福岡賞櫻之旅 Day 2

福岡賞櫻之旅 Day 2 29/3/2023



早餐食500円拉麵，呢間拉麵喺tabelog 好高分, 有3.59分。我哋都覺得味道普普通通，不過500円嚟講都幾抵食。

。。。。。。。。。。。。
名代ラーメン亭 博多駅地下街店

福岡県福岡市博多区博多駅中央街1-1 博多駅地下街

9:00～20:30

。。。。。。。。。。。。

之後巴士總站2/F information centre買巴士券1000yen。去能古島的話推薦買這個，因為單單去能古島已經抵番。




去能古島巴士和船期都比較疏，所以記得check清楚先出發

我地搭11:13的302號巴士，在博多站前巴士站上車。（通常其他人都會介紹係巴士總站搭312號巴士），大約搭40分鐘

12:00到達碼頭，搭12:15船



來回船票460円




落船再要轉多一程巴士 ,一日券都包的







入場券 1200円




一入去就係一大堆櫻花樹。




我哋首先去睇小動物先，全部都唔使錢嘅。

兔仔屋有好多好可愛嘅兔仔。

兔仔屋旁邊係迷你馬

之後就係山羊區

動物種類唔算好多，但可以近距離接觸都幾開心。




之後再行遠少少，就係油菜花田區。


呢度真係超壯觀，加埋個海景簡直係無敵。

不過油菜花真係好臭，哈哈。











回程的船似乎會見多人就加班的，原本我們要等到17:00才有船，但16:25加了一班。




落船後行去outlet,首先去食嘢先。

呢間係食Doria的，因為太耐冇食過，所以就揀呢間食啦。味道中上。


 Total：2530yen

。。。。。。。。。。。。
神戸元町ドリア マリノアシティ福岡店

福岡県福岡市西区小戸2-12-30 マリノアシティ福岡 マリナサイド北棟 2F

11:00～23:00（LO22:00）

。。。。。。。。。。。。

個outlet完全唔吸引，全部都好似幾十年前嘅款咁。豬仔喺mont bell買咗件無折既Tee




搭333號巴士去天神行陣街




晚餐在とんかつ わか葉吃吉列豬扒, Tabelog 3.63分，百名店2022 

因為係低溫油炸，所以要等25-35分鐘。


佢有唔同產地嘅豬可以揀，其實我哋都唔係好食得出分別。

不過低溫炸既係無咩油炸味，而且肉質柔軟，好好食！而且價錢亦不貴。







Total:4400yen

。。。。。。。。。。。。
とんかつ わか葉

福岡県福岡市中央区天神1-15-3611:00～23:00（LO22:00）

[月～土]
⁡⁡11:00～14:30⁡
⁡17:00～20:45
⁡[日]
⁡11:00～14:30⁡
⁡17:00～19:45⁡

。。。。。。。。。。。。

最後行埋天神嘅Donki, 再搭巴士返酒店

福岡賞櫻之旅 Day 1

福岡賞櫻之旅 Day 1 28/3/2023


HKG 10:50 28/3/23 -> FUK 15:15 28/3/23

見呢排好多人都話入境日本要排over兩小時，原本打定輸數諗住落機睇夜櫻算。結果飛機早咗降落，入境排半個鐘就得！賺咗兩個鐘可以衝過黎睇日景🤩

今日用地下鐵一日劵 640円

首先去酒店放低行李先，今次大部份都係住 HOTEL LA FORESTA～ BY RIGNA ～

博多駅筑紫口行2分鐘(東3出口），位置非常方便。價錢亦很便宜，約6540yen一晚。

主要係因為佢本身係一間舊酒店，之後翻新咗。

房間係正常商務旅館嘅格局，都算幾新淨幾舒服，當然都係唔大，開行李會有啲困難。




Lobby有微波爐

電掣位都多，床邊都有，幾方便。








之後就即刻沖去舞鶴公園睇櫻花。係大濠公園駅5号出口，行5分鐘左右。

係外面影已經超靚！

櫻花係爆炸多！

特別係上去觀景台睇。不過呢度18:00後就會變成有料夜櫻會場，所以我哋得好少時間影相。

影完櫻花之後我哋去食野先，之後再返嚟睇夜櫻。所以買one day pass好抵。




ひょうたんの回転寿司，呢間喺福岡最高分嘅回轉壽司，都出咗名多人排隊的。


在天神Solaria Stage B2, 地下街一入就見到。
18:30來到等半個鐘左右

我覺得味道其實普普通通，唔算特別新鮮。唔明點解咁高分亦都咁多人排隊。

Total：3663yen

。。。。。。。。。。。。
ひょうたんの回転寿司

福岡県福岡市中央区天神2-11-3 ソラリアステージ専門店街 B2F

11:00～21:00

。。。。。。。。。。。。

之後返去舞鶴公園睇夜櫻。夜櫻有三個會場，1000円可以入晒三個，或者400円入一個會場。我覺得入邊打燈都唔算打得好靚，係啲奇怪嘅顏色，所以就冇俾錢入去了。喺門口城牆嘅位置睇已經足夠。

福岡賞櫻之旅

福岡賞櫻之旅 28/3/2023-5/4/2023

之前去福岡，都係買平價機票快閃遊，今次三年冇睇櫻花，所以去足九日睇到飽！

因為關西同東京嘅櫻花都已經睇咗好多次，所以今次揀福岡，貪佢冇咁多人。最後呢個決定非常正確，因為關西同東京機場排入境都排兩個鐘以上！

今年嘅櫻花早咗好多開，好彩我都醒目揀咗早啲去，一去到已經喺滿開狀態，perfect!而且仲要日日都咁好天，真係所有運氣用晒喺度。


今次嘅機票係我人生最貴嘅機票！不過始終三年冇睇櫻花，而且順便去影PreWedding，所以就忍痛買落去了。



機票HKexpress $4954

HKG 10:50 28/3/23 -> FUK 15:15 28/3/23 share 30kg行李

FUK 12:55 5/4/23-> HKG 15:30 5/4/2023 share 40kg行李

酒店

HOTEL LA FORESTA～ BY RIGNA ～　28/3/23-31/3/23 (6540yen/night)

畳風呂と日本庭園の宿　ホテルパーレンス小野屋 31/3/2023 (26400yen/night)

＆ＨＯＴＥＬ　ＨＡＫＡＴＡ 1/4/23-2/4/23 (11280yen/night)

HOTEL LA FORESTA～ BY RIGNA ～　2/4/23-5/4/23 (5430yen/night)

______________________________________________

福岡賞櫻之旅 Day 1

福岡賞櫻之旅 Day 2

福岡賞櫻之旅 Day 3

福岡賞櫻之旅 Day 4

福岡賞櫻之旅 Day 5

福岡賞櫻之旅 Day 6

福岡賞櫻之旅 Day 7

福岡賞櫻之旅 Day 8 & 9

快閃東京48小時

又玩快閃東京，原來對上一次快閃已經係5年前啦！今次去48小時。本身諗住7月特價去掃平價衫，點知無咩收穫⋯

機票特價咗$1600都唔算係平，純粹係時間啱放工即飛，返黎又即刻可以返工。去之前都有擔心過，已經唔後生，唔知頂唔頂得順凌晨機去凌晨機返，好彩都仲OK，哈哈！


23:55 8/7/23 HKG ---> 05:10 9/7/23 HND
01:00 11/7/2023 HND ---> 04:40 11/7/2023 HKG



零晨機都訓得唔錯

Delay 30分鐘

05:40左右landing

入境繼續係用visit Japan web,記得填定唔洗去到先浪費時間

係機場瞓一個鐘左右就搭京急線再轉JR去池袋580円。車費真係平過成田好多。




09:00在池袋AROMA hair room 染頭髮 

Book呢間因為佢價錢算平，而且09:00開，可以襯商場未開無野做嘅時間去染髮。

環境都好舒服好靚。

呢個plan包補染（全染+1000yen),剪髮和treatment 6500yen

話就話一個半鐘，結果一個鐘就搞掂，又快又靚。




https://beauty.hotpepper.jp/slnH000368542/







染完髮就去食早餐

11:20 啱啱開舖無耐都已經有唔少客人，不過都未需要排隊。



叫咗黑毛和牛果款所以會貴少少。飯量揀咗中size, 細食其實可以揀小size。



牛肉是低溫熟成的，所以超柔軟，份量亦都多。

佐料有wasabi同cheeses cream。食到一半開始食厭就可以加佐料食，感受不同的風味。牛肉cheese cream真係好夾！

贈送的牛尾湯就普普通通。


Total:1870yen

。。。。。。。。。。。。

ローストビーフ大野 池袋

東京都豊島区南池袋1-18-22 クボタビル 2F

月〜土 11:00〜23:00（L.O22:00）
日祝 11:00〜22:00（L.O21:00）

日曜営業

。。。。。。。。。。。。

之後就去sunshine city行街，行到15:00就去做facial




Facial 5500yen, 本身只係諗住book個平平地既facial, 點知原來個plan仲包埋按摩面部、肩頸同腳，$300hkd包咁多嘢真痴線。喺飛機瞓得三個鐘，再行街攰到想死。做完真係舒服到唔想走




D職員都好好人，其實明知我係遊客唔會join plan無幫襯，態度依然好nice! 仲會慢慢用日文同我講嘢




https://beauty.hotpepper.jp/kr/slnH000246555/










之後又去食嘢啦

Espresso d works

呢間餐廳唔同季節會出唔同的水果pancake。7月是桃和檸檬。

桃のペンケーキ1780円+tax



桃係超級soft超級juicy果種，又甜又香。

好大舊cream, 但其實cream入面係桃味雪粑。

Cream亦都唔甜唔，好好味。

Pancake 黎講，我就覺得空氣感唔夠，不過都已經不錯。

一定要叫一杯飲品，所以叫杯滴漏咖啡醒醒神（580yen)

星期日18:00無book位，就要坐bar枱了，不過都不用排隊。

。。。。。。。。。。。。
ESPRESSO D WORKS 池袋

東京都豊島区東池袋1-30-3 キュープラザ池袋

LUNCH　 11:00〜14:00
TEATIME 14:00〜23：00（LO22：00）

。。。。。。。。。。。。

食完都差唔多19:00，就去行池袋Parco , Nitori, books off等等




酒店book咗Hotel Resol Ikebukuro, 用咗coupon同積分，5500円一晚。

主要因為佢近sunshine city, 方便行街買完野都可以返酒店放低。

酒店本身唔太近池袋站，要行10分鐘左右。不過就好近東池袋站，一分鐘距離，所以我通常都去東池袋搭metro。

一人房嚟講都算幾大，裝修都好新好靚，感覺溫馨舒適。





樓下就係Lawson , 行7分鐘左右有24小時的西友超市。







琴日已經行完池袋，所以今日就買張one day ticket去其他地方行街。

Tokyo metro 24小時券 600円，我搭咗7次以上，超抵！




首先搭去表參道食早餐

Gariguette 係東京最近最火紅的打卡甜品之一




平日星期一去食，開舖前10分鐘就黎排隊，10:50前面排3個人。

店內可坐十幾台客人左右，我11:30左右離開都未見需要排隊。客人大多都是觀光客。







法式千層酥有不同味道選擇，如果想一次吃到二種口味，都可以做成HALF-HALF的組合，會貴少少。

我叫了最classic的Napoleon（卡士達奶油+士多啤梨）+ Earl grey & Abricot (杏桃）HALF-HALF的組合1500円。堂食都唔一定要叫飲品，很佛心。



點完餐會給號碼單，找坐位等叫號再領餐即可。




包裝100分，打卡一流。而且包得好方便食，唔會食到成手cream。




不枉我未開舖就黎排隊，真係好好食！

千層酥的餅皮十分脆口，表面有層焦糖，但不會過甜。

Cream的分量剛剛好，食之前好擔心會好似食泡芙咁，一口咬落去啲cream會喺側邊走晒出嚟，結果係完全唔會的。

。。。。。。。。。。。。
GARIGUETTE

東京都港区北青山3-7-2 FPG links OMOTESANDO2 1F

11:00～19:00

。。。。。。。。。。。。

搭一個站去原宿行街，行到攰就返池袋食lunch




15:00 去到牛かつ いるは吃炸牛，不用等位

店舖較細，安排坐廚房旁邊，所以有點熱。

炸牛炸得很薄很脆，再自己燒至合適的熟度。吃每一片都是熱熱的吃。

牛肉亦很柔軟，味道雖然唔係頂級牛肉級數，但都已經好好吃。







1630yen

。。。。。。。。。。。。
牛かつ いろは

東京都豊島区東池袋1-9-7 友光ビル B1F

11:00～22:00 (L.O.21:00)

。。。。。。。。。。。。

之後就去新宿行街，行咗My Lord, lumine Est , ALTA




行到超級攰，又返返去池袋

Threepy的碟超靚！




晚餐吃篝雞白湯拉麵

呢間已經係食第二次，因為個雞白湯真係好好味！慢煮雞肉亦都很柔嫩。池袋站開得夜，而且唔使排隊。不過店內環境普通。都想下次試吓本店。


1200円

。。。。。。。。。。。。

銀座 篝 Echika池袋店

JR池袋駅から徒歩7分

11:00～23:00（L.O.22:30）

。。。。。。。。。。。。

最後就返返去酒店拎行李，再出發去機場。

本來以為搭零晨機免稅店都關門了，結果都仲有兩間有開。可以買到一支獺祭返香港。