由salzburg到Hallstatt 的火車不能用bayern ticket了, 所以我上網book定車票。德國DB bahn官網和奧地利OBB官網都可以book到，DB bahn要€30, OBB要€27, 對比起用bayern ticket每日只是€14任搭真係貴好多！不過我竟然咁啱撞正OBB出6-7月fan ticket, 特價到€11!!!!平一半有多真係超lucky! 其實我都唔太清楚什麼是fan ticket ,佢個廣告講到好似係因為歐國盃做特價。anyway, 上網book完print張車票出黎就ok。
我地訓到9點，10:30點check out, 係Salzburg 車站的burger king叫左個餐做早餐，之後就上去月台搭車啦。
去hallstatt要搭兩程火車，首先要係Salzburg 搭去Attnang-Puchheim Bahnhof站, around 50分鐘。呢程既火車係有包廂架，所以拉埋件行李入去都得，記得早d上去覇個靚位。
好快就有票務員黎check車票，佢見我地要轉車，仲好nice咁同我地講落車要去邊個月台轉車。
落車有13分鐘轉車，搭多45分鐘就到Hallstatt。到左仲要搭一程船€2.5，火車同船係同步既，所以落左火車唔好掛住影相，唔係走左班船又要等架啦。
一落船向右上斜路，行5-10分鐘就到Haus Sarstein民宿，係門口㩒鐘民宿主人就會岀黎。民宿主人幫我拎埋行李上房，之後仲同我地好詳細咁介紹間民宿，hallstatt四周，salt mine同Ice cave。
間民宿睇落細細間，其實都幾大，可以迷路，haha。有free wifi不過要係common room用。有個對住湖既花園仔，係度hea好舒服。房都係湖景，其實hallstatt既民宿出名難book, 有湖景既更難book而且貴。
我地一個月前係agoda, booking.com睇已經得返3-4間可以揀，仲要成千蚊一晚！咁啱睇blog有人介紹呢間，就send email去問下。原本回覆我係無房的，後尾我改前一日去hallstatt先有房。€80一晚，我覺得真係值既，非常推薦！
廁所又係好靚好酒店feel。
之後就出去行下啦，呢度又係好細，2-3小時已經可以行完，但我地係呢度stay 3日兩夜，享受一下天堂小鎮既慢生活。
民宿一行出黎已經係最經典既影相位。
行返出碼頭，再行前小小就係馬克廣場。
呢度其實只有一條大路，唔會迷路，一直行就會經過湖邊，
再行就去到lahn碼頭，果度有間比較大既超市，但價格較高，所以盡量來hallstatt之前係其他超市入定貨先。見超市既野唔平，就只係買小小果汁同汽水。
之後行去全鎮得一間既麵包店搵野食下，買左個leberkassemmerl，€20,幾好食架，買多左個做聽日早餐，我就再買多件cake做早餐。
食完就再行遠小小，會見到個公園仔，有好多外國人係度曬太陽。我地就玩下千秋，hea左一陣。
之後返民宿放低d野，民宿最底層有個面湖的花園仔，有太陽椅，我地又係度hea下發下呆，之後就出去食晚餐。
Hallstatt其實都有唔少餐廳，但感覺上好多都好貴，所以揀餐廳係一件好苦惱既事。我地最後揀左湖邊既bräugasthof hallstatt，叫左黎hallstatt 一定要食既魚，同埋黎奧地利必食既維也納豬扒。味道ok,價錢中等，值得一試。
cola €4.5 , Brauhaus beer €3.9
Saibling ganzen gebraten €18
Wiener vom Schwein € 13.9
Total:€40.3
Day 6
今日6點鐘就起身拍pre wedding, 以為咁早無人，點知竟然會有人，不過當然唔多。影到咁上下就返民宿食前一天買定既早餐。
之後一邊影相一邊行去lahn, 馬路旁有間車仔小食店，係果度買左個Hawaii burger share食，€4.8, 個burger超大超足料，大過塊面！推薦！掛住食無影到相。
食完就去salt mine, 係lahn過隧道出黎果條馬路，直行5-10分鐘就見到入囗。入場費€30,用左民宿俾既€2 coupon。之後就搭纜車上去，一開始會經過觀景台，風景好美！望返落去hallstatt變得好細。
再行10-15分鐘就會去到tour的入口，半小時一個tour, 入到去跟著導遊行就得，佢會先講德文，再講英文，所以都聽得明。
換衫～
一入到山洞氣溫就得返十幾度，夏天黎講都幾舒服，好似開左冷氣咁。
入面都係睇下山洞，中途會睇下片，之後就係大家好期待既滑梯，總共有兩條，第二條長d刺激d。反而我最鐘意係last見到山洞入面既湖，係咁高既山入面竟然有個湖真係好神奇，仲要打左燈，好靚！令我諗起Harry potter第六集，哈利同鄧不利多搵Horcrux果個湖。
呢個salt mine係比我expect中好玩的，雖然€30入場費有點貴。
落返黎其實已經無野做，本身想租船出湖泛下舟咁，不過下午話會有strom, 所以租船的舖頭無開。咁就諗住返民宿訓下覺，今朝咁早起身真係好攰。去到碼頭又去買左燒雞食，€6.9,網上評價話好咸，但我覺得都ok, 不過肉質就少少鞋。
係民宿個breakfast room食。
訓醒就去食晚餐，話說salt mine既票尾係hallstatt heritage hotel 餐廳既€2 coupon, 我地又諗唔到食咩餐廳，咁就食heritage啦。餐廳環境唔錯，價錢中上，我地叫左一碟魚，一碟牛，再加個湯。呢餐堅中伏，無樣野好食！
個湯超咸，仲要怪味，感覺有齊甜酸苦辣+奶油味。
牛方面，€17.9 , 個menu係寫cow lever, 老實講唔多知lever係邊忽，但我鐘意食牛既應該邊怱都ok既，點知放到入口，原來係牛肝⋯⋯如果佢寫liver我一定唔會叫，一向對肝臟都無咩興趣，而且真係好重肝味，完全食唔落。
最後條魚已經係最正常既，但係都唔太好食。€16.9
Total:€37.4
