Magic for Witch: 歐遊德奧捷 Day 4 【國王湖

歐遊德奧捷 Day 4 【國王湖 | Salzburg】23/6/1016

住salzburg主要目的就係去國王湖，雖然國王湖係係德國，但係salzburg過去係比較方便快捷。為左下午可以有時間行埋Salzburg , 我地一早連早餐都未食就搭巴士去國王湖，巴士站並唔係火車站對出的，而係係另外一條街度，係火車站行去A&O酒店會經過既，就係麥當勞下一個街口。

搭840號巴士去到Berchtesgaden站落車再轉841號巴士，上車同司機買day ticket, €9.8。兩架巴士到站既時間係同步既，所以轉車其實唔洗等。不過有人話肚餓想食野先，所以無即刻上巴士，結果呢，附近跟本無咩好食，返到去巴士站就發現要再等半個鐘先有一班車⋯

最後成功去到國王湖Konigssee Parkplatz站，當然搵野食先。係碼頭附近是但搵左間餐廳食，叫做Restaurant Seehaus, 一入去什麼人也沒有，還以為未開舖。後來找到個無咩反應既侍應，叫左個唔係好知咩黎既豬肉料理和一杯啤酒share, 因為朝早唔想食咁heavy, 亦因為有點貴, total€16。味道其實不錯，是類似豬扒炒薯仔和菇，只是份量小了一點，完全對不住價錢。

吃飽便去買船票，來回salet船票€17.5。雖然keep住有船開出，但並不是買完就可以上船的。船票上有登船時間和碼頭號碼，我地等左around半個鐘先上得船，人人都有位坐的不用擔心。

船程約一小時，但沿途風景很美所以感覺好快就落船。之前睇blog都知中途會有人吹喇叭，之後要俾tips，都真係幾好聽，會有山既回音。

第一個站係教堂，我地無咩興趣所以無落船。

第二個站就係salet, 係度落左船有個廁所，收費的，記得去左先，再入去就無廁所的了。一落船已經覺得好靚，呢種就係歐洲既大自然啦！之前幾日都係睇舊建築，所以特登今日黎遊山玩水一下，新鮮感返晒黎。

出發前有擔心過唔好天要轉plan, 結果好天到爆，曬到我黑晒(￣^￣)ゞ。條路係平路所以好易行，around半小時路程。一開始已經見到我既target, 牛牛s!嘩，真係好有feel呀！

一直行都係d靚境，我平時唔鐘意行山，仲要咁熱咁曬，但呢度真係好舒服。行到盡頭就係Obersee湖，呢度真係見識到咩叫波平如鏡。坐左係度around半個鐘頭欣賞，之後就行返原路出去搭船。

等巴士既時候先開始覺得多人，全部人都無排隊，巴士又疏，一有巴士就成堆人爭住上車，一秒變香港！可惜我地爭唔贏，又要等下一架。去到Berchtesgaden站又要等半小時先有巴士。

返到salzburg已經差不多5點，我地無係總站落，係mirabell garden附近落左車入去參觀。mirabell garden係免費入場既，雖然已經5點，但仍然好熱好曬，再加上上午勞動完，我已經無力無興趣玩Salzburg ,連相都唔想影，haha。