釜山首爾賞櫻之旅 DAY 3

釜山首爾賞櫻之旅 DAY 3   2/4/2024 

今日陰陰天，預咗影櫻花都唔會靚

第一站出發去開琴櫻花路，記得一定要搭巴士來，因為地鐵行過來一整條路都是大斜路！

我們首先去網紅Cafe，Cafe Itti，這間Cafe旁邊就係櫻花樹，所以天台就係櫻花打卡位。不過天台真係俾人影相而已，大家買完嘢飲就排隊上去影相，之後就落返嚟食。

我不喜歡別人排住隊望住我影相，同埋一入到去店員見到我哋想上樓上，馬上就話要order first。整個感覺和昨天的海景Cafe非常唔同，好唔relax, 所以最後都無買嘢上去影相。

之後再行10-15mins去開琴櫻花路，

location:釜山广域市 釜山镇区 开琴2洞 765

講真，我唔係好get到呢度靚嘅點, 總之就係一條普通嘅櫻花路，但係就好多人影相，同埋過嚟要行斜路，有啲辛苦，我就唔係太建議來

之後搭地鐵，去溫泉川睇櫻花。係釜山教育大學站落車，行5分鐘左右。

溫泉川兩旁都是櫻花路 ，環境非常大，所以感覺唔太多人，適合慢慢影相。

而且有油菜花，影出嚟都唔錯

午餐又搭返去西面站食，今次食松亭三代豬肉湯飯，係喺釜山很出名的料理

其實食落就普普通通，我哋揀咗一個豬肉湯飯9000woon，同埋一個白切肉湯飯11000woon。白切肉湯飯係特別少少，豬肉會分開上，而且會有個蒸盤蒸住。我覺得白切肉比較好食，因為佢肥瘦適中。豬肉湯飯入面D豬肉就偏瘦，冇咩油脂嘅香味

最後搭KTX返首爾，59800woon , 要搭差不多3小時。

返到去已經係夜晚，既然搭到首爾站，就去首爾站的樂天超市行吓。一入門口右手邊就係免費行李寄存。我覺得樂天超市的價錢不算很便宜，而且非常多遊客，我就唔太鍾意行。

之後搭地鐵返去酒店，今晚住Roynet hotel seoul Mapo ,$889

呢間係日本Daiwa Roynet在韓國的第一間分店。首爾部份酒店的價錢全部都偏貴，所以就揀一間靚少少嘅。距離機鐵孔德站大約10分鐘路程，去機場非常方便。酒店非常新淨，好grand。

房間唔算好大間，但裝修新穎舒適

附近都非常多嘢食，而且孔德站外邊就係Emart超市，E mart係我哋最鍾意行嘅超市，因為佢有一個自己brand叫no brand, 價錢比較便宜。

晚餐揀咗食土豆排骨湯。元堂馬鈴薯排骨湯麻浦店，24小時營業

有分大中小size ，兩個人的話食小就非常足夠，35000woon

份量好夠，入邊仲有埋菜、金菇、年糕、粉絲等。我哋加多咗個即食麵，所以食到超飽

味道ok既，但我覺得冇我想像中咁好食。

排骨炆得非常軟，但食落其實就好似食緊湯渣咁，哈哈。辣度啱啱好可以接受。

散步回酒店嘅時候，咁啱發現酒店後邊有一條櫻花路，完全冇人，影夜櫻都幾靚。