久しぶり！Tokyo！Day 2 25/10/2022
早餐原本想食蛋包飯的，但係冇開到，見到有間Cafe好靚，入咗去食早餐。
早餐大概600円一set，但其實都係普通多士，不過計返都係$30，有個靚環境食早餐，都算不錯。
total:1200yen
。。。。。。。。。。。。
ハミングカフェ バイ プレミィ・コロミィ ecute上野店（Humming Cafe By Plame Collome）
JR上野駅 3F改札
[月～土]
6:30～22:30(L.O.22:00)
[日・祝]
6:30～21:30(L.O.21:00)
。。。。。。。。。。。。
今日我哋去Disney sea, 我本身唔係一個好鍾意去迪士尼嘅人，覺得去旅行唔應該花時間去排隊玩game。不過見円5算，日本政府又剛好出了旅遊補助計劃，迪士尼門票有八折，即係五折再八折，超抵！
八折門票係要搶飛嘅，搶飛情況係迪士尼網站成個癱瘓咁，我哋㩒到凌晨先搶到飛。
上野搭去東京站轉武藏野線去舞浜站，轉車要行好一段距離。
去舞浜站搭迪士尼線，來回車票660yen x2，迪士尼嘅車飛在不同售票機買，會有不同圖案，所以要揀好邊部機先買呀～～
迪士尼正常係開09:00，迪士尼酒店的住客通常可以早一小時入場。
不過其實都會08:30提早開園。我哋食埋早餐先去，所以去到已經差不多09:30。
如果要玩得多遊戲，去之前真係要做足功課，plan好成個行程。通常星期二三四都會比較少人，而落雨陰天嘅日子亦都係少人嘅日子。今次我揀中星期二陰天，真係超少人～好多game都唔使點等。
https://disneyreal.asumirai.info
建議可以得閒望下呢個website, 佢有曬一星期遊戲的排隊時間，我就係用呢個網頁去編排個行程。
之前見有youtuber講入某D舖頭和餐廳要排定standby pass。可能今日少人嘅關係，入舖頭連Standby pass都唔使。
我見地心探險通常一開門都唔需要點排隊，所以一開始就沖去地心探險之旅了，排35分鐘。呢個係一個過山車，最尾會喺火山口衝出嚟，好剌激好好玩！
之後就順便玩埋旁邊的海底兩萬里，這個不用排隊，其實就坐喺架潛水車仔入邊睇海底景色，普普通通。
之後就去美人魚區，呢個區域嘅遊戲係專for小朋友玩的，大部份都不用排隊，我哋就是但揀咗跳躍水母果個玩。呢個只係上落幾下就玩完了，哈哈。
另外推薦出面的小胖的飛魚雲霄飛車，雖然睇落唔係好刺激，但玩落其實都好玩，仲要冇咩人排隊，所以我哋玩左兩次。
之後就去咗阿拉丁園區，玩咗旋轉木馬，坐茉莉公主的飛天魔毯同睇神燈劇場。我覺得神燈劇場比較悶，同埋講日文唔多明，男朋友直情訓著了～
.jpg)
跟著玩水晶骷髏頭魔宮，呢個係唯一一個可以用single ride排的遊戲，即係單人同唔識嘅人一齊坐。平時要排40分鐘以上，但single ride基本上係唔需要排。 single ride的入口好秘密的，沒有指示，就係原本排隊位置向右行過多少少，會有個工作人員係度的。
呢個遊戲係喺地底坐越野車去冒險，刺激程度普通，不過唔使排隊來講都算係好玩嘅。
之後走去睇Nemo劇場, 之前見有好多人都推薦呢個劇場，果然係勁好睇呀，同電影嘅情節一樣，不過係用第一身去感受，超正呀！呢個真係必玩！
隔離嘅水上碰碰車，又係唔使等，呢個其實比較無聊，但佢會不停轉圈，怕暈嘅要小心～
玩到差唔多13:30開始有啲肚餓，我哋就去買熱狗食，睇晒園區入邊最抵食應該係熱狗同爆谷。熱狗500円，都好食嘅。
之後就開始去舖頭買下野，本身對Duffy都冇乜大興趣，所以主要都係幫朋友買。
建議唔好一入園就去買嘢，應該把握時間去排隊玩遊戲先。到呢啲兩三點時間，冇乜人去舖頭，可以慢慢睇。
我自己只係買咗一盒曲奇，呢個個盒勁靚！
15:00就睇萬聖節巡遊，我覺得就普普通通啦，啲卡通人物只係喺一隻船上面跳舞揮手，所以趁巡遊完之前，我哋就嗱嗱聲去排多人等嘅Toystory。
我見平時要等一個鐘頭以上的，但很多人去咗看巡遊，所以我們排50分鐘就玩到。呢個真係好好玩，係3D射擊遊戲。
綠色嗰邊係我，超級廢(〜￣▽￣)〜
玩完出嚟就發現有一個非常靚嘅夕陽！啲顏色真係超迪士尼feel! 我哋睇咗一陣影吓相咁～
之後去買爆谷一路排隊一路食，最後排咗house of terror一小時。呢個對我來講真係超刺激，係跳樓機，玩到我幾乎喊出嚟，但都真係好好玩！
去到呢度我哋已經玩左13個game，真係超級攰，其實仲有時間可以排埋夢幻奇航的，但真係太攰了，連煙花都唔等，就走啦！
返到上野站，就去食鳥貴族。
呢間我哋每次嚟日本都會食，以前係300円嘅，而家已經加咗價到350円。另外發現而家開始全店禁煙，唔會食到成身煙味。
今次覺得好似冇之前咁多選擇，不過整體都好食嘅。
