Magic for Witch: 京阪神楓葉秋季旅行 Day 3

京阪神楓葉秋季旅行 Day 3 26/11/2015

今日出發去京都賞楓了，開始用Kansai thur pass(3 days 5200yen)。

無諗食咩早餐，轉車時經過mister donut便入去吃了。叫了Xmas special 的冬甩。

首先搭去東褔寺站，落車跟著人潮行around 10分鐘就到東褔寺了。今年楓況真的很差，我已經上網search左京都楓葉比較紅的地方來去，但始終都不太漂亮。而且人潮太多，要拍單人照都很難，更何況是合照⋯所以今次我們都無帶腳架拍合照，合照都是用自拍神棍影的。京都賞楓的地點都是寺廟，大部分都要付入場費，所以要好好search定邊個寺廟的紅葉最好看，不然便浪費金錢睇枯葉了。

東褔寺係賞楓名所，叫得做賞楓名所就當然超多人啦！入場費是400円。最出名就係通天橋的楓葉。楓葉整體來説都遍灰了，但還算不錯。

某些角度都可以拍得幾紅

搭返地鐵去河原町，本來諗住食蟹道樂的，點知又full左，估唔到京都店都咁多人(￣^￣)ゞ！諗唔到轉plan食咩好，附近我地只係去過食名代豬扒，咁就食多次名代豬扒啦～

午餐時間只係3/4滿，唔洗等。午餐同晚餐價格一樣。

Total:3620 yen / 2 person

。。。。。。。。。。。。。

名代とんかつかつくら三条本店

京都府京都市中京区寺町通三条東入ル石橋町13
11:00～21:00

。。。。。。。。。。。。。

之後就搭車去真如堂。搭地鐵到東山站落車，再轉203號巴士，係真如堂前站落。我真係好唔鐘意係京都搭巴士，今次搵個站又搵好耐，等車又等好耐⋯

落左車跟指示行就得，不過要行樓梯上，少少攰。

真如堂並唔太多遊客來，而且無料參觀，非常推薦。楓葉都比東褔寺紅，有生得不高的楓樹，可以係楓葉堆拍照。

行返出去巴士站，搭203係東天王町下車，其實只係兩個站，不過有pass可以免費搭巴士當然就唔行路啦。落左車都係要行10-15分鐘先到永觀堂。

永觀堂都係賞楓名所，我地黎睇夜楓，600yen (朝早要1000yen架！)。夜楓係17:30開始，我地早左半個鐘黎排隊都已經有一條嚇死你既人龍，排左一個鐘先入得到去。好彩有買上網卡可以上下網消磨時間。第一次睇夜楓，都真係幾靚！就算d葉唔紅，打左燈就紅返～夜晚賞楓的確幾特別。

睇完就行返出去蹴上站，around 15分鐘，黑媽媽都係跟人行。

見仲有時間d舖頭未關門，就搭返去河原町行OPA, 係jelly beans買左對鞋，係majestic legon 買左衫同裙，咁啱呢度做promotion, 出示passport有9折～

買完野就搭車返大阪啦。今次係tabelog搵左間食蟹既舖頭，かに福，十三站行around 5分鐘。呢間野既店員完全係唔識英文，我諗佢地都會好奇怪點解會有遊客黎食。anyway 唔識英文都唔係大問題，而應該係個店員見我地講英文所以太緊張，我明明已經指住個set 點，佢都誤會左我地只係要一客炭燒蟹⋯我地燒完曬，見仲未上其他食物先知唔對路。果時已經11點幾，我地擔心再order會miss尾班車，所以就無再點其他野啦。味道其實普通，炭燒比較難control , 下次都係叫火鍋好d。