原本這天我們是去Dream World的，但間過酒店的職員，佢地都唔係咁識去，提議我地搭的士，話"唔塞車的話"一個鐘就去到。我地覺得唔塞車係無咩可能既，而且入場費又唔係話平，海洋公園D野都差唔多，所以我地臨時改了行程，去了Dusit Zoo。雖然原本無諗住去。但我都搵左資料，可以搭船之後轉Tuk Tuk，亦可搭巴士。我地酒店搭巴士會近D，所以我地去左Victory Monument搭18,28 or 108號巴士。
第一次亦係唯一一次係曼谷搭巴士，好驚！我地去到個站，這是一個類似迥旋處的地方，外圓都是一個個等巴士的亭，但發現個站連牌都無，你唔知要係邊個亭等車，亦不知架巴士會經咩站!在不知所措的其間，我開始諗我地係咪應該搭的士算，而個B就開始埋怨我做資料搜集做得唔好。到最後終於出現在部28號，佢停左係一個好遠既亭。我地就行去果個亭等下一部28號出現。
搞左咁耐終於成功上車了，上左車會有個呀姐黎同你買飛$8B (~$2HKD)。車程大約10分鐘。
好啦終於見到動物園既外牆，但架巴士停左係一個明顯唔係站既地方，個車門係全程打開既，如果我地唔落的話就會唔知俾人車左去邊。
心亂如麻之際，坐我地後面的一個唔知係哥哥定姐姐的不男不女示意我地可以落車，你真係救我地一命呀！我地成功到達Dusit Zoo了！
曼谷巴土，應該係隨你鐘意幾時跳車就跳車的交通工具。
Dusit Zoo外國成人入場費$100B (~$25HKD)
其實去過又平又大又靚又多野睇可以行成日的台北動物園，這裡真係拍馬都追唔上架啦。
這裡比台北多的是一個可以玩水上單車的湖，你可以行天橋在高處看動物，動物都比較近距離，
很喜歡這一張，跌進兔子洞的小蜜蜂Alice Bee
近距離和大象合照，係一件超驚既事，你唔知望鏡頭好定望佳隻象好，好驚佢撞埋黎！
這次我們還看了海獅表演。海獅表演入場費是$10B(~$2.5HKD)
但其實無人同你收錢，係到完場時你俾海獅的。
當然你可以走左去唔俾錢，但你忍到唔俾嗎？
我果刻好驚佢咬埋我隻手
三個鐘就行得完，之後我地去左隔離個Throne Hall，可惜星期一休館，無得入，只好係出面影相
之後我地搭返28號返去Victory Monument，再轉BTS去Siam shopping。
我在MBK買左頂好靚既帽，原價$270B，俾我地講到$200B(~$50HKD)，好開心=]
行完我地返酒店食dinner buffet，我地個package包了一個lunch or dinner buffet的。
其實沒太多選擇，有點失望，我們都期望太高。最後吃得最多的是魚生和雪糕。
沒有留言:
張貼留言