福岡賞櫻之旅 Day 6

福岡賞櫻之旅 Day 6 2/4/2023



星期日09:30排咗兩個鐘JR pass, 3060yen, 因為福岡市區只有博多JR駅可以換，所以就全部人都係度排，仲要得兩三個counter, 所以真係排超耐。

我哋一路排一路分頭去食早餐

呢個pass真係好抵，就咁來回門司港已經回本。仲可以搭到山口縣的下關站。






今日我地去海の中道海浜公園，交通是two day pass包的。

藍蝶花比較近西戶崎站，所以記得係呢個站落。

入場費 450yen，都算係平價。




今日好大風，所以都好難影相。仲要今日係星期日好多人。




藍蝶花開咗8成左右都幾靚，反而櫻花就開始落了不少，所以影唔到好粉嫩嘅櫻花。

其實要用長鏡zoom先影到，而且太多人，難度係十粒星




呢度仲有好多鬱金香，都幾靚

呢度仲有好多兒童遊樂設施，我哋都忍唔住去玩吓sir滑梯。




另外仲有一個小型動物園，都幾多動物睇，而且都幾近距離。

總括嚟講呢個公園係幾好玩，而且門票不貴，CP值高。




返到去博多站，就去食博多一双, tabelog 3.73分

呢間係博多最出名的拉麵之一，要排隊的，我哋16:00左右嚟到，只係排5至10分鐘就食得，lucky!

不過呢間亦都係出名有臭豬味，我自己就接受到嘅，豬仔就覺得麻麻。其實我哋真係食唔出到底有咩咁好味，我哋覺得就正正常常嘅味道啦。


Total:1100+280yen

。。。。。。。。。。。。
博多一双 博多駅東本店

福岡県福岡市博多区博多駅東3-1-6

11:00～24:00

。。。。。。。。。。。。

之後我哋就喺天神站附近行街。行到差唔多22:00就去食晚飯。





去到先知原來是預約only的，不過好彩22:00 walk in等10分鐘都俾我地入

超多韓國人食


唔知揀咩好，所以就叫咗個7種和牛拼盤（3980yen)，咩都有得食啲, 之後再加D其他肉類和飯。

呢間啲肉質都幾好食，價錢亦不貴，推薦！可惜就係要預約先食得，我哋之後介紹朋友去食，朋友話預約唔到。所以記得早少少預約！唔係就睇吓有冇運氣Walk in食啦。

Total:6369yen

。。。。。。。。。。。。
にく屋 肉いち

福岡県福岡市博多区博多駅南1-2-18 エムビル 1F

16:00～24:00（L.O23：30）

。。。。。。。。。。。。