五星級曼谷 Day 1

香港國際機場>>曼谷Suvarnabhumi機場>>Pullman Bangkok King Power Hotel>>

Siam Paragon>>Siam Center>>Siam Discovery>>MBK>>Central World Plaza>>水門>>Big C

11／6／2011

9:30在家樓下搭E34到機場，11:00便到機場了。

那隻豬又遲到，11:40左右先到，

搞到Check in時那位地勤姐姐說飛機滿晒，我地要分開坐，好慘！

上到飛機，BB叫左佢隔離向男仔同我調位，

又咁啱果個男仔原來同我隔離個女仔係couple！所以最後兩pair人都可以一齊坐，哈哈！

 

飛機餐很難吃，得個strawberry mouss係好食既！BB俾埋佢果個我食

兩個半鐘的飛機，我揀左了通靈感應來看，嘩悶到嘔！結果我訓了。

15:00 arrived Bangkok

我們在機場搭cityline出市區$45B(~$11HKD)，有專人賣飛俾你，仲有時間表俾你睇到幾時有車，好有系統。

搭25分鐘左右便到總站Phaya Thai，

辛苦的B

我們的酒店就在附近，行15分鐘左右就到。

16:00先去到酒店Check in，

Pullman King Bangkok Power Hotel

今次最期待就是住五星期酒店！

lobby好靚!好舒服！

張床好好好舒服，BB話好似訓左係舊雲上面！ 

每日都有報紙，兩支水同小食送到房間

房外有窗台，但我們住在二樓room214(2月14日!haha)，所以對住水池，都很不錯。

由於時間此原先預期中遲了,所以改了行程。由原來去Chatuchak改左去行街。

我地搭酒店的免費Tuk Tuk出去BTS Victory Monument Station，其實行過去只係五分鐘路程，都唔明點解酒店要整架咁既Tuk Tuk。

不過都好既，起碼我地可以試下搭tuk tuk麻。係曼谷，搭tuk tuk和的士都很難，因為語言不通，當地人又鐘意呃旅客，所以雖然好平。但我地一次都無坐。

BTS Victory Monument Station搭去Siam Station $20B (~$5HKD)，其實都幾貴，兩個站距離好近，同輕鐵差不多。

每次都要去唱錢先去買飛。最討厭的是成日都無電梯，落就一定無，上就一個站得一條，行樓梯行到好累。

BTS(空鐵,當地人又會叫Skytrain)車票，張張都唔同公仔架。有點懷念以前要買飛搭火車的日子

車廂永遠有廣告，BB又發現架車係用路軌傳電，跌落去會電死。

Siam Paragon

這個曼谷海港城得個靚字，裡面無咩啱我地行。

Siam Center

可以用元朗廣場黎形容

入去吃了Swensens雪糕=]

網上很多人去曼谷都會去吃，都說很平。

平唔平就好個人既，你同Hagandez比就一定平囉！我只係俾佢外觀吸引，好想試一次食香蕉船姐。

$129B (~$32HKD)的確唔算好平。亦的確都有$69B(~$17.5HKD)一杯的新地既！味道其實真係正常雪糕味~

在Siam Center行在一陣，無咩特別野睇，就由4樓的天橋行去Siam Discovery,BB說像又一城喎。其實呢D商場呢，同香港賣既大同小異。

又唔見得平好多，唔明點解D人咁鐘意去曼谷shopping，仲買到一袋二袋。

行到Siam Discovery其實已經行左一個BTS站，去左Nation Stadium Station，對面有個商場MBK，名正言順是MK，非常旺中~~

行左一陣我地就坐BTS去Chit Lom站啦。

Chit Lom站有Central World Plaza

我只是去NaRaYa看看，去去廁所(我只會去商場的廁所)，之後我地去在隔離睇下個象神，就出發去水門了~

旅遊書很少講水門，但水門的海南雞飯又很出名。所以我上網找了地圖，從Chit Lom的 Big C一直行10分鐘就可以去到，非常簡單，去到就覺得自己好犀利，咁都搵到~haha!

間舖頭得泰文，我地唔知點叫好，隻豬就懶醒，指住隔離枱碟海南雞飯，但人地係一大碟雞，而唔係網上介紹的$30B($7.5HKD)細細碟海南雞飯。

結果我們的要$140B($35HKD),貴了一倍有多！但其實$35兩個人有湯有飯都ok ge，

 對面的是一對外國男女，他們吃的是細碟，我們的是大碟~

湯很好喝，但很辣，好彩我地一早係7-11買左野飲~

食完後我地行返去big C,

BB行行下係街邊又食海鮮炒麵，去到Big C時很多舖頭都關了。

 

其實呢，我見到我隻好大既老鼠係鋪頭後面行過，所以我無食。

60B(~$15HKD)