Goedemorgen ! 荷蘭比利時 Day 4

Goedemorgen ! 荷蘭比利時 Day 4     19/4/2018




今日出發去風車村，係zaandam搭2個站，6分鐘就到Zaandijk Zaanse Schans站(€2.3)，非常方便快捷。一下車跟著人龍走便可以了，在這個站下車都是去風車村的人。行去風車村大約要20分鐘，途中經過一條大橋，如果有船經過的話橋會被拉起來，很特別。 






這𥚃的第一個印象是很像迪士尼樂園，有很漂亮可愛的小屋，整個氣氛都很歡樂。




風車內都是要付費參觀的，我們都沒有進去，在外面拍照已經足夠。










入面有一個小牧場，可以看到很多小動物。




牧場旁邊的小屋是賣荷蘭食品的，入面有很多芝士可以試食，我吃了很多，簡直是天堂！




之後當然要影最signature 的照片，荷蘭大木屐。







離開風車村我們乘鐵路去Amsterdam Centraal 站。



諗住去I amsterdam 個牌嗰度，如果行過去都有一段距離，所以就決定搭tram。我地先搭去flower market先，係amsterdam centraal station一出來，行去左邊的電車站，搭16或者24號電車都可以去到。其實都幾多人搭電車，擠迫程度同香港的輕鐵差唔多，到落車嘅時候因為要迫落車，所以完全忘記咗要拍卡落車，結果就被扣了€4的boarding fee了！所以緊記在荷蘭搭車一定要上下車都拍卡！




我們在muntplein電車站下車，由於還未食午餐，所以我們先去餐廳。在kalverpassage商場頂樓有一間景觀非常漂亮的餐廳，叫做Blue Amsterdam。這間餐廳旅遊blog都沒有介紹的，我在Instagram巧合見到的。要知道阿姆斯特丹的樓全部都不高，沒有摩天大廈，要找一個地點看整個市的全景是很難的。Blue Amsterdam 只有5層樓高左右，但由於阿姆斯特丹的樓相對矮小，所以已經有不錯的景觀。




食物價錢不算太昂貴，叫了兩杯檸檬汁，試一下荷蘭出名的蘋果批。




檸檬汁超好喝，大熱天時喝起來非常消暑。一杯€3.5, 正常餐廳飲品的價錢。

蘋果批€4.5, 味道也不錯。


天氣很好所以窗外景色非常美麗，光線超好！



上一層樓有洗手間，去完便出發去flower market。










其實flower market不是太多花賣，反而賣種子多，主要是賣手信。呢度既手信係比其他旅遊區平少少的。






之後再一直行去rijks museum ，出面就係荷蘭地標Iamsterdam sign, 呢個位影相難度係十粒星，絕對令人躁底。一個方法係Ming jai介紹既係背面影相，之後用photoshop反轉。但背面係馬路，車來車往其實仲難影，而且無左個museum。


我地都係用最傳統既方法，set 腳架影合照，再影十幾張空景返去再photoshop。




諗住行去水池尾影相會少人d，結果一樣多人！烈日當空影到幾乎中暑。 








影完就去食晚飯了，其實冇諗過食乜嘢。我哋求其入左一間意大利菜餐廳，叫Restaurant Antonio's，佢門口掛住左一個牌寫住€14.5一set, 我哋諗住幾平所以試吓。但入到去order既時候waiter話set menu係lunch先有的，佢唔知點解個牌未收⋯⋯頓時有被騙了進來的感覺。anyway, 單點的價錢都不貴，就叫了一個pizza和一碟意粉。意粉我哋叫咗最貴嘅spaghetti pescatore(€14.75), 好味到難以置信！海鮮份量超足料而且勁新鮮！！和醬汁味道配合得天衣無縫。






Pizza Antonio Speciale(€13.5), pizza味道是好吃的，但吃完美味的意粉後，就顯得不特出了。

Total:€33.25




吃飽後我哋便去影夜景了，網上找了阿姆斯特丹夜景的拍攝地點，最出名是這裏。我們一去到，已經見到一大堆龍友set好腳架，準備捕捉天黑的一刻。 






在這裡拍了一小時左右，便坐tram回centraal station, 再轉train回Zaandam。