関西でひとり旅 。 下

関西でひとり旅 。 下

30/6/2017-3/7/2017 Day 4- Day 7



Day 5  30/6/2017




一早起身去食早餐，食Micasadeco&cafe 。上網睇話呢間都係排隊店，但感覺無咁多遊客，唔想同班遊客排gram, 所以黎呢間。位置係JR難波站附近，不是遊客區，在capsule行過來要10分鐘左右。今天剛好下著毛毛雨，所以我在開店前來到的時候還沒有人等。呢度係出名食疏乎里pancake, 而最特別係有一款芝士疏乎里pancake，當然要試呢款啦。

大約等15分鐘左右就有得食，好厚好好食咁！好有空氣感，可以輕易吃掉一整份。芝士味道不出而且只集中在一點，所以其實叫原味比較好。

1200yen

。。。。。。。。。。。。
Micasadeco&Cafe
大阪府大阪市浪速区幸町1-2-8 Minatomachi82bld 1F


AFE TIME
月～土　9AM−5PM(L.O.16:30)
日曜日　9AM-7PM(L.O.18:00)

DINNER　TIME
月～木　6PM−10PM(L.O.21:00)
金～土　6AM-11PM(FOOD：L.O.22:00)
　　　　　　　　 　(DRINK：L.O.22:30)
※日曜日DINNERのみ定休日

。。。。。。。。。。。。





之後搭近鐵去奈良探下鹿仔，唔好彩落住毛毛雨，又要拎著把遮又要拎自拍棒非常麻煩⋯連d鹿都係樹底避雨。

之前兩次黎奈良都係冬天，所以一直好想睇夏天有斑點有鹿角的鹿。有斑點真係可愛好多好多，今次仲見到隻BB鹿，好怕醜好怕人。

睇完鹿就去食新開既鹿雪糕，呢間Cafe etranger NARAD 係2017年6月新開的，堂食有多款鹿甜品。如果只係食雪糕的話就係出面counter買。

一杯只係450yen, 不算貴，平時買一塊卡通曲奇都差不多這個價錢。甜筒仲有幾款不同顔色的朱古力糖霜選擇，外表超級美喔！難怪開店不足一個月，已有不少日本人在instagram打卡！

。。。。。。。。。。。。
カフェ エトランジェ ナラッド （Cafe etranger NARAD）
奈良県奈良市上三条町23-4 奈良市観光センター ナラニクル

11:00～22:00


。。。。。。。。。。。。







之後再行去JR奈良站，搭去天王寺站行街。

天王寺有Mio, Qs mall, Abeno LUCIAS⋯⋯行到腳都斷！

一開始入去近鐵百貨已經見到有sale, 平時特價時候都不會減價的Westwood legging竟然做sale而且仲平大約一半！當然要入定貨冬天用啦！另外Paul and Joe都又平又靚，又買左兩對！

之後係Samantha 又見到有袋做半價，仲要幾靚添！平時Samantha 唔係outlet的話唔會減咁多，而家仲要只係7月頭特價剛剛開始，已經減咁多，真係估唔到！原價15000yen,半價7500yen

Swimmer 就快結業，所以點都去行下。

Disney store都有做半價，呢支筆800yen半價，400yen咋！



行完街去食飯，之前想我睇到評價唔錯，tabelog都幾高分，所以去試下。不過衰在我貪平，揀咗個menu無既特價set，只係1270yen, 諗住好扺，點知啲肉硬。後尾check一check原來我叫左牛橫膈膜肉，唔知關唔關事呢。

。。。。。。。。。。。。
ぶりあん あべのアポロビル店
大阪府大阪市阿倍野区阿倍野筋1-5-31 アポロビル B2F

ＬＵＮＣＨ　　１１：００～１４：３０
ＤＩＮＮＥＲ　　１４：３０～２１：３０


。。。。。。。。。。。。





Day 6  1/7/17


今日一早就搭去梅田站，係Qu'il fait bon 開門前5分鐘來到，大約有十幾人左右在排隊。一開門就入得唔洗等，yeah!呢度堂食可以只係食一件tart, 不叫飲料都ok, 很大方，唔似harbs一定要叫飲料。

叫了蜜桃tart, 679yen。桃肉很清爽，tart皮都好好食！

。。。。。。。。。。。。
キルフェボン グランフロント大阪店

大阪府大阪市北区大深町4-20 グランフロント大阪 2F
10:00～21:00


。。。。。。。。。。。。






食飽就去行街，去梅田阪急三番街睇咗陣卡通精品。行行吓俾我發現左哈利波特扭蛋！一開始係扭到馬份，第二次已經扭到哈利！lucky! 300yen一隻係有啲貴，得個係我最鍾意嘅Harry Potter就無所謂啦。

另外仲有比卡超扭蛋，100yen咋！

之後去Hep Five行陣街，再過隔離round one夾下公仔。100yen就夾到隻細既三眼仔，另外鬆弛熊就用1000yen左右夾到，呢度嘅店員好好人，幫我移左三次位，所以好容易就夾到。

跟住又去食嘢啦，以前聽過好多次熟成牛，其實都唔知係乜嘢，所以今次來試吓。

呢間鋪頭外觀非常簡約，是走高級餐廳路線的，價錢卻非常平實。雖然是西式餐廳的樣子，店員卻不懂英語⋯⋯

Order前已經講等半小時左右。一開始會想一籃餐包，味道不過不失。

牛扒一上菜，我已經想尖叫！外觀超級美！分量也十分慷慨！

35日熟成 黒毛和牛 肩ロース炭火焼き 1680yen

一吃下去，不！得！了! 瞬間有衝動今晚再吃一次！牛味很濃，肉汁剛剛好。可以說是我在日本吃過最好吃的東西之一！結帳後發現有300円的小費，應該是餐包的費用。不過真係好好吃又唔貴所以無所謂～




。。。。。。。。。。。。
ワインと熟成肉のイタリアン ボノ
大阪府大阪市北区堂山町3-13 梅田レインボープラザビル 1F
【ランチ】　11:30～15:00（L.O14:30）
【ディナー】17:00～24:00（L.O23:00）
【土日祝】11:30～24:00（L.O23:00）

。。。。。。。。。。。。






之後繼續行街，成日都䃥到time sale架我，睇下，earth music7折完再7折呀！



行到攰又去食野，6:15分去到頑固壽司，都有一條長龍。等15分鐘左右就入得。呢間連壽司order紙都沒有，要直接大叫師父整的。害羞的我只好靜靜地拿迴轉著的壽司來吃。這間價錢中等，用料算是新鮮。

最特別是扇貝是一整粒上的！

Total:2179yen





回酒店看電視，在日本新聞看到香港的回歸煙花。

Day 7  2/7/2017

今日last day, 係美國村行下。

行行下美國村突然發現有間pablo cafe

入面環境靚，勁好feel,最重要無咩人！可以堂食或外帶，15:00前有lunch set, 有唔同價錢既combination。total:860yen。入面有free wifi可以慢慢hea

。。。。。。。。。。。。
焼きたてチーズタルト専門店PABLO COFFEE 心斎橋オーパきれい館店

大阪府大阪市中央区西心斎橋1-9-2 心斎橋オーパきれい館 1F
10:00～21:00

。。。。。。。。。。。。

Daiso

之後去了吃世界第二好吃菠蘿包，其實係世界第二好食定尾二好食？？個包熱到d雪糕溶曬我跟本食唔到雪糕！咁做咩要加200yen加雪糕？最後食到成身雪糕。不推薦！

最後行埋Namba parks同Namba city, 在入面的KYK吃豬扒，以為係咁grand既地方會好好食，點知好失望。已經叫了貴一點的三元豚，但味道不出，肉質也不好。不算難吃，但只是香港質素。total:1900yen

。。。。。。。。。。。。
とんかつKYK 南海店 （ケーワイケー）

大阪府大阪市中央区難波5-1-60 なんばCITY 館 B1F
10：00～22：00

。。。。。。。。。。。。





臨走之前買咗呢支洗頭速乾噴霧，噴完之後吹頭會快一倍，真係work! 好啱護士返PA用，快啲吹完個頭快啲可以瞓覺。冇記錯好似1400yen左右，係貴左少少不過真係有用。



第二朝搭朝早七點機返香港，為咗慳錢又訓一晚機場。夜晚10點鐘左右去到休息室，不太多人，有很多位置可以訓。點知我霸左個位之後，有個港女瞓咗係我隔離，過左一陣我醒左睇真少少，佢頭頂貼住一塊退熱貼，仲一個病樣。我真係勁嬲！明明佢同佢男朋友一齊可以霸一張櫈一齊訓，偏偏佢就要訓係我隔離！仲要唔戴口罩！！好嬲呀！







飛機餐