桜の季節。東京崎玉 1/4/2016- 6/4/2016
第四年日本賞櫻，雖然避開左復活節，但避唔到清明節...三日連假加上櫻花季，你都估到有幾貴( ´Д` )。最慘既就係豬仔遲遲未firm到假，搞到一個月前先可以book機票，果時既HKexpress, jetstar 同vanilla air已經$3000起跳，仲要未包行李！你真係簡直想加多千幾二千蚊坐Cathay算。最後呢，我地揀左Ethiopian airline, 來回連稅連23kg行李 $2500。對比起我以前$500來回連稅既光輝歲月當然係唔平既，但撞中公眾假期黎講呢個價錢都尚可接受。
網上無咩blog寫埃塞俄比亞航空，大家都覺得呢間航空公司好似好危險咁，亦有人覺得ok, 下一篇就會再詳細介紹下我地既乘搭經驗。
1/4/2016 HK 15:00 ->Narita 20:00
6/4/2016 Narita 21:00-> HK 00:45
酒店方面，又係用jalan book, 因為jalan可以免費cancel booking, 所以已經早兩個月左右book定，不過都係貴！賞櫻季真係最好半年前book!
本身plan 4/4出發，book左酒店後來改前到1/4出發，所以要後加三晚酒店，但原本果間已經full左，要揀其他酒店。total book左三間酒店～
1/4/2016 ザ・ビー池袋 15000yen
2/4/2016 サットンプレイスホテル上野 14200yen
3-5/4/2016 京急ＥＸイン秋葉原 32400yen
Flight + Hotel Total= $4656/person
受今年暖冬影響，櫻花都早開了，東京21/3已開花，但開花後幾天又有寒流，所以花開得比較慢。我地1/4去剛剛好滿開！不過可惜的是天氣不太好～
北陸白雪童話 Day 5 29/1/2016
7點鐘就起身浸溫泉，仲要落住雨。
之後就去食早餐，早餐都係超豐富，飽到痴線。雖然好飽，但食完我地都去左大眾泉度拎野飲，朝早係益力多放題。之後返房執埋行李就check out。check out果時發現有shuttle bus出去巴士站，太好啦仲煩緊咁大雨點行出去好。另外surprise既係旅館係我地check in 後收左我地對鞋，走既時候鞋底多左個暖包，好warm呀！
係巴士站搭返同一架巴士返高山，可以繼續用巴士2day pass。返到高山都係落緊雨，好天左咁多日得一日落大雨都算係咁。落雨始終無咩心情行同影相，行左一陣高山老街，影幾張相之後就去食lunch。
我懷疑高山除左飛驒牛之外已經無野好食。本身諗住食le midi的lunch set, 聽聞CP值超高，搞到我好期待！點知今日竟然休息呀！(◎_◎;)！(◎_◎;)！(◎_◎;)！心情跌落谷底⋯⋯
後來發現對面有另一間le midi分店，有開門！但CP值低很多。呢間應該係本店，走高級餐廳路線，價錢雖然高但都還算合理，所以決定一試。老老實實係日本都好似未食過高級西式餐廳，叫左兩個飛驒牛course, 5400yen each。有湯，餐包，main course, 飲品和甜品。
西式煮法的飛驒牛都好好食！分量都算大，但因為太好食所以我個雀仔胃都食得晒。
。。。。。。。。。。。。
リストランテ ル ミディアイ
岐阜県高山市本町2-2
。。。。。。。。。。。。
食飽就返酒店拎返件行李，搭ひだ列車去名古屋啦！呢架車唔用pass要6030yen！2.5小時就到名古屋～
今次book Daiwa Roynet 名古屋駅前，用左10000yen coupon，每晚8600yen。平時daiwa roynet的酒店都遍大的，但這間只有 18 sq m, 原價book的話真的不值。
雖然叫名古屋駅前，但其實行去名古屋駅要around 10分鐘，名古屋駅都幾大下，要行去搭JR都要行多5分鐘。
在名古屋的這兩天的target只是吃和shopping。
係名古屋站經過Harbs, 名古屋係Harbs既發源地，所以點都要係名古屋食下既～外賣左一件返酒店食(800yen)。店員會問你幾時食，然後會加返適當份量既冰袋，好細心！
之後就去好多人話好平既千里馬藥妝店，果然係幾平咼！連平時唔會特價既Kate , Majolica Majorca 等都有7-8折！
之後就去食晚飯啦，食名古屋名物，矢場とん。呢間係食味噌豬排的，豬排並不是那種厚切又juicy的style , 而是遍向港式style的。皮炸得幾脆，和味噌幾夾，值得一試。
ロースとんかつ定食 1100yen
。。。。。。。。。。。。
矢場とん 名古屋駅名鉄店
名鉄百貨店本店 9F
11:00～23:00
。。。。。。。。。。。。
行返酒店途中見到有間藥妝店仲未關門，又去左睇。呢間係daikaku drug, 有d分店有埋100yen section , 呢間係其中一間。最正既係，俾我見到haagen-dazs 只係200yen!!! 連期間限定既味道都有！太過分！
北陸白雪童話 Day 6 ，7 30/1/2016-31/1/2016
早餐食左個beard papa草莓味期間限定就開始去shopping 啦，搭去栄站行街。名古屋無東京大阪咁好行，少d brand, 加上之前已經係大阪同金澤shopping 完，已經無咩想買。
行左一陣栄地下街，入面的target只是swimmer。
之後去三越Agnes b買袋，一月特價季尾，無曬我想要既黑色毛毛袋，得返last 一個白色，9000yen，好抵！
之後去左porter買銀色俾男朋友，不過無特價。
Lunch去左食鰻魚飯，呢間又係名古屋名物，連我唔食鰻魚既都心郁郁要食，lunch時候勁長龍，20人以上⋯不過都排好快，30分鐘左右入得。呢度最出名既係鰻魚飯三食，第一食係原味，等二食係加香料食，第三食係加茶食。味道的確不錯，不過價錢有點貴，3600yen一set。
。。。。。。。。。。。。
あつた蓬莱軒 松坂屋店
松坂屋名古屋店 南館 10F
11:00～22:00
。。。。。。。。。。。。
食飽就繼續行街，行埋parco ，之後再過左大須商店街間taito station 夾公仔。今次夾到呀Ted, 不過就用左over3000yen, 仲要係店員哥哥見我咁慘幫我移左個好位先夾到(´･_･`)。
最後去埋激安之殿堂買手信，就去食dinner啦。雖然係東京已經食過，但黎名古屋點都要食世界の山ちゃん既～～必吃幻之手羽，有左好咸既心理準備，今次開始接受到。我個friend仲覺得好好食添。
Total 3300yen
。。。。。。。。。。。。
世界の山ちゃん 名古屋駅東店
愛知県名古屋市中村区名駅4-16-27
。。。。。。。。。。。。
day 7
無行程，搭名鐵去機場，係機場食左碗麵就上機lu~
北陸白雪童話 Day 4 28/1/2016
又要check out轉酒店啦，不過因為今日要上雪山，拎住件行李唔方便，而且後日又會返黎高山，所以就將件行李寄存係酒店一日啦～
行返去JR站，旁邊就係巴士站，首先要換張pass先。今次用「奥飛騨」・「上高地・奥飛騨」まるごと・バリューきっぷ的套票 ，呢張2 day pass包左任搭高山至新穗高巴士,同埋新穗高纜車來回車票，5000yen。只係去新穗高已經抵左，我地去埋溫泉旅館搭多左程巴士，更加抵～ 張兌換卷係Lawson 用Loppi的買的，Lコード:40067。不過北陸地區唔係成日見到Lawson, 所以咁啱經過就記得買定啦～
為左可以多d時間享受溫泉旅館，我地決定晨咁早就出發去雪山！總站新穗高ロープウェイ落車。巴士時間係配合纜車時間的，纜車半小時一班，要搭兩段纜車先上到山頂。
