土耳其童話夢幻之旅 Day 7

土耳其童話夢幻之旅 Day 7 18/10/2023




其實安塔利亞留半日已經夠，我哋上午冇咩嘢做，所以佢舊城區附近行吓，其實都係行琴日行過嘅景點。

行完之後就返酒店執埋啲行李。

首先去食個lunch先，揀咗Citir Balik ，呢間好出名食炸魚包。價錢不貴，95tl($31)，味道就普普通通。炸魚同包其實唔夾，但似乎土耳其人好鍾意咁樣食，都值得一試嘅。入面有一個免費沙律吧，叫完包就可以自己加蔬菜和醬汁。另外叫咗兩隻釀青口，都係土耳其特色食品，味道亦都係普普通通，不過都值得試吓。

之後就揸車出發去Kas , 途中會經過一個大型超市，所以停低行吓街。

Migro係土耳其最常見嘅超市，佢分咗五個等級，最大型嘅就係5M Migro。



入面係Tesco一般的大賣場，有超多東西買，我哋主要買土耳其糖做手信，另外買咗啲茶包。買得最多嘅就係Godiva朱古力，因為喺土耳其買真係極度便宜！







買完嘢就繼續揸車，要三個小時才到kas

差唔多到達嘅時候，會見到一個小觀景台，我哋停低影吓相，順便休息一下

去到酒店放低行李和去一去廁所。



Blue island luxury hotel, $615hkd一晚

呢間酒店都算係我喺土耳其最鍾意嘅其中一間，感覺非常chill! 酒店在係kas小鎮揸車5-10分鐘才到的一個小島上，所以價錢比較便宜，而且有海景。



本身我哋係book園景房的，但係最後唔知點解俾咗貴啲嘅海景房我哋，超靚超開心！

房間就正正常常簡約裝飾，都算幾大間。沖涼房水壓溫度都正常。



天台有無邊際海景泳池，吃早餐的地方也是望海景的。附近有一個幾靚嘅沙灘，去完沙灘可以返酒店沖涼，非常方便。




之後我哋去Antiphellos Ancient City劇場睇日落

晚餐食naturel餐廳



價錢都算便宜，味道也不錯，環境都好舒服好靚，非常推薦



蝦意粉，280tl（$93）

煎魚320tl（$106）

還試了土耳其特色飲品Ayran，是鹹的乳酪，非常特別，味道其實ok, 有食開乳酪嘅人都會接受到。

土耳其童話夢幻之旅 Day 6

土耳其童話夢幻之旅 Day 6 17/10/2023

酒店book的airport shuttle 06:30就黎接我地

當初plan嘅時候無諗過shuttle要早好多接唔同酒店嘅人去機場，所以搞到無時間影相

日出係06:50，我哋要天未光曬上天台影相，好彩D熱氣球06:30左右已經升咗少少，其實得5分鐘時間左右影相。







08:00到機場, 機場好細，連廁所都只得兩格。

搭Turkish Airline, $589

今次出奇地冇delay。

話說cappadocia係好少直航去Antalya的，所以我哋班機係要搭返Istanbul轉機




去到SAW機場轉機，一落機已經有staff集合所有轉機去Antalya的乘客一齊走。所以得55分鐘轉機都啱啱好




去到Antalya租車,在網上預先book ，我哋揀咗cizgi。

181euro 4天

我哋覺得呢間都ok, 正正常常。特別係我地撞咗車，要搵職員都搵到，又溝通到，最後亦都唔使賠任何錢。

土耳其嘅車係唔同日本會full tank交車俾你嘅，所以首先去入油1200tl($400)

揸15mins左右去Duden瀑布

瀑布其實無咩特別，我哋見反正揸車順路，過嚟影張相就走了









之後到酒店check in

如果自駕的話，建議不要住舊城區，因為路好窄。同埋舊城區的餐廳都偏貴。

我哋住KIANA KALEICI酒店，$531一晚，酒店是民宿式經營，房間裝潢美觀。廁所比較細，同埋有少少渠臭味。

酒店有車位，但窄到痴線






之後我地就去舊城區行下，由酒店行去 Hadrian Gate

舊城區的確幾靚，好有歐洲感覺。










米布丁50tl ($16)係正常布丁味，幾好食

另外呢個35tl類似雪糕的dondurmalı irmik helvası($11),

好有花生味，又凍又熱好特別

兩樣都係土耳其特色小食，一定要試吓

食完我地慢慢散步去羅馬碼頭，係上面觀景台望落去好靚好舒服。行到盡頭有升降機直接搭落去。




係碼頭睇吓日落







晚餐是但搵咗間餐廳，舊城區大多餐廳都好貴，建議唔好係舊城區食。呢間係我哋唯一搵到價錢合理的。

Pastorale Restourant 

感覺是家庭式經營，老闆一個人做晒所有野，但繼續非常親切。

叫咗個雞肉pizza 180tl ($60)，好平，仲要又好食又大份。



另外叫了牛肉串燒350tl($116)，以土耳其質素來說已經算係好好食。

餐後仲送一杯茶