釜山首爾賞櫻之旅 DAY 1 31/3/2024
00:30 準時起飛
05:10準時到達
韓亞座位都算係新淨舒服，空間足夠，但個Mon超舊，只係for睇飛行地圖，沒有任何娛樂。亦無USB叉電位
飛機餐普普通通
因為坐得比較前，所以好快落到機快，好去到入境排隊，大約15分鐘就排完了。
05:35取行李
06:05搭慢的鐵路去首爾站 4450w，約一小時
估唔到10年前嘅Tmoney仲用到
本身plan喺首爾睇櫻花但未開，只好辛苦少少搭車落大邱釜山睇。
坐07:27 KTX去東大邱，在trip.com買票，馬上出票的，亦可以自己選擇座位。不過會有Booking fee，比現場買會貴少少。如果唔想排隊買飛，或者想自己揀位，或者驚無位要早啲book，用app買其實比較好。在app show車票便可，不用再換票。但其實我搭咗3程KTX都無遇上查票。
有大行李的話記得提早去等車，因為車與車中間的行李儲物位並不多，要早少少去覇位。
1hr43mins就到東大邱站，首先去酒店放低行李，之後就急不及待開始賞櫻的行程了。
搭地鐵到東村站下車，一出來便是峨洋橋櫻花道아양교벚꽃길
一整條河川都是櫻花，而且人不多，都是當地人沒遊客，所以幾舒服可以慢慢影下相。
之後搭車到半月堂站吃午餐
巨松排骨，基本上是來東大邱必吃的美食
13:00來到等，等20分鐘
主要揀豬肉定牛肉，同埋辣度
我地揀咗豬排骨 15000woon一個人
辣度揀咗第一級辣度，都已經超級辣了！如果吃不到譚仔三小辣以上的，建議叫唔辣，哈哈。
不過又甜又辣嘅味道，真係好正！而且排骨炆得好淋，完全不需用力去拆啲肉出嚟。份量亦都非常足夠，入面仲有年糕質地嘅闊面，非常彈牙好吃。亦有腸仔，金菇。
飯，汽水等都是放題形式的，不用再加錢！
的確係幾好食嘅，都算係幾抵！推薦！
食飽就去附近嘅Starbucks參觀下，呢間Starbucks係一間韓屋，非常有特色，而且真係好靚，打卡一流！不過入面滿滿都是人，不能休閒地喝咖啡。
之後就去E world睇櫻花，搭2號線到內唐站，大約行10分鐘就到。
如果淨係睇櫻花嘅話，其實唔需要買入場券入場。只需要向上83塔的道路就可以。上83塔的道路都是上山的路，會有少少攰。不過沿路都係櫻花，一路行一路影相就唔係好覺攰。
呢度最出名嘅影相位就係紅色巴士，會有排隊嘅人龍，大家都係叫後面嘅人幫手影相。
之後上83搭睇日落，門票我哋即時喺Agoda買，會比較便宜，只需$30一個人。
83搭其實有83層，不過暫時只可上到77樓。
其實風景就普普通通，不過價錢平就值得上一上嚟嘅。
等到夜晚我哋再落返去睇夜櫻，講真夜櫻嘅燈光五顏六色有啲奇怪，不過大致上都幾靚嘅
最後搭返去東大邱站食晚餐，揀咗食燒肉男子。
無book位大約等20分鐘。呢間係剩係得豬肉嘅，最少要揀三份，我哋揀咗豬頸肉、豬腩肉豬腩肉同埋豬面肉。會有專人幫我哋燒埋，燒得啱啱好。真係勁好食！豬腩肉係最正，肉同脂肪嘅比例啱啱好！加埋兩碗飯同可樂，total 45000woon
今晚住Dongdaegu Station Eastern Hotel，房間非常大，淨喺個廁所已經係日本酒店嘅大細。而且裝修簡約時尚，住得幾舒服。價錢都唔貴，＄660 仲包咗早餐，不過我哋好白痴，錯過咗早餐時間，所以就冇得食啦
沒有留言:
張貼留言