桜の季節。東京崎玉 Day 1

桜の季節。東京崎玉  Day 1  1/4/2016

今個trip re左個NOO再加一星期annual leave, night完返屋企訓得兩個鐘就出發。今次試Ethiopian airline 埃塞俄比亞航空，佢並唔係一間廉航但價錢係廉航價，旺季來回連稅都只係$2500，包23kg行李。不過大家聽到個名都好驚咁，其實都無咩好驚啫，搭完真係覺得唔錯。

出發幾日前就收到message話班機改早左半小時，由原先的15:20改到14:45, 早半個鐘出發當然好啦～

地勤是香港人staff, 唔知係咪我地啱啱好一個鐘頭前先現check in, 所以佢地好燥底，overall只是對他們地勤不太滿意，不過我諗佢地都無咩training ，就唔好太計較。

入境後行到broading gate, 去完廁所就可以開始broading, 唔太多客所以好快就上齊人可以起飛，差唔多早左15分鐘。空姐空少都係黑人，由於呢班機係由埃塞俄比亞中停香港再飛東京，所以機上面有好多黑人，我都未試過見咁多黑人既，幾得意。




架機只係6-7成full, 所以感覺幾大空間，唔焗束。 座位都幾舒服唔頂腳，有電影睇，d電影好新，香港電影都有。原本諗住補眠下，最後都決定睇套snoopy大電影。

*有USB充電位


飛機餐方面，出乎意料好好食！我叫左牛肉，唔係講廢話但真係牛有牛味！佢配既薯蓉都好好食！另外仲有餐包，餅乾，沙律，lemon cheese cake, 食完真係飽死左，好滿足！不過回程係牛肉片飯，又無咁好食啦～





全程都飛得好定，只係landing時比較搖，搖到有d想嘔。

比expect中早左到達。平時我次次都land羽田機場，第一次land成田機場，真的不太喜歡成田！都知入境係比較耐既，所以一落機就急步行去排隊入境，我地超越左幾十人，但人龍都超長，等左50分鐘。羽田平時唔洗等唔耐！

成田機場距離東京市中心的距離較遠，所以車程較長，車費亦較貴。要快出機場大多搭Nex同skyliner, 我地揀左快d既skyliner ,原價2470yen, 40分鐘到日暮里站。我地買來回票加東京metro one day pass total 4700yen, 算係抵左d啦。因為我地搭JR多，所以只買one day pass, 如果買3days會更抵，詳情可看：
http://www.keisei.co.jp/keisei/tetudou/skyliner/tc/value_ticket/subway.php


唔知點解無咩人搭！幾乎包左成卡車⋯





22:30左右去到池袋the b 酒店check in, 15000yen 一晚，星期五住池袋黎講都已經算係平。係池袋東口行around 5分鐘就到，附近有一蘭，bic camera, Parco , 松本清（24hr)，激安之殿堂(24hr)等，半夜都可以行街食野，所以我揀第一日住，唔洗浪費左一晚。酒店房間都係細，但細得黎係精緻，感覺都舒服既。










之後就去行松本清同激安之殿堂，行到半夜12點先去食無敵家。揀住池袋既原因好大部分係因為無敵家，佢最出名既係排隊排好耐，所以我覺得半夜排應該點都少人d掛，點知落住雨都排40分鐘⋯⋯食完出黎一點幾就真係少人左，下次可以考慮再夜少少排。





味道呢，係好食既，但唔值得d人係朝早排隊兩小時來吃，我地排40分鐘都唔太值架啦～ d叉燒好厚幾正，唔似一蘭果d叉燒薄到半透明狀態。麵既份量都幾多，可以免費加底，但加左真係太太太多！我地仲要用coupon 免費加左隻蛋，飽到痴線！


。。。。。。。。。。
無敵家
東京都豊島区南池袋1-17-1 崎本ビル
10:30～4:00

。。。。。。。。。。