仙台福島櫻花難民之旅 Day 4-5 5-6/4/2025
喺酒店食完早餐之後，就出發去白石城。有免費停車場。
呢度嘅櫻花開咗五成左右，都幾靚
睇完櫻花我哋就去食午餐，讃岐づくり本格手打ちうどん麦の季，呢間餐廳喺白石城附近，本身店舖停車場並不多位置，建議可以泊喺隔離嘅coop超市
2017年拎過米芝蓮推薦
星期六午餐時間來到等3組人，等入座嘅時間唔算好耐，但落完單之後就要等差不多半個鐘
如果趕時間嘅話就唔建議食呢一間
最出名係鴨湯烏冬
鴨湯味道濃郁，烏冬非常掛湯，同埋因為係冷烏冬，所以非常彈牙，係幾好食嘅
價錢都係少少貴
之後就返返仙台睇櫻花，首先去榴岡公園，呢度喺仙台最出名嘅賞櫻地點，差唔多開咗五成。不過就人山人海，要影無人嘅相就比較難
泊車都好難，要搵遠少少嘅停車場泊車先有位
之後再去錦町公園，呢個公園係仙台最早開花嘅公園，所以已經到達滿開狀態，非常漂亮
但建議要上午時間來才是順光時間，拍照會比較美
等到18:00諗住泊返架車去酒店停車場，點知上次泊嗰個已經full咗，只好泊酒店另一個貴啲嘅停車場，15:00-11:00 1300yen
今晚都係住仙台京阪酒店，因為係星期六嘅關係，酒店價錢超級貴
之後就喺仙台站spal行吓街, 最後就去食晚餐
今次揀咗yodabashi 6/F的ニューベイブ ヨドバシ仙台店
食慢煮吉列豬扒的
咖喱飯、明太子等都是任吃的
有三種唔同豬嘅品種可以選擇，我哋就揀咗最貴嗰種はやしSPF
豬肉超柔軟，超好食
擺盤亦都好特別，有好多唔同嘅調味醬料，不過我就覺得原味係最好食嘅
Day 5
09:00 左右check out, 今日要搭14:30飛機走，所以無咩時間玩。
揀咗去附近嘅仙台東照宮，上網見呢個位置嘅櫻花有開。揸車大約15分鐘左右，有免費停車場，如果唔想行樓梯可以泊上面嘅停車場。
櫻花大約開咗三四成左右，都已經幾靚。
之後揸去機場附近食lunch, 揀咗食Hachi
呢間洋食屋已經有46年歷史，有四間分店，仙台駅都有一間。網上見都要排隊，所以早啲黎。
11:15左右黎到等2組人，10分鐘左右入得，之後就見開始好多人排。店舖非常細小，只可以坐5枱客左右。
環境都好靚好舒服，日系洋式裝潢
最出名係呢兩個：Hamburger steak Napolitan 2500yen同HACHI's mix plate 2600yen
我哋每樣叫咗一款。
HACHI's mix plate就咁睇相以為係無飯/意粉，所以再加咗550yen餐湯和飯。最後發現原來本身已經有1/4份意粉。
比較推薦食HACHI's mix plate，因為可以食多啲唔同野。最出名的Napolitan意粉的確出色，醬汁好香好夠，配料亦多。睇完first love後一直好想係日本食下Napolitan意粉，今次終於試到。
洋食來說價錢係少少偏貴，但黎仙台都值得一試。
之後就去入油，再還車，大約兩小時前到達機場。
機場無咩商店，出境後只有一間免租店無咩好行。
