歐遊德奧捷 Day 2 【慕尼黑｜富森】21/6/2016
今日繼續用bayern ticket, 不過酒店前既U bahn站係無得買既，所以我地行去紐倫堡車站，around 5-10分鐘。係車站既dukun donut 買左個hello kitty donut食, 好鬼貴要€1.8。
搭09:10 的RE返慕尼黑，11:00到，要轉一次車。係慕尼黑車站要轉S bahn去Marienplatz站, E出口一出就係新市政廳。
係度影下相，等到12:00睇新市政廳個大鐘表演，大約10分鐘左右，不過其實無咩特別，都係d公仔轉轉下咁。反而我好鐘意d音樂聲。
睇完就落新市政廳下面既Restraurant Ratskeller食lunch。呢間野係幾靚幾有特色既，一睇就知有返咁上下歷史，不過價錢就中等。
難得係慕尼黑食一餐就唔好計較錢，都真係好食同值既，諗下香港都差唔多價錢你就會覺得抵架啦。
呢間餐廳好明顯serve開遊客的，有不同語言的Menu，而且有圖片，點菜無難度。
叫左一碟烤豬腳Schweinshaxe 和一碟香腸Nuremberg Bratwurst Appetizer 。原本豬手又係配potato dumplings既，琴日食完唔係好接受到，所以叫佢改做炒薯仔。
豬腳我覺得係全個trip最好食既，肉質好滑唔乾，好入味，片脆！份量很大！
Total: €33.4
之後去St Peter church, 我地第一間入既教堂。
教堂外面有樓梯可以上頂樓，入場費 €1.5。行樓梯行到斷氣，如果唔想行樓梯，其實去市政廳頂樓都可以睇到慕尼黑全景，入場費一樣，但果邊有升降機！
返Munich Hbf搭15:52班RE去富森，呢班車都幾多人，要預早上車霸位。上車前係車站買左個pretzel食。
到左富森就係車站買定聽日既bayern ticket, 因為聽日搭巴士都用得，買定先唔洗行多轉。
我地住Ludwig hotel, 係車站行5分鐘左右，就係大街好易搵，佢地下係做餐廳。唔知係咪因為食飯時間所以等左一段時間先有人同我地check in。我地book superior double room, 一入房嚇一嚇，咁大既？仲要有兩張雙人床！€78一晚都真係抵！平時富森d民宿酒店都over €90!
個廁所好大好靚，酒店feel,當然唔係講緊日本d酒店啦～ 呢間真係好ok,超推薦！
Check in完去超市買飲品同聽朝早餐，唔知邊度有超市所以諗住去information center問下，點知已經close左。咁只好自己搵，行多兩個街口就搵到間REWE，個feel似City super, 但d野ok平！
我地買左2L水＋蘋果汁，好辛苦拎到返酒店，再出黎行既時候竟然俾我地發現酒店隔離已經係超市⋯勁傻仔！
酒店隔離呢間d野平d
富森好細，好快就行完
之後去食dinner, Gasthof Krone , 呢間大部份blogger都有介紹，個裝修同侍應既衣著都好有中古世紀feel。原本想叫豬手的，點知竟然賣完，咁所以改左食烤鴨。€20,不過味道同食燒雞差不多，無咩特別。
Total:€26
沒有留言:
張貼留言