呢日我地5點就要起身，因為新宿搭去等箱根要成2個鐘，日本秋天下午四點就天黑，所以要早d出發。
今次搭小田急線，首先要去買箱根週遊卷5000yen，一張就包曬箱根的交通費。
一上車當然係訓啦!勁眼訓！
不過大家最好半個鐘前起身，因為中途會見到富士山架!
我地本身都唔知，所以好surprise~
富士山好大好靚!
因為好突然。所以只趕得切用手機拍片，cap出來的圖質素不太好。現場睇係好靚架！
其實箱根好多地方天氣好都睇到富士山，但我地呢幾日一到下午就開始多雲，所以睇唔到啦...
去到箱根湯本食d野先!
經過見到一間讚岐烏冬，就入去食啦~
第一次係日本食烏冬，好彈牙!
賣相很精緻，蘿白是花花形的~
Total:2130yen
之後又係搭車，搭巴士去元箱根~ 40mins
總站落車，行10分鐘左右就去到箱根神社，
D樹好古老好有靈氣。
差唔多時間就返落去搭船遊湖啦!
好靚好有歐洲feel!
落船後準備去搭cable car上大涌谷，但竟然故障!!
工作人員指示我地出去搭1號巴士，再轉電車和cable car!
天呀!明明搭cable car上去只要20 分鐘！我們卻用了1-2 hrs!
等巴士等了半個鐘，上到巴士又無位又多人，企住逼左半個鐘。
中途巴士經過一個超級靚既仙石芒草原，好想落車影相，
但一諗起可能又要等半個小時巴士，便打消念頭了。
搭到cable car啦，好感動!
上到去，勁凍!好彩有帽同手套。
好肚餓即刻買黑蛋食（300yen/5隻)
其實都係普通蛋味，但咁辛苦上到黎又好肚餓，總覺得特別好食!
可以上到火山，好開心呀!
太陽差不多落山就走啦，好好彩走得快，剛剛趕到尾班電車！miss 左既話我真係唔知點算啦!返到新宿行左陣街，係alta買左件外套。
暫時最鐘意行既東京商場係Alta，衣服是典型日本妹妹仔kawaii路線，一入去已經有Liz Lisa,INGIN。 價錢比較接近香港，當然質素會無咁好，但仔細搵便會搵到好野！我最鐘意呢種尋寶既感覺。
上Lumine est搵野食
又係完全無plan過食咩，下次真係要帶旅遊書....
やきもんや Saute
味道普通啦，lumine est的食店都是sell環境的輕食類，所以只是環境不錯，店員是靚仔靚女 。吃大阪燒還是大阪的比較好吃。
Total: 1050+1150yen
沒有留言:
張貼留言