土耳其童話夢幻之旅 Day 5

 

土耳其童話夢幻之旅 Day 5 16/10/2023

今日係我哋成個Trip最期待嘅睇熱氣球。

琴日唔好天睇唔到，如果今日都唔好天就無機會睇，所以超擔心。

老爺車80euro, 經Divan cave house訂的，藍色是最便宜的款式。問過luna hotel要120euro，在市中心的travel center要100euro。




司機05:45來接我們，但上車之後架車死咗火，要人手推車最後先著得返。勁驚過咗時間睇唔到日出。

去到第一個位置係熱氣球升空位，可以近距離睇住熱氣球慢慢吹脹升空。去到都等咗好耐，因為好似仲係唔肯定天氣適唔適合起飛，等咗30分鐘差唔多日出先開始起飛。真係極度擔心會睇唔到 ，所以最後見到越來越多熱氣球升空真係形容唔到有幾感動。




司機會帶我地去三個地點影相，我哋都影over咗2小時。

可以揀坐熱氣球或者係地面影熱氣球，我覺得地面影開心D，因為可以影好多唔同角度嘅相，坐熱氣球就會無咩靚相了。同埋cappadocia 坐熱氣球都貴，要200euro左右，反而綿花堡坐會平好多，好似只需80-90euro！

可以叫司機幫手影的，但預咗影得唔靚。我哋個司機影D角度有少少怪，亦有大量out focus。不過好彩經過我哋嘅教導之後，有幾張真係影得好靚！




最重要真係事前要搵定一堆參考照片睇吓點擺pose，熱氣球郁得好快，所以要極速瘋狂影。









影完相返酒店休息一陣，食個早餐先。

之後就出發去Uchisar，琴日天氣唔好所以想再去影下相




在市中心巴士站上車30mins 一班車，搭10分鐘左右到Uchisar , 25tl($8)





到咗Uchisar之後仲要行多15分鐘左右先到Uchisar Castle。

去到並唔係琴日tour個位，係再近D可以入去參觀的位置，不過要入場費所以我哋唔入去了。



喺出面影吓相之後，我哋慢慢行返去tour琴日的位置再影下。




回程係落車位置對面等車。




午餐吃Wood fire，呢間價錢平，味道幾好，我哋直情想夜晚再encore一次！

燒雞翼 260tl($86)

芝士蘑菇180tl($60)

仲送咗沙律同生果俾我哋，西瓜超甜超多汁







之後又返返酒店，等ATV sunset tour pick up。價錢一位25euro, 我哋兩人share一架車就40euro。

玩ATV好大麈所以記得要帶口罩。全程都有3個point以上，都玩幾耐。

去到睇完日落先回程。

今次個guide咁啱又係今朝老爺車個司機，佢認得我哋所以又幫我地影相拍片，超好人。












晚餐食Old cappadocia 價錢正常，但速度很慢，等好耐都未上菜，係土耳其好少見。



叫咗一個意粉220tl($73)和一個牛卷185tl($61)

意粉正常味道，牛卷都好食，而且好大份。

土耳其童話夢幻之旅 Day 4

土耳其童話夢幻之旅 Day 4 15/10/2023

今日竟然落雨，係cappadocia落雨真係咩都唔洗玩。所以真係要留多一兩日，落雨都仲有其他back up日子。

另一樣要注意就係tour唔好咁早book, 我哋book咗之後發現落雨，就無得cancel要照去了。


Cappadocia的Tour主要有Green tour同Red tour, 

Green tour特點係會去地下城。不過我哋見地下城其實可以自己去，所以就無揀Green tour了。但最後去完Red tour就覺得地下城其實都係睇同樣嘅石屋，我哋已經睇厭，就決定唔去啦。

Red Tour在klook book的, $314
https://www.klook.com/en-HK/activity/11661-historical-cappadocia-red-tour/




價錢都算平，包酒店接送，lunch buffet及所有景點的入場費。英文Tour guide, 而且不用收貼士。

第一站是uchisar castle, 呢個位要小心，同導遊分開參觀後，我哋上完其中一間洞穴屋後，有個大叔好惡咁話我哋入咗去間屋，要收錢，指着門口有排牌要收錢，咁見只係收30tl, 就由佢啦。

呢度因為天氣唔好，所以我哋第二日再嚟過




下一站是Open air museum，有免費廁所。

呢度比較多教堂, 不過唔係平時嘅教堂，而係石屋的教堂，都幾得意。















之後去睇fairy chimmy , 終於開始停雨可以影多啲相。

去埋imagination valley, 睇駱駝石



之後去食lunch, 係buffet，味道正正常常




最後會去埋睇陶瓷，呢個位主要係要你買嘢，不過全團都冇人買，哈哈。




Tour完咗之後，我哋就自己上山睇日落

Google map location: 50180 Göreme/Nevşehir Merkez/Nevşehir, Türkiye

門口有人賣票，10tl

上到去可看到Goreme全景，日落和夜景都不錯。

晚餐我地去食Topdeck 

這間是非常熱門的餐廳，沒有訂枱是吃不到的。我們在前一晚Walk in訂枱，都只能book到21:00這種不太漂亮的時間。

餐廳環境非常溫馨，有點像地窖feel。

咁出名係因為價錢非常便宜，而且味道都很不錯。當然不算是驚天的好吃，但起碼對得住價錢。

叫了一份雞肉春卷110tl($36)，炸得非常香脆，材料足，味道不錯。

一份牛肉主菜245tl($82)，非常好吃，很合亞洲人口味的炒牛肉，配飯一流，還跟了一份沙律，非常抵。

見甜品有香蕉船90tl($30)，又唔貴，就叫咗一份。味道正正常常，幾大份，差啲食唔晒。

今晚轉咗酒店，住Lunar Cappadocia Hotel，$895一晚

因為想住下唔同酒店，同埋呢間又平D，所以住兩晚。

呢間係Divan Hotel旁邊，所以我哋搬行李都非常方便。

雖然唔係洞穴房，但房間大好多，而且都好舒服好靚。

廁所都好大，有兩個沖涼位置，可以兩個人同時沖。