京阪神楓葉秋季旅行 Day 5 28/11/2015
最後一日，本來諗住全日shopping既，最後又覺得既然買左kansai thur pass，當然要用盡佢，去埋我好想去既神戶動物王國。
check out完放低d行李係酒店。早餐係lawson買野上車食，搭去神戶三宮轉機場線去京コンピュータ前站。
入場費1500 yen，用網上coupon只需1200yen。
http://kobe.letsgojp.com/archives/4431/
未去之前覺得有d貴，去左又覺得值既。一入門口已經係我既target兔仔區域，全部都任摸唔嬲架！入面有部扭蛋機可以扭紅羅白出黎餵兔仔。
另外仲有天竺鼠，都好可愛！呢度都差唔多玩左一個鐘。
有雀鳥表演，一開始幾impressive既，不過睇耐左都係d雀仔飛來飛去就開始有d無聊啦。
跟著係我另一個target, 水豚君！唔知點解近年係日本興起，佢好鈍無咩動作，所以好容易一齊自拍。佢d毛好似鮑魚擦咁硬～
室外動物有草泥馬！不過有個欄隔住左，要佢行埋黎先摸到佢。d毛真係好軟好舒服架！
呢個動物園真係好好玩，可以好近距離接觸小動物，清掃時間好密，唔會見到小動物既便便，亦唔太臭。最正既係完全聽唔到廣東話同普通話，咁先開心架麻！
之後就搭車返心齋橋final shopping啦，不過都食個lunch先～食魚心壽司, 叫左兩個set, 果然係大大件，幾乎食唔曬～
にぎり定食·花 850yen
特上定食 1500 yen
建議叫貴d果個set, 個感覺高貴好多。
。。。。。。。。。。。。
魚心 南店
大阪府大阪市中央区千日前1-7-9 スバル座東あじびる南 １Ｆ
12:00-24:00
。。。。。。。。。。。。
係心齋橋買完野就返酒店拎行李，再搭南海電鐵去outlet, 咁啱走左班車，咁就加500yen坐beta。Kansai thur pass係包埋南海電鐵架！所以只加500yen都抵既～
搭到去rinku town都差不多7點，outlet 的舖頭8點關門。時間太趕我就同豬仔分開行啦，入面有free wifi不過成日connect唔到，好彩有約定集合地方先搵到大家。睇開我blog都知我唔好outlet既～今次我又覺得ok咼，因為多日牌。我鐘意既majestic legon都有！仲要全場5折！唔知平時係咪都折咁多，總知我去果日就係咁平～如果有買開majestic legon都知佢平時有特價都係平得少少，而且佢d款都係for mix and match, 舊款都好靚，無咩所謂，所以係度必買！我買左一件外套，原價10000yen, 半價！
其他日牌反而唔太多折，又無咩時間行，所以無買到野lu~
行到8點d舖頭關門，就去食野啦~食店會夜少少關門的。吃天掃羅丼，叫左個全蝦既，幾好食！
Total:2764yen
。。。。。。。。。。。。
まめ寅
大阪府泉佐野市りんくう従来南3-28 りんくうプレミアムアウトレット 2F
11:00-21：00
。。。。。。。。。。。。
食飽就去返去rinku town站個商場，果度仲有藥妝店同namco未關，係namco用1900yen夾到隻三眼仔公仔，超開心呀！
搭地鐵返去機場，今次搭朝早6點機，去waiting room訓，我唔講個waiting room係邊啦費事太多人知無位訓～而家搭零晨機想訓機場都無位訓真係慘！想知就私底下問我啦～我地去到果時around 22:30, 所以有紅色果d位訓，超正！其實綠色櫈都好好訓～
訓到4點左右去checkin, 入到去d免稅店竟然開始開門，又可以黎個final shopping!!
