Bon Voyage ! London & Paris Day 2

Bon Voyage ! London & Paris    Day 2   20/9/2017



9:30搭tube去Waterloo 站，半小時左右。出站行10分鐘左右就去到London eye, 由於價錢太貴，我地無上去。黎呢度只係想影返過對面Big Ben。


途中會經過一個細公園，估唔到都有松鼠！

可惜我地買左機票先公佈大笨鐘要維修！結果拍照會拍到醜醜的棚架⋯⋯我們要盡量用自己遮住。

我地旅行經常遇上維修的，之前去東京遇上雷門維修，去青森遇上弘前城維修，去天鵝堡遇上瑪利安大橋維修⋯⋯










在橋底影左一陣合照，之後行去食Lunch。呢間Master superfish其實不算好近，要行15分鐘左右。佢係倫敦10大fish and chip之一，但極其低調，連官網也沒有。



另一個賣點係平價，lunch set連飲品只係£8.3！以香港黎講當然唔算平，但平時倫敦食fish and chips係around £14, 仲要唔包飲品的！



店面很舊式的感覺，亦不似英國的食店。店員的感覺很兇，哈哈。叫了兩個最basic的cod and chips配可樂。前菜比較奇怪，是餐包，蝦和青瓜。

Cod fish炸得非常香脆, 魚肉很鮮甜，有啖啖肉的口感，麥當勞魚柳包或大家樂早餐的炸魚絕對無得比。份量亦很驚人，吃得超飽。




食飽又行返去河邊，今次過橋去對岸。橋上又拍一會兒。






過橋後我們開始找尋經典拍照位置，呢個位可以同時影到電話亭和大笨鐘，非常多人來這邊拍照。雖然有3個電話亭，但都要排隊拍。





















大約14:10我地就搭地鐵去Monument站，因為Book左15:00上sky garden。Sky garden係一個免費上的觀景台，但要提前預約。逢星期一會開放下一個星期的門票，門票很搶手的，所以要記得在星期一搶票。

在monument 站行5分鐘左右，sky garden這building又大又高，很容易看得見。




去到要排隊安檢，大約要10-15分鐘左右。之後就可以搭lift上頂樓。 景觀是不錯的，但倫敦地標不多，只有Tower bridge。






看完後我們慢慢由London bridge行到Tower bridge。 大笨鐘進行維修後，Tower bridge就變成比較好拍照的倫敦地標了。城堡造型很可愛，而且又是我喜歡的藍色。




對岸有一片草地，拍起來更漂亮！










大約六點左右，我們在Tower bridge 搭RV1巴士去Covent garden 。晚餐想吃Big Easy,預計會比較多人，所以先去拎飛排隊, 大約要等30分鐘以上，我們便在附近走走。




我們先去3專門店看看SIM card, 果然門市購買是便宜一半！5GB data只需£15!!!可以打電話和Text, 5GB data亦可以用來漫遊上網，在很多國家都可以用到！我們下一站要去的法國也可以用，所以真是超抵！若果在香港買SIM卡，大約都要＄200以上。



整個trip只用了2GB Data, 但由於可漫遊返香港，所以我返到香港都有繼續用。





在Covent garden再行下apple store, 時間差不多就返去Big Easy了。呢間係我地覺得成個trip入面最好食既。

平時d人黎倫敦通常都推薦食burger and losbster的，但上網見有人說其實Big Easy的龍蝦更抵食，觀光客亦不多。但晚餐時間還是有等很久，所以要早啲去排隊。

餐廳有不同的食物選擇，我們當然是叫龍蝦了。我叫1 pound的龍蝦set, 豬仔叫了1.5 pound的set, 還送沙律。價錢分別是£20和£25! 呢個價錢已經包左税和一杯飲品。而burger and lobster 是不包税和飲品的，所以Big Easy是比較抵！等5分鐘左右便上菜了，很有效率。外表超級好吃的樣子！份量很足夠。味道超級棒！蒜蓉口味，調味剛剛好，是我吃過最好吃的龍蝦！我不喝酒的，若果飲品可以揀冇酒精飲品便perfect了！






http://bigeasy.co.uk/#covent-garden