一段樓梯先去到纜車站




纜車入邊都有聖誕裝飾，好可愛。


一入門口就有熊小朋友，企到咁高望風景，好Q

100円就可以買到一包飼料餵熊。



其中一隻非常叻，見到有人餵食，就會主動say hi






另一個位置可以再近D距離睇熊





這裏有一個展望台，可以看到俱多樂湖。



原本覺得門票要2650yen有點貴，諗住唔嚟，好彩最後都有嚟到，真係幾開心幾好玩。







到差唔多天黑，我哋就返去溫泉旅館。

今次我們住第一瀧本館，29800円一泊二食。登別很多旅館都是接待旅行團的，這間也是其中一間。其實我並不鍾意這種形式的溫泉旅館，但無奈其他旅館價錢也很貴，只好住這間了。

房間就簡簡單單，感覺不算很舊









晚餐是buffet形式，都算多嘢食，有很多生鮮魚生，我們亦吃了很多蟹腳。


















這間旅館最出名係有很多個溫泉，有室內和室外的。室外其實有兩層，但可能大部分人都見唔到有下一層，又或者太凍大家都唔想浸室外，所以我浸室外嘅時候基本上都冇人，超爽。