Magic for Witch: 北陸白雪童話 Day 4

北陸白雪童話 Day 4 28/1/2016

又要check out轉酒店啦，不過因為今日要上雪山，拎住件行李唔方便，而且後日又會返黎高山，所以就將件行李寄存係酒店一日啦～

行返去JR站，旁邊就係巴士站，首先要換張pass先。今次用「奥飛騨」・「上高地・奥飛騨」まるごと・バリューきっぷ的套票，呢張2 day pass包左任搭高山至新穗高巴士,同埋新穗高纜車來回車票，5000yen。只係去新穗高已經抵左，我地去埋溫泉旅館搭多左程巴士，更加抵～張兌換卷係Lawson 用Loppi的買的，Lコード:40067。不過北陸地區唔係成日見到Lawson, 所以咁啱經過就記得買定啦～

為左可以多d時間享受溫泉旅館，我地決定晨咁早就出發去雪山！總站新穗高ロープウェイ落車。巴士時間係配合纜車時間的，纜車半小時一班，要搭兩段纜車先上到山頂。

上到山頂已經-10度！以為會好凍，原來同0度既感覺差不多，只係腳板底最凍，最後都放左暖包入鞋。今日既衣著係兩件extra warm heatech , 一件長袖衫，一件Uniqlo fleece, 一件Uniqlo 防風羽絨。下身係兩條Uniqlo extra warm heatech legging。全身都係Uniqlo 哈哈～手套加頸巾，仲有手腳total 4個暖包,咁就好溫暖啦！

呢度個景真係好靚，又係有咁藍既天空，點解個天對我咁好既？！

影完觀景台，下面雪之迴廊才是戲肉！點影都咁靚，d雪前所未有咁粉！超舒服！我地影相影到除曬衫,都真係唔凍～

行入少少仲有條登山路，本身諗住行一小段既啫，因為行到咁上下有指示話再行前要有登山用品先可以行。我地唔知死又繼續行，都的確容易滑倒，同埋有d位d雪一踩落去就好深，不過跟大路小心d行就好安全。行到間屋仔度我地就放棄啦

返返去纜車站間餐廳食lunch, 咁凍我當然又想食咖哩，今次叫左咖哩炸豬扒飯，ok好食～

食飽就搭返纜車落去搭巴士，搭到平湯溫泉站落車。

係巴士站行10分鐘左右就到匠之宿深山櫻庵，呢間溫泉旅館真係超推薦！原價36000yen, 用左割引卷同jalan point減到30300 yen, 即係每人一千蚊左右！

間房又大又靚，有和式feel但你又唔會覺得佢舊。有按摩椅，2部電視，窗外有雪景。房間內都可以自己放水溫泉。

浴衣係lobby拎，都算幾多款式！我地上網研究左好耐點樣整腰帶個蝴蝶結～

全館有6個溫泉，貨切露天溫泉兩個，貨切室內溫泉兩個，大眾露天溫泉男女各一。

貨切露天溫泉是預約制的，我地一check in就book左4:30個section~可以用20分鐘。我地第二朝book左另一個貨切露天溫泉，其實個樣同個景係一樣既，浸一個就夠。

揀呢間酒店就係因為呢個露天溫泉，一來係唔洗同陌生人浸，二來有雪景，超正！