関西。楓 Day 5 & 6 28 & 29/11/2024
今日去嵐山同清水寺
之前都嚟過嵐山睇紅葉，但嗰陣時覺得唔靚，主要因為光線問題。所以今次揀咗好天既日子，同埋上午順光再黎，果然靚好多。
過咗橋就向祐齋亭方向一直行，沿路都有唔少紅葉。
之後就搭嵐電返去河原町，原本諗住食東洋亭做午餐，但超多人排隊，所以改咗食北極星蛋包飯。味道中規中矩。
- 11:00 - 21:30
之後就慢慢行上清水寺，大約行半小時左右。呢度開始就會出現大量嘅遊客，所以我一直盡量想避免去清水寺
清水寺可以睇日楓同夜楓，我哋4點左右黎到，就可以睇曬兩種。不過當然光線就唔夠朝早嚟咁靚，紅葉會暗淡一啲。雖然顏色冇咁靚，但有極大量嘅紅葉，睇落都非常震撼。
人係極多，要同清水舞台自拍，可能都要等10分鐘左右。
之後等到17:30點燈
點燈後既人潮更加誇張，完全係逼到完全郁唔到，好恐怖，有人踩人既風險，所以我哋用自拍棒舉高手機拍張照片就算了。
之後慢慢離開，反而離開中途的夜楓更美，少人好多更易拍照。
最後返到大阪已經8點後，太攰返酒店休息一陣再出嚟食晚餐。
求其搵咗間小紅書推介的燒肉，見係酒店行5分鐘就到就試吓
好多韓國人排隊，而店舖好少位，所以等咗差唔多一小時。
價錢不貴，但份量不多，肉質亦不特別，完全唔明點解咁多人食
Total: 6355
- 17:00 - 05:00
。。。。。。。。。。。。
Day 6
早餐去食雞Soba 座銀本店，因為怕要排隊，所以唔食心齋橋嗰間，特登搭到本店。遠少少，果然10:30完全沒有人，不用等位。
擺盤非常高級，亦用上非常漂亮的餐具，讓人有去了高級餐廳吃飯的感覺，但價錢只是1000yen!
入面有慢煮豬肉和雞肉，非常柔軟，味道不錯。
另外有炸得脆脆的牛蒡，出奇地幾好食。
湯底是泡系雞白湯，可以見到廚師是用打泡機把湯打出泡泡，喝下去感覺非常綿密濃郁。但湯的味道我是有點點失望的，因為雞味不濃。特別是如果吃過銀座篝拉麵的，一定會覺得篝的雞湯雞味濃很多倍。另外加了一隻煙燻蛋，他不是正常拉麵店吃到的醬油糖心蛋，煙燻味道比較特別，不過我都係鐘意醬油多D。
- 10:30 - 21:30
。。。。。。。。。。。。
今日開始病病地，而且真係好攰，所以原本plan咗去勝尾寺，最後改咗去大阪城算了。
大阪城紅葉，其實我已經睇過一次，所以其實興趣不大。都是行下打下卡。
我們在森駅下車，這邊下車，一入嚟就會見到銀杏樹，都幾靚。
之後就慢慢行去大阪城
影完相就去天王寺站行吓街
因為今晚要搭飛機走，所以早少少食晚餐
揀咗食魚心壽司，本身見佢tabelog 16:00前有lunch set
點知去到，原來係三點前⋯⋯
都冇辦法啦，已經入咗去，咁就逐件單點。
原本有啲驚訝單點價錢都真係幾貴，但後尾發現每件壽司都超級大件，其實又真係值呢個價錢嘅。
Total:3380yen
- 12:00 - 23:00
。。。。。。。。。。。。
聽講關西機場排出境要over 2小時
買定個包準備一路排一路食
420yen兩個包
結果去到好好彩完全唔洗排隊
入到去仲有間family mart可以買炸雞食
沒有留言:
張貼留言