Magic for Witch: 東北と関東のお花見 Day 2

東北と関東のお花見 Day 2 24/4/2017

今日都係好好天，所以決定去行街之前去羊山睇芝櫻。原本想去富士山睇既，但一來未滿開，二來好遠車費好貴，只好改去羊山公園。去羊山公園其實都係遠架，都要around 2小時車程。

搭JR去到池袋再轉西武線，搭特急的話不用轉車只需一小時23分鐘，但貴一倍。我揀搭慢車，要搭去飯前站轉車，大約1小時40分鐘。780yen。

要係西武秩父前一個站橫瀬站落車，兩個站距離羊山公園差不多路程，但西武秩父站行過去要上一條好斜既上山路。

落左車已經見到去羊山公園既指示牌，沿途都有指示，完全不可能迷路。

行15-20分鐘就到，入場費300yen。

沿路好多好靚既花～

遲開的八重櫻

售票處

芝櫻開左7成左右，唔知點解我覺得唔算好壯觀，可能期望太高了。

公園有很多小學生在做訪問，我俾佢地問左3次，但真係唔多明，所以只好拒絕佢地，我有同佢地講我唔係日本人，希望佢地俾我拒絕唔好太傷心啦～

影左大約一個小時，今日太陽太勁，影人不停背光，又遇不到拍照好的路人，所以無嘜有自己既相。

近看芝櫻

走就行15-20分鐘左右去西武秩父站，再搭返去池袋。回程搭車係有d複雜既，不過跟著乘換案內就ok。

今日主要行池袋，首先去食野先，早餐都未食。食RINGO蘋果批，上次黎既時候見到排長龍所以無食到，今次見無人排當然要食。一個399 yen, 係好食既，但未至於賣咁貴囉。

然後去sunshine city行街，中途經過round one, 又走左入去夾公仔，今次竟然100yen就夾到！不過之後又夾其他野，又用左好多錢。

Sunshine city的確好好行，全日係呢度行就夠。

經過俾我見到Cafe La Mille有千層蛋糕食，仲要唔貴！馬上入去食～呢間最好既係可以淨食蛋糕，唔洗好似harbs咁一定要叫野飲。不過味道就普通啦，唔夠牛奶味。

Total:566yen

。。。。。。。。。。。。

カフェ・ラ・ミルサンシャインシティ店（Cafe La Mille）
サンシャインシティアルパ 1F

10:00～20:00

。。。。。。。。。。。。

行完去埋bookoff買書。bookoff有好多100yen既二手書，今次買左5本～

之後就趕著搭JR去錦糸町站，因為我book左自助餐～

自助餐係Jalan book既，Jalan唔單只係book酒店既，佢有個page叫"遊び・体験予約"
，可以book tour, 體驗,餐廳等等既。

我都係第一次book, 事緣我見到有遊び・体験1000yen coupon, 咁就搵下有咩可以book啦，俾我發現呢個好抵既buffet! 佢原價3200 yen, 係jalan book已經平左500yen, 減到2700yen，再用埋1000yen coupon, 就減到1700yen啦！$120港幣就可以係日本酒店食自助晚餐，好抵！