Magic for Witch: 5月 2024

2024年5月29日星期三

土耳其童話夢幻之旅

土耳其童話夢幻之旅 12/10/2023-21/10/2023

想去土耳其已經5年以上，5年前因為俄羅斯有特價機票，所以唔去土耳其改咗去俄羅斯。一直都朝思暮想好想去土耳其，到今年決定點都要去。

土耳其比我想像中係更加美好，由第一日去到開始，已經覺得自己會來第二次。

土耳其並無想像中咁落後，不會比歐洲差。交通非常完善，絕大部份東西都可以用信用卡付款，基本上唔需要唱錢。酒店、tour等都可以WhatsApp 溝通，非常方便。

土耳其人亦都比我想像中好太多！當然遊客區還是有騙遊客的人。但一般市民都非常熱心幫助遊客，甚至覺得比日本人還要好。

土耳其食物亦比想像中好，因為當地人唔食豬肉，所以少了一個選擇。亦有人講過話牛肉亦都會有羶味。最後我哋都只係食到一次有羶味的漢堡包，其他食物都唔差。

不過當然，出發前真係要好好做planning，一切先會順利。以下係一啲要注意嘅點：

土耳其sim card，在當地買非常貴，最好喺香港買定，我哋係喺淘寶買的，$60左右10Gb

土耳其大部份內陸機都會delay, 所以不要以為坐飛機會快過搭巴士，其實計返時間係差唔多嘅。

另外，我哋一直以為每個城市都會有內陸機往返，但其實唔係㗎。大部份內陸機都係往返伊斯坦堡的，所以我哋卡帕多奇亞去安塔利亞係要搭返伊斯坦堡轉機的，沒有直航。某啲日子可能會有直航，但咁啱我哋已經book晒酒店,改唔到日子了。

機票方面，我哋等咗好耐都冇平機票。土耳其航空直航基本上都係$10000以上。我哋最後揀咗阿聯酋杜拜轉機，算係特價，都要$5700。

酒店方面，土耳其的酒店其實不算貴，落後城市$300已經有一晚，伊斯坦堡就貴啲啲，平既大約$600左右。Cappadocia就最貴，因為太多人都會book有靚天台影相的，呢類型酒店大多都$1000以上。我哋仲book咗3晚，結果只有一日影到，仲要趕住去機場，得5分鐘影。天都未光，熱氣球都未全部升起。奉勸如果會租老爺車影熱氣球，就不要浪費金錢book貴酒店了。

Alpek hotel 12/10-14/10 $1396 include breakfast
Divan cave house Divan cave house 14/10 $1056 include breakfast
Lunar Cappadocia 15-17/10 $1790 include breakfast
KIANA KALEICI 17/10 $531
Blue island luxury hotel 18/10 $615 include breakfast
Anya Resort Hotel 19/10 $323include breakfast
EA exclusive hotel 20/10 $492

Flight + Hotel : $8801/person

______________________________________________

土耳其童話夢幻之旅 Day 1 伊斯坦堡

土耳其童話夢幻之旅 Day 2 伊斯坦堡

土耳其童話夢幻之旅 Day 3 Cappadocia

土耳其童話夢幻之旅 Day 4 Cappadocia

土耳其童話夢幻之旅 Day 5 Cappadocia

土耳其童話夢幻之旅 Day 6 Antalya

土耳其童話夢幻之旅 Day 7 Kas

土耳其童話夢幻之旅 Day 8 Kas

土耳其童話夢幻之旅 Day 9 棉花堡

土耳其童話夢幻之旅 Day 10 伊斯坦堡

2024年5月23日星期四

沖繩自駕遊 Day 4 & 5

沖繩自駕遊 Day 4 & 5 12-13/9/2023

平時喺沖繩潛開嘅潛水店咁啱full咗, 原本都打定輸數冇得潛，因為大部份日本人開嘅潛水店都唔會接外國客人。好好彩last minute搵到一間肯收我哋, 價錢仲要平到嚇親。係Jalan book, 用咗2700yen coupon, 最後 17700yen兩個人。唔洗$500港幣包接送，一深潛，其他時間浮潛嘅day trip! 平時自己搭船出外島都差唔多要$200。

TEADA

原本都諗住好大機會係伏嘅，但結果又幾唔錯！不過始終佢哋真係simple English ,所以最好之前有潛過先好報呢間。

6:50就係酒店門口pick up, 07:30左右就去到碼頭。佢呢間店係唔會帶你去舖頭嘅，直接喺碼頭填資料（form只有日文）之後就直接上船。喺船上面做教學，因為知道我哋潛過幾次，所以教學其實都係揀單幾句。好快就直接落去潛水了。今次同之前果幾次唔同，之前果D教練會全程拉住你，完全唔需要自己游。但今次係俾你自己游的，所以我好驚。

一潛大約20分鐘左右，其實有D短。不過我太耐無潛過水其實都好驚好想快啲上返水。如果想再加潛都可以再加錢。

雖然之前浮潛都有見過海龜，但真係第一次咁近距離。佢完全唔怕人仲好想同你玩，會主動衝埋你度，差啲俾佢嚇死

會有專人影相放上TEADA的Facebook，有我地的相只有兩張，雖然少但好靚

之後就俾我哋自己浮潛下，呢個浮潛點之前已經黎過兩次，所以已經冇新鮮感了。不過都係好靚的。

之後係lunch時間，可以加800円訂lunch的，不過我哋無訂。因為以我地嘅經驗都係會暈船浪無胃口的。我哋自己帶咗一個飯團食，最後豬仔都係嘔返出嚟。

最後等埋其他人潛第三次，就回程了，大約兩點半左右返到那覇，大約三點左右車到我哋返酒店。

返到酒店沖完涼都未夠4點，就諗住去parco city行吓。我哋對上一次嚟係未開parco city的，所以對呢個聲稱全沖繩最大嘅商場都有D興趣。

係omoromachi駅有shuttle bus直到，單程300円，大約一小時一班車，所以記得睇定time table:https://www.parcocity.jp/event/detail/?cd=000176

Parco city下車位置，回程都在同一地方上車

大約20分鐘就去到，商場的確係幾大，不過就主要係大brand例如Uniqlo, muji , Zara , H&M果D，唔太多我鐘意嘅日本服裝品牌。

呢度另一個賣點就係無敵海景food court。我哋揀咗A&W burger食。味道真係普普通通，應該唔會再食多次。

1070yen

行到19:00就搭返尾班車走。

Book咗20:30食目利銀次。呢間又係之前食過覺得唔錯的，上網亦都見多咗人介紹,擔心walk-in會無位所以一早book定。在Google map可預約

店舖裝潢完全冇變，不過Menu就完全唔同了，無曬我地上次黎食嘅嘢，有啲失望。

不過新Menu都唔算貴亦都幾好食。

炒飯好食，海膽醬炸蠔亦都好正，必叫！

鯖魚炭火燒烤 980yen

五香炸雞軟骨 550yen

炸生蠔自製海膽醬 750yen

沖繩的桔仔紅糖沙瓦480yen

烤豬排炒飯850yen

Total：4610yen

。。。。。。。。。。。。

目利きの銀次新都心店

沖縄県那覇市天久1-9-19

月・火・木・日
- 17:00 - 23:00
  L.O. 22:00
金・土・祝前日
- 17:00 - 00:00
  L.O. 23:00
水
- 定休日

。。。。。。。。。。。。

Day5

因為係搭朝頭早飛機，所以完全冇時間行街，食完早餐就出發去機場啦。

DaiwaRoynet酒店早餐依舊高質

我哋預時間預得太趕，啱啱好一個鐘頭前去到，已經俾人嗌緊我哋個名，差啲就冇得check-in，嚇死了。派入境又係排好耐，差唔多排左成45分鐘，所以入到去都冇咩時間行免稅店。

2024年5月6日星期一

沖繩自駕遊 Day 3

沖繩自駕遊 Day 3 11/9/2023

喺酒店食完早餐之後，就check out出發去萬座毛。

Map code: 206 312 039*17

嚟咗四次沖繩，都未去過呢個遊客必去嘅景點，哈哈。今日全日都係去遊客景點打卡。

原本以為萬座毛只係一個郊外嘅山崖，去到先知原來有一個館，外面免費迫車。入面有食店同紀念品商店。出去睇萬座毛要俾100円買票。

今日天氣好好，景色特別漂亮，海水超級清澈。可能比較早來到，遊客也不多。不過呢度真係冇乜野做，打完卡就走得。

之後再出發去古宇利島，古宇利島最出名就係古宇利大橋。過橋前有一個停車場，大家都係落一落車影相的。不過其實呢個位並唔係最靚，我覺得最靚係喺海洋塔影返落嚟。海洋塔其實唔需要入去，喺出面停車場已經好靚。

反正黎到，就順便去埋古宇利島沙灘。不過呢個沙灘就普普通通，唔算好靚。

最後再上埋去心形石。呢度泊車100円，之後再要行多10分鐘左右先到，要落樓梯嘅。

呢邊個海都好靚。比想像中多人，不過大家都係打完卡就走。

之後就即刻趕去食lunch，因為呢間餐廳收15:00。

因為有啲中暑冇咩胃口，所以我哋叫咗一個海鮮丼(1848yen)，同埋一份炸魚天婦羅(660yen)。海鮮丼，雖然唔好魚屋食堂咁澎湃，不過味道係更加好，更加新鮮！

。。。。。。。。。。。。

海邦丸

沖縄県国頭郡本部町字山川1421-1

昼の部 11:00～15:00(L.O.14:30)
夜の部 17:30～22:00(L.O.21：00)

。。。。。。。。。。。。

食飽飽，就揸車去gorilla chop浮潛,呢個海灘有舊石好似大猩猩，所以叫gorilla chop。

呢個係第二位既浮潛地點，之前兩日嘅浮潛地點都麻麻哋，所以都好期待今日呢個浮潛地點。

呢度本身就設施幾好嘅，有晒廁所同沖身設備，但就係黐線在，呢啲設備會喺四點關門！我哋完全冇為意呢樣嘢，浮潛到差唔多五點，結果就冇沖身嘅情況下，上返車，揸返一個半小時左右返那覇。

一落水就已經覺得不得了，周圍都係勁靚嘅珊瑚！有好多唔同種類，簡直仲靚過出去外島！不過魚就唔算太多。極度推薦呢個位，雖然要上嚟北部係比較遙遠。

Nemo

浮潛完就好滿足揸車返去還車，今次係全個trip唯一一次行highway，ETC:970yen。

還完車之後就返酒店沖涼。沖完涼已經好夜，所以冇行街就去食飯了。

本身冇搵呢間餐廳嘅，但因為太攰，所以唔想周圍走，就搵間喺酒店附近嘅餐廳。呢間主要係食沖繩料理嘅居酒屋，其實價錢並唔貴，但我哋叫咗一個Agu豬火鍋比較貴，所以overall嚟講就有啲貴啦(3916yen)。其實Agu豬只係好食少少嘅豬，我覺得又唔需要特登比咁貴價錢去食嘅。另外叫咗滷水豬手(770yen)同苦瓜炒豆腐(715yen)，兩樣都係地道嘅沖繩料理，兩款都好好食。豬手炆得好琳，而且唔會好鹹，真係好好食。