京阪神楓葉秋季旅行 Day 4 27/11/2015
今日諗唔到食咩早餐，直接skip。今天都是京都賞楓遊，繼續用Kansai Thur Pass，首先去金閣寺。搭去出柳町站轉巴士，呢度係巴士總站，搭有show去金閣寺的巴士就ok,我地搭 102號。大約五分鐘左右就到，跟指示行多五分鐘左右就到金閣寺啦！
估唔到我地黎咁多次京都都未黎過金閣寺，就襯有紅葉黎一次～其實金閣寺並非賞楓熱點，入面紅葉不多。入場費 400yen。
金閣寺要晴天黎先靚！咁多日得今日好天......
背面影反而靚d~
呢度好鬼多人，無咩心情影相～好快參觀左一個圈就走。
之後搭返102號巴士去北野白梅町站，再坐嵐電去嵐山。好肚餓要揾左野食先，嵐山一向多遊客，都預左間間餐廳都full架啦。本身plan左食豆腐料理，但見多人排隊，咁就去附近揾間無咁多人既食。
等around 10分鐘就入到，賣相幾靚，其實食物無咩特別，小小貴。
Total: 3950yen
。。。。。。。。。。。。。。
嵐丼
京都府京都市右京区嵯峨天龍寺造路町20-1 はんなりほっこりスクエア 2F
11:00-18:00
。。。。。。。。。。。。。。
食飽就行過對面天龍寺，入場費500yen。入去果時around 2點，已經完全背光！嵐山真係要一朝早黎先靚。入面紅葉唔多，有中伏既感覺，咁就無左500yen...
行返出去久保川，又係因為背光問題完全唔靚～
附近得返常寂光寺可能有紅葉，行到去門口都諗左一陣俾唔俾錢入去好，如果入面無咩紅葉就慘慘豬… 一場黎到都係決定入去，結果有驚喜，唔算好紅，但都幾靚。 入場400yen~
之後出發去貴船神社，因為叡山電車有紅葉隧道睇，係二ノ瀬駅會熄燈睇夜楓，around 2-3分鐘左右。雖然楓葉都唔多，但係電車黑媽媽睇紅葉係幾特別既，仲要Kansai thur pass係包電車＋巴士，即刻覺得好抵一定要去！紅葉季仲有きらら電車（車窗大一點，可以看紅葉更清楚），不過我地撞唔啱無搭到。太黑所以咩都影唔到。
係貴船口落左車就可以直接轉巴士，巴士時間係配合電車時間的，不用等太久。巴士不太密，所以落巴士後要睇定回程的巴士時間表。落左巴士其實都仲要行10分鐘左右。終於黎到！好靚呀！而且唔多人，可以瘋狂影相～我部J1今次影d相都唔錯～
影完相上去神社行個圈就走了。
沿途的小溪都有燈籠裝飾
搭返車去京都車站，因為呢度有聖誕燈飾睇。棵聖誕樹好高呀～
成條樓梯都係LED燈，有唔同圖案show岀黎！
然後搭車返大阪，咁遲返去既原因係想食前日食唔到既燒肉放題，去到已經around 11點，唔洗等就入得，yeah! 呢度應該已經係香港人既天下，周圍都係廣東話⋯⋯
Anyway 好食又抵食就無所謂啦～叫左個貴d既plan 3480 yen , 叫埋飲料放題 500yen。結果呢，我咁細食，豬仔又唔食牛，其實散叫會平d。
牛肉真係好好食！並唔係普通放題的cheap cheap肉。
燒完都已經零晨一點，住心齋橋附近就有呢個好處，唔洗趕終電～
。。。。。。。。。。。。
焼肉 力丸 心斎橋店
大阪府大阪市中央区心斎橋筋2-1-32 ISビル4F
17:00-05:00
。。。。。。。。。。。。
沒有留言:
張貼留言