釜山首爾賞櫻之旅 DAY 2 1/4/2024
坐ITX去釜山，今次係去櫃檯買飛，雞同鴨講同埋趕時間嘅關係，所以買錯咗慢車，搭了1hr15mins左右
ITX 11100x2
喺釜山站食早餐先，我揀咗食EggBox
5100W
份量都幾大份，整得好靚，可以打下卡。而且味道都真係幾好，麵包皮好脆，而且會keep住有蛋汁流出來！味道係偏甜，但唔會過甜，真係好好食！
豬仔就揀咗食對面餐廳嘅泡菜豬肉石頭鍋飯，味道都係幾唔錯！
又去酒店放低行李，之後就出發去睇櫻花啦
首先搭巴士去希望階梯單軌列車，
地址：釜山广域市 西区 东大新洞二街 87-302
如果地鐵站行過去會好遠，而且係上斜路，所以唔建議。我直接係釜山站搭巴士去，約25分鐘可去到。有幾架巴士都去到附近，在Naver map會有巴士建議。
呢度成條路都係櫻花，都幾靚。
單軌列車是免費的，不過只有一卡，要等好耐，所以就無坐了。
之後再直接搭巴士去甘川文化村。在Naver map定位甘川文化村服務中心便可以，都是大約30分鐘去到。
呢個應該係釜山最有名的景點，而且都有櫻花睇，值得一來。我們只行最短的打卡路線，行到小王子打卡位附近便沿路折返。
呢度的確幾多人，影相都要等下。
一落車已經係呢個最靚嘅打卡位。
小王子打卡位係勁多人排隊嘅，本身我都興趣不大，所以就冇排隊影了。
最後搭返巴士去白淺灘文化村。本身冇諗住嚟呢個位嘅，但見到有一間好靚嘅Cafe，就吸引咗過嚟啦。喺甘川文化村搭過來只需35分鐘左右，都算幾方便。
Cafe叫Huinnyeoul Beach , 旁邊都仲有一間網紅打卡Cafe叫Aether。我哋兩間都去晒參觀，兩間嘅海景都非常漂亮，不過Huinnyeoul Beach 比較啱我Style，所以我揀咗Huinnyeoul Beach 。
Cafe有4層，天台和最底露台位置都是露天的，會有好有度假氣氛嘅遮陽傘。不過其實天氣太熱，所以冇乜人會坐。大家都打完卡就入返室內飲嘢，所以好容易就影到冇人嘅照片，亦都唔需要排隊。
食物方面，主要只有飲品選擇，還有少量的蛋糕可以買。我們就只叫了兩杯飲品。
Almond Latte 6600woon
非常普通嘅latte味道，冇乜特別，唔算好值呢個價錢。
Grapefruit Lemonade 7300woon
賣相超靚！有西柚肉和花朵放係面，打卡一流。味道都真係幾好飲！好清新，酸酸甜甜，最重要冇乜西柚嘅苦澀味。飲落都仲有少少碎嘅西柚肉喺入邊。
休息夠，就去海邊行吓。
行到海邊盡頭會有一個山洞仔，都係一個熱門打卡位
喺山洞位置出面行返樓梯上去，就會見到呢個區域嘅唯一幾棵櫻花樹。
海景加上櫻花，真係超靚！
最後搭返巴士返去，去西面站吃晚飯。
釜山最熱鬧的逛街地點就是西面站，呢度有條西面地下街，可以買下衫。不過款式都比較普通，完全冇嘢買到。
之後我哋行埋Daiso, ABC mart等就去食嘢。
今次揀咗食皇帝潛水艇，呢間係食海鮮嘅。
入面好多位，亦都唔算多人食，完全唔駛等
我哋揀咗第二平嘅set，海洋的王子54000woon。再貴啲嘅其實都係多咗鮑魚龍蝦嗰啲，我覺得都唔需要，因為呢個已經好飽。
入邊已經有超多海鮮，仲有一隻雞，有魚板，年糕，餃子，芽菜等等，兩個人食已經好夠。
味道來講，我覺得就普普通通，海鮮食落唔係特別鮮味，所以我覺得唔需要特別食再貴啲嘅餐。
今晚我哋住東橫Inn, $385一晚
入面嘅格局就完全同日本東橫Inn一樣，正正常常。最重要價錢便宜，包早餐，而且非常近釜山站！
