【迷失東京♣ 紅葉銀杏之秋】Day1

今次去東京搭香港快運，係香港去東京最平的airline, 但因為佢係新開的airline,係我地出發前幾日先係首航，所以book果時都驚驚地。

香港快運係羽田機場落，我鐘意~因為車費平D又快D~

班機19：05起飛，要係1小時前check in,我地17：45到，check in完食個麥當當先過關。睇住d地勤真係一個鐘前開始執野收工，所以唔好遲到!

過左關就係洗手間門口d飲水機裝水飲。

飛機好準時起飛。由於我地最後check in,所以坐最後果行。三個人一排的凳得我地兩個人坐，所以唔逼，haha!

有個開心大發現，原來搭零晨機睇星好靚架！仲要睇正我最鐘意既獵戶座。好開心！

係飛機上用ipad睇bb一早download 定既on call 36小時2，睇三四集話咁快就到啦。

仲早左半個鐘到添!不過早到都無用，都係要係機場訓~

落機後我地去一樓既air lawson買兩個包食(~120yen一個包)。air lawson同市區價錢係一樣既，無坐地起價~

之後就揾位訓啦，1-5樓都有位訓，我地睇哂最好訓既係3，5樓。所以係5樓訓。

其實都唔係好訓到架啦，醒下訓下咁。

到5：30起身洗個面，6：00日出，bb出左觀景台影日出。

7：00先走。

走之前係機場counter買張metro 2 day pass (980yen), 只係機場有2day pass架咋, 市區只有1day pass(710yen)。但可惜機場2 day pass只可以一人買一張......

當日我地就用左張2 day pass la,不過由機場去品川果程係唔包既，要另外買飛。

馬上就發現東京地鐵線比關西亂很多，第一程車已經落錯車 >_<



搭京急電鐵去酒店放低行李，之後就沖去築地食早餐啦!

我地食仲家的海鮮丼。

我地去到前面有6個人，不過都係等10分鐘左右。反而食完出黎就見到好多人排啦！

唔知係咪唔夠訓，無咩特別感覺，都係魚生味姐~~haha

↑1450yen↑

↑1000yen↑

食飽飽就去淺草行下啦，

淺草寺最出名既雷門燈籠，每10年會拆落黎清洗一次，而我地就真係咁好彩撞正呢段period黎！haha!

代替燈籠既係一塊印左燈籠相既布。

反而我覺得睇到呢塊布好難得！

↑呢張笑死我，咁啱影到好似大佬帶住班手下咁，哈哈哈！

↑好後悔無買↑

↑人形燒幾好食↑

 

之後順便去神宮外院看銀杏並木。其實明知咁早一定未黃曬架啦。去到見到有50%左右變黃左，已經好開心。

有陽光既時候影，綠色的銀杏都遍左黃色。

銀杏並木對面馬路有間Peter Rabbit花店，超級美，值得去看看。

跟住就去原宿行街啦

↑好後悔無買↑

↑好後悔無買↑

Kiddy land係必去架！有好多卡通產品！

我最想睇係Rilakkuma同Nameko菇菇既product，但始終唔係專門店，款式唔齊。

行到肚餓就去一蘭食拉麵。

↑790yen,蛋加100yen↑

唔知係咪香港開左一蘭，令我無咁鐘意食一蘭啦!雖然平香港好多又唔洗排隊~haha

經過地鐵站 swimmer

超Kawaii!

最後在銀座吃一風堂拉麵。

Total 2050yen

這家的茶很好喝，調味料盒裡的芽菜很好吃。 

食完就返酒店啦。

Hotel Horidome Tokyo 

呢間酒店係我地住過咁多酒店最唔鐘意既一間。

雖然知道東京酒店出名細，但呢間比其他東京酒店還要細!

細到行李打不開，連兩個人走動都有難度。而且感覺很舊，令人感覺好差。

另外明明是冬天，房間竟然很熱!熱到差點睡不著！

本身我地都係為左省錢，住平酒店的人，反正只是睡幾個鐘麻.…
結果都頂唔順呢間酒店，它會令你去旅行的心情變差。不建議住！
當然它也有它的優點，一是很便宜，二是離地鐵站只有3分鐘路程，三是房間有wifi