歐遊德奧捷 Day 3 【天鵝堡】

歐遊德奧捷 Day 3 【天鵝堡】 22/6/2016

酒店唔包早餐，前一日係超市買定麵包果汁做早餐。

Check out 後扲住d行李去天鵝堡。 搭09:05既78號巴士，73/78號都可以去到。Bayern ticket免費。巴士站就係火車站一出黎，向左轉兩個街口。




上到去我地唔係行傳統路線上山，而係行䌫車方向，行15-20分鐘就可以去到周杰倫影婚照既地點！


一落巴士就係呢個位，直望已經見到天鵝堡，向左行就係周杰倫影婚照既地點，向右行就係傳統路線。



沿路可見舊天鵝堡。




一直行到見到有小路就向右轉入去。


我地呢個trip其中一個任務就係玩下自拍pre-wedding（我地未打算結婚，不要誤會）。傳統路線係好難同天鵝堡合照的，最多都係d selfie style既相。

呢個位無地方可以換衫既，所以我係著住去，上身著多件衫去到先除。呢條裙係旺中賣grad din衫既舖頭買，$100，跟著入加多條白色長紗裙，都係旺中買，$70。出黎個效果都幾婚紗feel架！

係度影左over 1個鐘，得幾個人經過，可以好盡情影，唔怕俾人望住曬。











12:00左右先行到返去等巴士上天鵝堡。人潮終於都出現，好多人搭巴士，沙甸魚咁，來回車票€2.6, 係巴士站買，坐5分鐘就上到山。去天鵝堡要再行多15分鐘左右，其實都幾攰，完全唔夢幻⋯ 

Anyway我對天鵝堡興趣不大，原本仲諗住唔黎既，不過黎德國又無理由唔睇天鵝堡既！所以就睇下，但唔買飛入去，事關好多人話入面無咩特別。

而最signature 既瑪利安橋竟然維修無得上去，好大既遺憾⋯⋯

只好係去天鵝堡條路影下相。













搭返巴士落富森，去cafe bistro relax食lunch。



見今日無咩食野，又勞動左咁多，就叫左兩個main course, 豬腳＋Hawaii pizza。點知份量超級大，要打包半個pizza走。total只係€28.8,味道未去到超好食既程度，但係抵食。







未夠鐘搭車，行多一陣富森。










搭16:05班火車返慕尼黑，再轉18:55班火車去Salzburg , 中問有時間就去左超市買野飲，又係飾物店見到做特價，買左一set€5既介指同頸鏈，好抵呀～






最後返locker拎返個gip就走lu 。





Salzburg車站入面已經有一個超市，價錢ok。開06:00-23:00， 非常方便。




夜晚食返午餐打包的pizza, 同埋超市買的水果。



Hotel A&O salzburg 好近車站，行around 5分鐘。間房都幾大，仲有露台！不過係中央溫度調節，所以有d焗，要開窗。不過後尾發現我地係奧地利同捷克住既酒店都無冷氣，好鬼熱，千奇唔好一早買定朱古力做手信，會溶曬! 同埋始終係hostel, 所以都有d嘈。沖涼水壓好弱。無room service執房。$496HKD一晚，都幾抵！Salzburg酒店一般都要$800以上的。