久しぶり！Tokyo！Day 5

久しぶり！Tokyo！Day 5  28/10/2022




去輕井澤既新幹線前一日去劃位已經無位，咁只好早D去排自由席。原本住上野可以直接係上野搭，但驚無位所以特登搭去前一個駅東京駅搭。早咗20分鐘左右去等。好彩都仲有位。




去輕井澤記得要一早劃位！！！




坐新幹線大約一小時左右車程。09:00到達輕井澤，首先要去白ネコサイクル租單車，喺輕井澤站北口行出來轉右，行5分鐘左右就到。電動單車1000yen 一日，普通單車700yen一日。當然係試吓電動單車啦！雖然話係電動，其實都只係每一個圈會俾少少動力，都係要自己踩㗎～～只係踩得冇咁辛苦。17:00前要還車，過左17:00每小時要多付100yen。

首先出發去雲場池，踩10-15分鐘就到。

雲場池係輕井澤最出名賞紅葉嘅地點！一早嚟到不算太多遊客，可以慢慢影相。



我哋呢日仲未去到最紅，不過都已經好靚。

湖上面有很多鴨仔，非常寫意。

沿着池走一圈大約只需20分鐘。

呢度周圍都係紅葉，影到都唔知影咩好。

之後我哋踩返去車站附近的輕井澤王子酒店，因為book咗食lunch buffet。

王子酒店門口有一大棵紅葉樹



Lunch buffet係jalan book的，原價3500yen, 用咗Jalan coupon只需2400yen，$120港幣就可以喺王子酒店食到自助餐呀！超級抵！

原本見價錢咁平，都冇諗住間酒店咁靚咁Grand，入到去簡直嚇一跳，完全係我哋住唔起嘅高級酒店。







Buffet食物選擇不算非常多，但每一樣都好味。

我哋非常欣賞甜品，連唔鍾意食甜品嘅豬仔，都表示非常欣賞！另外雪糕都非常之好食！我覺得呢個價錢，淨食甜品和雪糕都已經回本了！




食飽之後就繼續踩單車，沿着本通踩上去，呢度一整條路都係紅葉，根本唔需要搵咩特別景點去影紅葉，每一分每一秒都俾紅葉包圍，係痴線到連地下D草都係紅色既

踩15分鐘左右就到聖保羅天主教堂，是一座歐洲鄉效風格的木教堂，是個熱門結婚場地。

再踩多5分鐘左右就會到輕井澤蕭紀念禮拜堂，它是輕井澤最古老的木製教堂。

原本諗住去舊三笠飯店，結果好辛苦踩到去先發現原來裝修緊，完全咩都影唔到⋯⋯算啦當做下運動。

還車前發現很大很紅的紅葉樹

最後趕得切係五點前還車，就出發去outlet啦！

呢個輕井澤王子outlet非常之大，有好多好多舖頭，原本以為會喺呢度大出血，結果我哋每人只係買到一樣嘢。因為大部款式普普通通，而且折扣不算很大，倒不如出返去買D正價靚啲嘅貨品。







搭返新幹線返東京，之後搭去神保町，食海老丸らーめん 龍蝦拉麵。




呢間拉麵已經想食咗三年啦！終於可以嚟食！

TVB的日本旅遊節目都已經播過好幾次，而家已經係Tabelog Top 5000的餐廳。


21:05 來到，排25分鐘左右。

價錢已經貴咗啦，比以前差唔多貴咗一倍，不過都值嘅。

一開始會有上一個小湯，都幾好飲。

上菜時師傅會慢慢介紹返個拉麵，完全會感受到佢嘅熱誠同對味道嘅追求。


丸ごと一匹オマール海老らーめん 4950yen


龍蝦湯底非常之濃郁！超好飲！不過配拉麵食係會有啲膩，之前豬仔怕唔夠飽，仲加咗豬肉和雞肉⋯⋯搞到差啲食唔晒。龍蝦肉就其實不多，所以我哋都係叫一個有龍蝦，一個冇龍蝦。

。。。。。。。。。。。。

海老丸らーめん

「神保町駅」A4出口より徒歩4分
「水道橋駅」東口より徒歩4分

平日ランチ11:30～15:00　夜18:00〜22:30(L.O22:00)
土日祝日11:30〜20:00

。。。。。。。。。。。。